Manjel inyu gwélél JW Library

INYU YIGIL YOÑ:

• Añ Bibel ni buk kel

• Añ mimbamble, bikaat bipe, ni kaat i pulasi le Annuaire (Kaat ñwii). Gwélél yimbne i mapep mu bikaat bi

• Kôôba makoda, tand mandimbhe

• Béñge bividéô

I MAKODA:

• Añ bipes bi bikaat le nti nkwel a nti makénd i añ. Ibale nti nkwel a ntémb mu pes kaat a mbôk a añ, gwélél ñañga u mam u mbôk u béñge inyu témb mu pes kaat i

• Ilole u yônôs bot yoñ ni bikaat inyu ke i likoda, gwélél kei yoñ (téléfôn tole tafel) inyu noñ minkwel nwomisôna ni inyu tôp tjémbi. JW Library a gwé tjémbi di Ane di mondo di di ta bé ikété kaat yés tjémbi

I LIKALÔ:

• I mut a ndiihe ñañ nlam, unda nye ngim jam ikété JW Library, hôla ki nye i yoñ sélél yés ni bikaat gwés ikété kei yé

• Gwélél homa liyéñél inyu hoo léba pes kaat i Bibel. Ibale nlôñ to wada u nene bé i Bibel i ngisi i mondo le New World Translation, ke yéñ ki yo i Bibel i pulasi le Traduction du monde nouveau (avec notes et références)

• Unda vidéô. Ibale nwet ndap a gwé bon, u nla unda vidéô yada ikété bividéô bi gwé ño le Yila liwanda li Yéhôva. Tole u nla unda vidéô i gwé ño le Inyuki di nlama nigil Bibel? inyu ti nye makénd i nigil Bibel. Ibale mut a mpot hilémb hipe, unda nye vidéô i hilémb hié

• Unda mut ngim pes kaat ikété hilémb hipe, u gwéélak ngobol i Bibel i hilémb hipe le u bi yoñ i kei yoñ. Tila pes kaat ni nlôñ wé, mbus hihe litole li nyible we ngobol Bibel ikété dilémb dipe