Kii Bibel i nkal?

Baa Nsohop a yé ngim mut tole yom?

BAA W’A KAL le Nsohop a yé . . .

• Hégél mbuu?

• Béba i i yé ikété ngim mut?

• Ngim jam bôt ba binam ba bi bot?

JAM BIBEL I NKAL

Nsohop a bi kwel ni Yésu, a noode ki nye. (Matéô 4:1-4) Jon Nsohop a ta bé ngim jam mut binam a mbot, a ta bé to ngim béba i i yé ikété mut. Ndi a yé yaga mbuu mbe.

KII IPE BIBEL I NIIGA BÉS?

• I bibôdle Nsohop a bé peles añgel, ndi ‘a telbene bé i maliga.’ (Yôhanes 8:44) A yila mut bitembee, a kolba yak Djob.

• Biañgel bipe bi bi adba ni Satan mu ngolba yé. ​—Masoola 12:9.

• Nsohop a nkwés ngandak bôt ndim le ba neebe bañ le a yé.​—2 Korintô 4:4.

Baa Satan a nla bémbe bôt?

BÔT BAHOGI BA NKAL LE i kal le Satan a mbémbe bôt i yé ndigi bitembee, bape ba nsehla ni woñi u mimbuu mimbe. We u nhoñol lelaa?

JAM BIBEL I NKAL

“Ndi nkoñ isi wonsôna u niñi isi ane mut mbe.” (1 Yôhanes 5:19) Nsohop a nyumus nkoñ isi wonsôna, ndi ha hiki mut bé nyen a yé i si bémbe yé.

KII IPE BIBEL I NIIGA BÉS?

• Nsohop a ngwélél mandon inyu kônde kéñbaha nsoñgi u bôt a mbémbe.​—2 Korintô 11:14.

• Ngim mangéda, mimbuu mimbe mi nla jôb, mi yén ikété ngim bôt.​—Matéô 12:22.

• Ni mahôla ma Djob, ni nla yémbél Nsohop.​—Yakôbô 4:7.