Baa u ngwélél JW Library?

JW Library i yé sélél u nla kôhna i ba bé i saa, i i ga néhne we njel inyu yoñ Bibel ni bikaat bipe, bividéô, miñañ ba ñemble, i téléfôn yoñ, i tafel yoñ tole i nkuu woñ biyi.

LELAA U NLA BANA YO: Ke i internet, u jubus bibuk le JW Library ikété ngim sabe bisélél bi internet. I sélél ini le JW Library, i nla gwélana inyu ngandak mintén mi bikei. Ngéda u yé i internet, yibil i sélél i, u pohol i mam u gwé ngôñ i yoñ inyu ha mu kei yoñ. Ibale u nla bé bana internet i mbai yoñ, bebeg u nla ke i Ndap Ane, tole i bahoma ba mbéna éñél bikaat, tole i siber kafé. Ngéda u mal yoñ bikaat mu kei yoñ, u gwé ha bé ngôñ ni internet inyu añ gwo. Kiki ba mbéna kônde gwom bi mondo mu i sélél yés JW Library, u nlama ke i internet ngim mangéda inyu jubus mam ma mondo u ga koba.

INYUKI U NLAMA BANA YO? JW Library i nés yigil yoñ i Bibel, i hôlga ki i noñ minkwel mi ntagbe i makoda. I yé ki nseñ i likalô, téntén ngéda di nkwélés bôt mu kiki di mboñ mam mape ma niñ.