“Kena ni bisu i wan i mam mana”

Mambe mam? Kaat Filipi 4:8 i nkal le ma yé mam ma yé maliga, mam ma yé tik, mam ma ma téé sép, mam ma ma gwé bé nsohi, mam ma ma yé malam, mam ma ma nlama ñañ. I yé maliga le bikristen bi nlama ndik bé hoñol mam ma Bibel hiki ngéda. Ndi mahoñol ma ñem wés ma nlama lémél Yéhôva. Ma nlama bé hôyôs makidik més i téñbe ni nye.​—Tjémbi 19:15.

Hala a nla ba bés ndutu i keñgle mahoñol mabe. Di nlama ndik bé jôs libak jés li kwéha ndi, di nlama yak jôs Satan, ‘nyambe nu hiai hini.’ (2 Korintô 4:4) Satan a gwé kunde i ngii manjel nkoñ ’isi u ngwélél inyu legel manwin, inyu hala nyen libim li mam ba ñunda i nkuu biliñgeliñge, i internet, tole li ba nok i nkuu mahop tole i mapep ma manwin li yé libe. Jon ibale di ntibil bé pohol yom di mbéñge tole yom di ñañ, di ga bôdôl bana mahoñol mabe, i mbus yak maboñok més ma nla héñha.​—Yakôbô 1:14, 15.

BÉÑGE VIDÉÔ I GWÉ ÑO LE DI KEÑGLE MAM MA NLA SUHUS NGUI I NDÉÑBE YÉS NDÉK NI NDÉK​—MINTUK MIMBE, I MBUS TIMBHE MAMBADGA MANA:

• 

  Kii mankéé a bé béñge mu téléfôn yé, kii hala a bi boñ nye?

• 

  Lelaa kaat Galatia 6:7, 8 ni Tjémbi 119:37 bi bi hôla nye?