Ôt nseñ ni bititii

Bikaat gwés bi yôni ni bititii bilam bi bi niiga bés matode ma mahee. Lelaa u yé le u ôt nseñ ni gwo?

• Ilole u mbôdôl yigil, béñge ndugi bititii, bi nla tinde we i kônde yéñ yi, bi ti ki we ngôñ i nigil. I ngéda u ntehe bijek bilam i nleha, bi nkon we ngôñ i je. Hala nyen yak bititii bi yé i ngéda u mbôk u béñge gwo ilole u nigil. Jon ilole u mbôdôl añ, badba le: ‘Kii me yé i tehe?’​—Amôs 7:​7, 8.

• Ilole u nigil, ôt pék, badba inyuki i bititii bi, bi yé ha. Ibale bititii bi gwé ndoñi ha isi, añ yak yo. Yéñ maada ipôla titii ni liben tole ipôla titii ni yigil, u tehe ki lelaa i nla hôla we i niñ yoñ.

• Ibale u mal nigil, témb béñge bititii inyu boñ le bi hôla we i bigda balôm ba mam. I mbus, yip mis moñ, noode bigda bititii ni biniigana u ñôt mu.

• Témb nun bititii, u tehe too u yé le u bigda i mam u nigil.