Hôlôs likeñge joñ inyu likalô​—I bôdôl minkwel mi mi nla ti pôla i añal ñañ nlam

Yésu a bi la tééne muda Samaria likalô inyule a bi bôdôl kwel ni nye. Lelaa di nla hôlôs likeñge jés inyu bôdôl minkwel ni bakén ba bôt?

• Ba liyômba, u pot ni bôt. To hala kii a bé nwaak, inyu bôdôl nkwel, Yésu a bi bat ndik malép manyo. Yak we u nla bôdôl nkwel ni biloñge bi mayéga, i mbus bebek u pôdôl nye mam ma kel, kiki bo bikék ni mangéda, tole jam lipe li li mbôña mu libôga joñ. U hôya bañ le njômbi i bisu i yé ndik i bôdôl nkwel, jon u nla kwel inyu hiki jam li li yé le li lémél mut a yé we bisu. Ibale nkwel woñ u nlémél bé nye, u tôñ bañ. Témb noode ni mut numpe. Soohe Yéhôva le a ti we makénd​—Néhémia 2:4; Minson mi baôma 4:29.

• Ba bebee i gwélél pôla yosôna inyu téé likalô, ndi u pabla bañ. Nwas le nkwel u kee ni bisu. Ibale u nai ndik le mut nu a nlama kwel, hala a nla tééñga nye, a téé nkwel. U nimis bañ makénd moñ ibale nkwel u mal, ibabé le u pam i añal ñañ nlam. Ibale i yé we ndutu i jubus nkwel inyu añal ñañ nlam, bana lem i bôdôl minkwel ibabé i bana mahoñol le w’a téé likalô. [Tuk vidéo 1 ni kwélél ki mu.]

• U nla léba pôla i téé likalô ngéda u nkal mut jam li tôbôtôbô inyu hémle yoñ, li li yé le li tinde nye i bat we mambadga. Yésu a bi kal ngim jam i hélha i i bi tinde muda Samaria i bat mambadga. Likalô a bi tééne muda nu li bé ndik i timbhe mambadga muda a bi bat. [Tuk vidéo 2 ni kwélél ki mu, boñ nlélém ni vidéô 3.]