Makeñge inyu yigil

Nigil “tjémbi di Ane” ni ñem

“I ngéda me nôgda le me yé ntombok, Yéhôva a nti me makénd ni tjémbi di JW Nkuu Biliñgeliñge^®.”​—Lorraine, Amérika.

“Tjémbi di Ane” di yé pand yada mu bibégés di nti Nyambe. (Kôlôsé 3:16) Ibale u nigil i tjémbi di, di nla hôla we to i ngéda u gwé bé kaat yés i tjémbi tole téléfôn. Noode noñ makeñge mana, ma ma nla hôla we i tééda i tjémbi di i ño.

• Yoñ ngéda i añ bibuk ni i nok kii bi nkobla. U nla pala bigda ngim jam i ngéda li ntihba we. Bibuk bi tjémbi tjés tjodisôna, bi ngembe nsik ni bi tjémbi di boñge bi yé i jw.org. Ibale u njôp i homa nunu le Bikaat, kee i homa le Nsik.

• Tila bibuk i ngim lipep. Hala a mboñ le u ntééda bibuk bi i boña, u mpala ki bigda gwo.​—Ndiimba Mbén 17:18.

• Tôp ni kiñ ikeñi. Añ tole tôp hiémbi ngandak ngélé.

• Sélés boña woñ. Noode bigda bibuk bi hiémbi ibabé i béñge lipep, i mbus béñge ibale u nhôya bé buk mu.