Hôla lihaa joñ i bigda Yéhôva

Djob a bi om Yérémia inyu béhe Lôk Yuda le tjiba yap i yé bebee, inyule ba bi hôya Djob jap, le Yéhôva. (Yérémia 13:25) Lelaa ba bi pam i ôbôs maada map ni Djob i pam ha likala li? Mahaa ma Lôk Israél ma bi nimis maada map malam ni Djob. Ibabé pééna, basañ mbai ba bé noñ ha bé maéba ma Yéhôva ma ma yé ntilga ikété kaat Ndiimba Mbén 6:5-7.

I len ini, mahaa ma ma gwé maada malam ni Yéhôva ma nhôla le makoda més ma tééba siñ siñ. Basañ mbai ba nla hôla mahaa map i bigda Yéhôva ni njel loñge yigil Bibel, i ba ntégbaha hiki sonde mu ntjegek ngéda ba mpohol inyu bégés Yéhôva. (Tjémbi 22:28) I mbus le u ñunda vidéô i gwé ño nkwel le “Bibañga bini . . . bi nlama ba i ñem woñ”​—Mbôgi i mahaa, bat mana mambadga:

• Lelaa mahaa mahogi ma bi pam i yémbél ngim mandutu ma bé boma mu ntjegek ngéda ma bi pohol inyu bégés Yéhôva?

• Bimbe bisai mahaa ma yé le ma bana ibale ma gwé loñge yigil Bibel, i ba ntégbaha hiki sonde mu ntjegek ngéda ba mpohol inyu bégés Yéhôva?

• Mambe mandutu me mboma mu ntjegek ngéda lihaa jem li mpohol inyu bégés Yéhôva? Kii me yé le me boñ inyu yémbél mo?