Tjémbi di Ane di nti makénd

I ngéda ba bé i ndap mok, Paul bo Silas ba bé bégés Djob ni tjémbi. (Minson mi baôma 16:25) I ngéda yés, bilôk bikéé gwés bi bé tôp tjémbi di Ane i ndap mok i Jaman ba bé sébél le Sachsenhausen, ni i minkôm i Sibéria. Dihéga dini di unda lelaa tjémbi di nla ti bikristen ngui, i ngéda ba mboma mandutu.

Ndék ngéda, ngandak dilémb ipe i ga kôs kaat tjémbi i mondo i gwé ño le Di tubul Yéhôva tjémbi ni maséé. Ngeñ di ga kôs i kaat i, mu ntjegek ngéda lihaa li mpohol inyu bégés Djob, di nla tôp tjo ngandak ngélé inyu tééda bibañga ikété miñem nwés. (Efésô 5:19) Hala nyen, mbuu mpubi u ga hôla bés i hoñol bibañga, ngéda mandutu ma ga lo. Tjémbi di Ane di nla hôla bés i bok mis més mu botñem di gwé. Di nla ki ti bés makénd ngéda di mboma mandutu. Ndi, ngéda di yé maséé, biloñge bi bibañga bi tjémbi tjés bi nti bés pôla i ‘paa kiñ ngii ni maséé,’ inyule miñem nwés mi nhak. (1 Miñañ 15:16; Tjémbi 33:1-3) Jon, di boñ kii yosôna di nla, inyu tibil gwélél tjémbi tjés di Ane!

BÉÑGE INI VIDÉÔ LE HIÉMBI HI HI BI TI BÔT BA MOK MAKÉND. I MBUS TIMBHE MANA MAMBADGA:

• Mambe mam ma bi tinde mankéé Frost i tila hiémbi hiada?

• Lelaa hiémbi hi, hi bi ti bilôk bikéé bi bé i ndap mok i Sachsenhausen makénd?

• Hiki kel, imbe ngéda tjémbi di Ane di nla lédés we?

• Dimbe tjémbi di Ane u ga gwés tééda bibañga?