U nla boñ le lihaa joñ li ba maséé

Yéhôva a ngwés le mahaa ma ba maséé. (Tjémbi 127:3-5; Ñañal 9:9; 11:9) Ndi to hala, ngim mam i nla boñ le di nimis maséé més kiki bo nduña tole dihôha di bôt bés ba lihaa. Kii hiki wada wés a nla boñ inyu boñ le lihaa li ba maséé?

Nlôm a nlama ti nwaa wé lipém. (1 Pétrô 3:7) A nlama ki tégbaha ngéda ni nye. A nlama bé bat nye iloo i mam a nla boñ, a éba ki le a ndiihe i mam a mbôñôl nye ni lihaa jolisôna. (Kôlôsé 3:15) A nlama unda le a ngwés nye, a bégés ki nye.​—Bingéngén 31:28, 31.

Muda a nyéñ manjel inyu nit nlô wé. (Bingéngén 31:12) A nsuhus nyemede isi yé, a nidik makidik mé. (Kôlôsé 3:18) A nti nye lipém i ngéda a mpôdôs nye ba bak bo iba, tole i bisu bi bôt bape.​—Bingéngén 31:26.

Bagwal ba ti bon bap ngéda yap. (Ndiimba Mbén 6:6, 7) Ba kal bo le ba ngwés bo. (Matéô 3:17) I ngéda ba nkogse bon bap, ba nlama boñ hala ni gwéha ni loñgeñem.​—Éfésô 6:4.

Boñge ba nlama nôgôl bagwal bap, ba ti ki bo lipém. (Bingéngén 23:22) Ba nlama kwel ni bagwal bap. Ba nlama neebe bikodlene bi bagwal bap.​—Bingéngén 19:20.

BÉÑGE VIDÉÔ INI LE NI BA MASÉÉ IKÉTÉ NDAP NAN LIHAA, I MBUS TIMBHE MBADGA INI:

Ikété lihaa, kii hiki mut a nla boñ inyu boñ le lihaa li ba maséé?