Lelaa u nla hônba ngitelepsép?

Añ Bibôdle 37:23-28; 39:17–23 inyu tehe lelaa Yôsep a bi hônba ngitelepsép.

Kônde yéñ mam ma bi tagbe. Inyuki Yôsep a bé kôhna ngitelepsép? (Bibôdle 37:3-11; 39:1, 6-10) Nwii nwañen Yôsep a bi hônba ngitelepsép? (Bibôdle 37:2; 41:46) Mu i ngéda i yosôna, kii Yéhôva a bi boñ inyu hôla Yôsep, ndi kii a bi boñ bé?—Bibôdle 39:2, 21; w23.01 17 § 13.

Kônde yéñ disii di mam. Bibel i nkal bé le Yôsep a bi boñ ngim jam inyu kolba bitembee bi nwaa Pôtifar. Lelaa minlôñ mi Bibel mi mi noñ mi ñunda inyuki Yôsep a bi pohol i yén nwee, tole inyuki di nlama bé bem le ba toñle bés mam momasôna? (Bingéngén 20:2; Yôhanes 21:25; Minson mi baôma 21:37) Bimbe bilem bilam bi bi lama hôla Yôsep i hônba ngitelepsép?—Mika 7:7; Lukas 14:11; Yakôbô 1:2, 3.

Ôt biniigana. Badba le:

• ‘Kiki me yé nnigil Yésu, imbe ngitelepsép me yé le me boma?’ (Lukas 21:12, 16, 17; Lôk Héber 10:33, 34)

• ‘Lelaa me nla kôôba inyu hônba ngitelepsép?’ (Tjémbi 62:7, 8; 105:17-19; w19.07 2-7)