Kee ni bisu i hônba ni wongut

Hala a yé nwii nwañen le u mbem le Ane Djob i loo? Baa u nhônba ni wongut ikété mandutu? (Rôma 8:25) Ngim bikristen i mboma ôa, ndééñga, mok, tole nyemb. Ngandak ipe i mboma mandutu kii bo kon u mal bé tole biun.

Kii i ga hôla bés i hônba mandutu ma momasôna? Di nlama hôlôs hémle yés hiki ngéda ni njel lisoñgol li Bibel ni lisoñda. Di nlama bok mis més ngi botñem yés. (2 Korintô 4:16-18; Lôk Héber 12:2) Di nlama yemhe Yéhôva ikété masoohe le a ti bés ngui ni njel mbuu mpubi. (Lukas 11:10, 13; Lôk Héber 5:7) Tata wés nu gwéha a nla hôla bés i “hônba ni wongut yosôna lôñni maséé.”​—Kôlôsé 1:11.

BÉÑGE VIDÉÔ I GWÉ ÑO LE ‘LIGIP NGWÉÉ NI HÔNBA’​—DI BA NKWOOG NKAA LE D’A KÔS BOM, I MBUS U TIMBHE MANA MAMBADGA:

• 

  Bimbee “bikuu di bemek bé” bi nla pémél bés i niñ yés? (Ñañal 9:11)

• 

  Lelaa masoohe ma nla hôla bés ngéda di mboma mandutu?

• 

  Ibale di nla ha bé sélél Yéhôva kiki di bé boñ ngéda bisu, inyuki di nlama bok mis més i ngii yom di nla boñ?

• 

  Kii i nla hôla we i ke ni bisu i ba nkwoog nkaa le w’a kôhna bom?