Inyuki Mbôgi Yéhôva i nke mandap ni mandap?

Yésu a bi kal banigil bé le ba yilha “biloñ gwobisôna banigil.” (Matéô 28:19, 20) Ngéda a bi ep banigil bé ba bisu i likalô, Yésu a bi ti maéba le ba ke i mandap ma bôt. (Matéô 10:7, 11-13) Mbus nyemb Yésu, bikristen bi hiai bisu bi bi kônde tjam ñwin wap i “mbamba, ni mandap mandap.” (Minson mi baôma 5:42; 20:20) I len ini, yak bés di noñ ndémbél i bikristen bi bisu, di ntehe ki le likalô li mandap ni mandap li yé loñge njel inyu boma bôt.