Makeñge ma ma nhôla i lémés boma likalô

Boma likalô i yé kiki mana makoda mape Yéhôva a ngwélél inyu tinde bés i gwéha ni i minson minlam. (Lôk Héber 10:24, 25) I boma i, i nla nom 5 tole 7 manut. I ngéda i yon ba ngwélél inyu i kap lôk kéé, i pohol libôga li likalô ni i soohe. (Ibale i boma i, i ntagbe i mbus boma ipe, ba nla hubus ngéda yé.) Ñéga boma i likalô a ga kôôba man nkwel nu a ga hôla lôk kéé i i ga ba i likalô i kel i. Kiki ’héga, ngandak bôt i i ntéé likalô i Ngwa jôn i ta i bana bé ngéda i téé likalô i ñem sonde. Jon i mankéé a ñéga boma likalô a ga kôôba ño nkwel wada ba ga kwélés i bôt ba ga boma i likalô. Mimbe minkwel mimpe mi nla lémél bôt?

• Dihéga di minkwel di di nlébna i Kaat i niñ yés ni nson wés u Bikristen

• Lelaa di nla gwélél manwin ma hiki kel inyu bôdôl nkwel?

• Lelaa di nla timbhe mut nu a nkolba likalô?

• Lelaa di nla timbhe mut nu a nkal le a nhémle bé Djob? Mut nu a nhoñol le mam ma bi lo ndik ni momede? Mut nu a mpot hilémb hipe tole mut nu a gwé yé base?

• Lelaa di nla gwélél site yés jw.org, JW Library, tole Bibel i likalô?

• Lelaa di nla gwélél sélél yada ikété Nkuu wés bisélél inyu niiga?

• Lelaa di nla gwélél makeñge mape inyu téé likalô kiki bo téléfôn, biléta, kak bikaat, mapeple, tole gwigil bi Bibel?

• Bigdaha batéé likalô le ba nlama yoñ matat, ba tôñ bôt bape, ba bana mabak malam i mandap ma bôt, ba tehge bôt kiki Yéhôva a ntehe bo ni mam mape ki

• Éba lôk kéé lelaa ba nla hôla mut i ôt biniigana i pes kaat i Bibel yada tole i vidéô yada mu man kaat le Kônde boñ biliya i lisoñgol ni i niiga

• Lelaa u nla hôla i nwet we ni nye ni yé likalô, u ti ki nye makénd

• A nla gwélél pes kaat i Bibel i i mpôdôl likalô tole ñañ u mankéé u u ntina makénd