Lelaa di nla emble Djob?

Djob a mpôdôs bés ni njel Bibel. 2 Timôtéô 3:16

Djob a éga bôt le ba tila mahoñol mé ikété ngim kaat i pubi. I kaat i yon i yé Bibel. I gwé biniigana bi nseñ Djob a nyéñ le u yi.

Djob a nyi kii i nlôôha loñge inyu yés, a bak ki lingen li pék yosôna. Ibale u ñemble nye, w’a yila toi mut pék.​—Bingéngén 1:5.

Djob a ngwés le tonje mut hana isi a añ Bibel. I nla éña i len ini ikété ngandak dilémp.

Ibale u nyéñ emble Djob, u gwé le u añ Bibel ni le u nok yo.

Bôt ba mbog yosôna ba ñemble. Matéô 28:19

Ba niiga maliga inyu Djob ni nkoñ isi wonsôna.

U gwé bé le u saa to jam inyu kôhna biniigana bini.

U nla ki kônde yigil yoñ i Djob ikété Ndap Ane i Mbôgi Yéhôva i yéne libôga joñ.