Yom i nlôôha nseñ i Lap

25:9, 21, 22

Nkuu won u bé yom i nlôôha nseñ ikété Lap ni ikété loñ Israel. I ond i bé i ñemkété bikérubim gwobiba, i ngii ngudul nkuu, i bé yimbne le Yéhôva a yé lôñni Lôk Israel. Ngélé yada hiki nwii, i ngwa bikwak, prisi keñi i bé i jôp i Homa a nlôôha mpubhaga, a nwes matjél ma nlôm nyaga ni ma nlôm kembee i bisu bi ngudul i Nkuu inyu boñ le bibéba bi bon ba Israel bi nwéhlana. (Lôk Lévi 16:14, 15) Hala a bé ndémbél i Yésu Kristô nu a nloo prisi keñi, ngéda a bi ke yak Yéhôva nyoo ngii, a ti nye sesema yé.​—Lôk Héber 9:24-26.

Umbe nlôñ Bibel u nkiha ni bimbe bisai?

PES KAAT

• 1 Yôhanes 1:8, 9

• Lôk Héber 9:13, 14

• Rôma 6:23

BISAI

• botñem i niñ boga

• nwéhél i bibéba

• loñge kiññem

Kii di nlama boñ inyu kôhna bisai bini?