Keñgle tjandi dini ngéda u ntégbaha yigil i Bibel

U lôôha bañ pot: U hoñol bañ le u nlama toñol hiki jam. Yésu a bi gwélél mambadga inyu hôla bôt i heg pék ni i kôhna nokna ilam. (Matéô 17:24-27) Mambadga ma nés yigil ma nhôla ki we i yi i mam nnigil woñ a nok ni ma a nhémle. (be 253 § 3-4) Ngéda u mbat mbadga, hônba, u bem le nnigil a ti ndimbhe. Ibale nnigil a nti ndimbhe i téé bé, ilole u kal nye lelaa a lamga timbhe, gwélél mambadga mape inyu hôla nye i léba ndimbhe i kôli. (be 238 § 1-2) Pot ni nnigil i nya i nti nye pôla i nok biniigana loñge.​—be 230 § 4.

U lédés bañ yigil: U kwo bañ i hiandi i bambal yi yoñ yosôna mu ño nkwel u. (Yôhanes 16:12) Boñ le nkwel u yééne mu nlôm jam i liben li. (be 226 § 4-5) I toñol disii di mam, to di yé yaga dilam, i nla boñ le a tééda ha bé balôm ba mam. (be 235 § 3) Ibale nnigil a nok nlôm jam i liben, tagbe i liben li noñ ha.

U ke bañ ngwéé: Sômbôl yés i ta ndigi bé le di mélés kaat, ndi le di tihba miñem. (Lukas 24:32) Yoñ ngéda i toñol minlôñ mi Bibel mi mi nit biniigana, hala a mboñ le ngui i Bañga i Djob i sal. (2 Korintô 10:4; Lôk Héber 4:12; be 144 § 1-3) Gwélél dihéga di ntomb i nok. (be 245 § 2-4) Boñ le yigil i bana maada ni mandutu u nyi le nnigil woñ a mboma, lôñni mam a nhémle. Bat mambadga kiki bo: “U ntehe lelaa jam u yé nigil hana?” “Kii hala a niiga bés inyu Yéhôva?” “U nhoñol le umbe nseñ di gwé i nôgôl maéba mana?”​—be 238 § 3-5; 259 § 2.