Lelaa di nla gwélél kaat le Kii Bibel i niiga bés?

Bikaat le Kii Bibel i niiga bés? ni Qu’enseigne réellement la Bible? (Kii Bibel i niiga toi) bi yé nlélém. Bisélél bini gwo biba bi yé inyu niiga, bi nti ki minlélém mi biniigana ikété nlélém oda. Ndi, kaat le Kii Bibel i niiga bés? i ngwélél bibuk bi ntomb, i ntinde ki i hek pék. I yé inyu bet ba nok bé Qu’enseigne réellement la Bible? loñge. Kaat le Kii Bibel i niiga bés? i gwé bé appendis, ndi i gwé ndoñi i mamélél mé i i ntoñol ngim mam mukété tetee. Bipes gwé bi gwé bé mambadga i majubul, to minkéñég mi matila inyu mbigda. Ndi hiki pes i mal ni homa le ‘I sem kwep’, nu a nsima maliga di nigil. Nlélém kiki kaat le Qu’enseigne rééllement la Bible?, di nla ti kaat le Kii Bibel i niiga bés? to imbe ngéda i likalô, to ibale yo bé yoñ di nkap mu sôñ i. Ngéda di ntégbaha yigil ikété kaat le Kii Bibel i niiga bés?, lelaa di nla gwélél bahoma le ndoñi i mamélél ma kaat ni ‘I sem kwep.’

I SEM KWEP: Ngéda di ntégbaha yigil Bibel ni kaat le Kii Bibel i niiga toi?, di gwé lem i boñ le nnigil a añ maben, ndi di badak mambadga. Hala a nlémél ngandak bôt. Ndi hégda le, nnigil Bibel a mpot bé hilémb loñge, tole a ñañ bé loñge. Ha ngéda i, u nla pohol i gwélél kaat le Kii Bibel i niiga bés? Mbus, u nla gwélél homa le ‘I sem kwep’ inyu tégbaha yigil. U nla ki ti nnigil makénd le a yik añ maben nyemede. U nla tégbaha 15 manut inyu niiga hiki maliga mu homa nu. Kiki i homa le ‘I sem kwep’ a ntoñol bé ngandak mam ma yé ikété maben, ntéé likalô a nlama kôôba loñge, a téédaga ikété boña wé i mam nnigil wé a gwé ngôñ. Ibale maben ma ñéña ngéda yigil i tagbege, ntéé likalô a nla gwélél homa le ‘I sem kwep’ inyu mbigda.

NDOÑI I MAMÉLÉL MA KAAT: Bibuk bi ndoñi i mamélél ma kaat bi yé tilga inoñnaga ni kii bi nene ikété maben. Ntéé likalô nyen a nkit too a ga gwélél ndoñi i mamélél ma kaat i kaat le Kii Bibel i niiga bés? ngéda a ntégbaha yigil.