Ni hôya bañ soohe inyu lôk kéé i i nkôs ndééñga

Bibel i bi bôk pot le Satan a ga sôñga bés i téé likalô, ni le a ga lona bés ndééñga. (Yôhanes 15:20; Masoola 12:17) Lelaa di nla hôla bilôk bikéé gwés bi biloñ bipe bi bi mboma ndééñga? Di nla soohe inyu yap. “Minyemhe mi mut a téé sép mi gwé ngui ngandak ikété liboñog.”​—Yakôbô 5:16.

Mambe mam di nla sima ikété masoohe més? Di nla bat Yéhôva le a ti bilôk bikéé gwés bi bôlôm ni bi bôda makénd, ni le a hôla bo le ba kon bañ woñi. (Yésaya 41:10-13) Di nla yak soohe le baane ba nkoñ isi ba ke ni bisu i nwas bés le di kena nson wés u likalô ni bisu, ‘le ndi di la niñ ikété nwee ni nsañ.’​—1 Timôtéô 2:1, 2.

Ngéda Paul bo Pétrô ba bi boma ndééñga, bibristen bi hiai hi bisu bi bi sima môl map ikété masoohe. (Minson mi baôma 12:5; Rôma 15:30, 31) To ibale di nyi bé bilôk bikéé gwobisôna bi mboma ndééñga i len ini, baa di yé le di sima môl ma makoda map, biloñ gwap, tole tison yap mu masoohe més?

Tila biloñ het u ngwés soohe inyu bikristen bi mboma ndééñga mu.