Nkôôbaga inyu tééne bôt bobasôna likalô

Nlélém kiki Yéhôva a bi tjek litén li Israel, hala nyen a ntjek yak bagwélél bé i len ini inyu boñ sômbôl yé. I nkoñ ’isi wonsôna, dikuu di biloñ, makiiña, makoda ni bon ba muu ba nsal ntôñ inyu añal ñañ nlam u Ane. Di ntééne bôt bobasôna likalô yak bet ba mpot hilémb hipe.—Masoola 14:6, 7.

Baa u ma bana ngôñ i nigil hilémb hipe inyu hôla bôt i yi maliga? Ibale u gwé bé ngéda inyu nigil hilémb hipe, u nla gwélél sélél ini le JW Language inyu kwélés mut ni ndék bibuk. Ibale u ngwélél makeñge mana, u nla nôgda minlélém mi maséé lôk kéé i hiai hi bisu i bi nôgda ngéda bôt ba matén mape ba bé nhelek i nok “mam makeñi ma Nyambe” ikété dilémb tjap.—Minson mi baôma 2:7-11.

BÉÑGE VIDÉÔ I GWÉ ÑO LE YILA LIWANDA LI YÉHÔVA—TÉÉ LIKALÔ NI HILÉMB HIPE, I MBUS TIMBHE MAMBADGA MANA:

• 

  Imbe ngéda u nla gwélél sélél ini le JW Language?

• 

  Kii di nla léba mukété?

• 

  Dimbe dilémb bôt ba libôga joñ ba mpot?

• Kii u nlama boñ ibale mut nu a mpot hilémb hipe a ñunda le a ngwés ñañ nlam u Ane?—od 100-101 § 39-41