Inyuki ni nsébél bé homa ni nlôôs makoda le Ndap mitin?

Ikété Bibel, buk Grikia le “églésia” i bés di nsébél le “base,” “likoda,” tole “ntôñ.” Buk i, i nkobla le ngim juu li babégés, he ndap i het ba mbomna bé.

Di yoñ le ndémbél ini: Ngéda ñôma Paul a tilna bikristen bi tison Rôma, a bi ômle babiina ba bé sébél Aquila bo Priska mayéga, a kônde ki le Rôma: “Ni yégna ki me ntôñ u nkodba ndap yap.” (Rôma 16:5, Kaat Nyambe) Paul a bé hoñol bé ngim ndap ngéda a bé omle mayéga mana. Maselna ni hala, a bé ômle bôt mayéga mé​—likoda tole ntôñ bôt u u bé kodba mu ndap i.a

Jon ilole di sébél homa wés bibégés le Ndap mitin, di ngwélél nsébla le “Ndap Ane.”

Inyuki “Ndap Ane i Mbôgi Yéhôva”?

Nsébla u u kôli inyu ngandak manjom:

• Homa nu, het di nkodba, a yé toi ngim ndap.

• Di nkodba inyu bégés Yéhôva, Nyambe nu Bibel, ni inyu bok Mbôgi inyu yé.​—Tjémbi 83:18; Yésaya 43:12.

• Di nkodba ki inyu nigil mam ma mbéñge Ane i Djob, Ane i Yésu a bé béna pôdôl.​—Matéô 6:9, 10; 24:14; Lukas 4:43.

U yé malo malam i Ndap Ane i yé libôga joñ, inyu tehe wemede lelaa Mbôgi Yéhôva i nlôôs makoda map.