Tôñ bôt bape

Kii Yésu a bi boñ

VIDÉÔ: Yésu a yé i bee malép ni muda wada

1. Béñge VIDÉÔ, tole añ Yôhanes 4:6-9. I mbus, timbhe mambadga mana:

1. Kii Yésu a bi yimbe yak i muda nu ilole a mbôdôl nkwel?

2. Yésu a bi kal le: “Ti me malép.” Inyuki di nla kal le, lijubul jé li nkwel li bé lilam?

Kii ndémbél i Yésu i niiga bés?

2. Di ga bana biloñge bi minkwel ibale di mbôdôl ni mam ma nlémél i mut a yé bés bisu.

Kôna Yésu

3. Di ba bañ ndéñ ndéñ. U kida ndik bañ i gwélél ño nkwel u gwé i mahoñol. Bôdôl ni i mam bôt ba nkwel hiki kel. Jon badba le:

1. ‘Kii manwin ma nkal?’

2. ‘Kii bôt bem ba libôk, mawanda mem ma bôlô, tole mawanda mem ma suklu ba mpot masañga mana?’

4. Béñge mam ma nkéña bôt. Badba le:

1. ‘Kii i mut nunu a yé boñ? Kii i nla ba nye i mahoñol?’

2. ‘Kii mahabga mé, libak jé tole ndap yé bi niiga me inyu hémle yé tole binéñél gwé?’

3. ‘Baa loñge ngéda ini inyu pôdôs nye?’

5. Emble.

1. U pot bañ ngandak.

2. Ti mut u nkwélés makénd i ti mahoñol mé. Ibale pôla i nene, bat nye mambadga.