Lelaa u nla gwélél dihéga di minkwel

Ibôdôl i sôñ Kondoñ nwii 2018, di nléba dihéga di minkwel i lipep li bisu li kaat Niñ yés ni nson wés u bikristen. Lelaa di nla gwélél dihéga di?

Ngéda u ntégbaha minkwel: U nlama gwélél mbadga, pes kaat, ni mbadga inyu lipeple bi di nléba mu hihéga hi nkwel. Ndi u ta bé nyégsaga i gwélél hiki buk di nléba mu vidéô i hihéga hi nkwel. U nla jubus nkwel woñ nya ipe, tole u nla gwélél likeñge lipe li li yé mahéñha. U nla yak gwélél kaat mu Nkuu wés bisélél inyu niiga, to ibale u nkôhna bé biniigana bi tôbôtôbô inyu boñ hala.

I nson likalô: Ba nkôôba dihéga di minkwel inyu hôlôs likeñge jés i téé likalô. Ibale mut a gwé ngôñ i kéñbaha yi yé i Bibel, bebek u nla gwélél hihéga ba nti inyu lipeple. U nla héñha dihéga di minkwel tole u gwélél majubul mape ma ma yé maselna. Baa dihéga di minkwel di sôñ i ntagbe tole pes kaat ipe i nkiha ni ngôñ i bôt ba libôga joñ? Baa bôt ba mpôdôl ngim jam i i mbôña i libôga joñ? Manjel ma yé ngandak inyu gwélél dihéga di minkwel. Ndi, njômbi yés i yé le di ‘boñ mam momasôna inyu ñañ nlam, le ndi di añle wo bôt bape.’​—1 Korintô 9: 22, 23.