Hisi ‘hi bi mil lom’

Mu ñañ u bôt ba binam, i yé i pam ngim mangéda le baénél ba nkoñ ’isi ba hôla bagwélél ba Yéhôva. (Ésra 6:1-12; Éster 8:10-13) Yak i ngéda yés, di ma tehe “hisi,” hala wee ngim bôt i nkoñ ’isi i i gwé mahoñol malam, hi mil “lom” hala wee ngolba “kômnyoo,” Nsohop Satan a nlona. (Masoola 12:16) Ngim mangéda, Yéhôva “Nyambe nu tohi,” a nla tinde baane ba nkoñ ’isi i lôl litén jé mahôla.​—Tjémbi 68:21; Bingéngén 21:1.

Ndi kii u nla boñ ibale ba nha we i ndap mok inyu hémle yoñ? Kekikel u pééna bañ le Yéhôva a ga tat we. (Bibôdle 39:21-23; Tjémbi 105:17-20) Ba nkwoog nkaa le a ga bom we inyu hémle yoñ ni ki le ndéñbe yoñ i nti lôkisoñ i nkoñ ’isi wonsôna makénd.​—Filipi 1:12-14; Masoola 2:10.

BÉÑGE VIDÉÔ I GWÉ ÑO LE LÔK KÉÉ I KÔRÉ I MPAM I MOK, I MBUS TIMBHE MAMBADGA MANA:

• Munu nwii mi ntagbe, inyuki ba bi ha ngandak bilôk bikéé i mok i Kôré i Nwelmbok?

• Mambe makidik bangomin ba bi yoñ ma ma bi boñ le lôk kéé ihogi i pam i mok ilole ngéda i nkola?

• Lelaa di nla hôla lôk kéé i nkoñ ’isi wonsôna i i yé i mok inyu hémle yap?

• Lelaa di nlama gwélél kunde di gwé nano?

• I pot maliga, njee a mboñ le di net minkaa i bisu bi bangomin ba nkoñ ’isi?