YIGIL 6

I yi unda nseñ u Bitilna

Yôhanes 10:33-36

I SEM KWEP: U añ ndik bañ nlôñ u Bibel, ndi u tagbe i litode lipe. Ba nkwoog nkaa le baemble ba ntibil tehe maada ma yé ipôla nlôñ u Bibel u ñañ ni nlôm jam u yé i toñle bo.

KII U NLAMA BOÑ:

Pémés balôm ba bibuk. I mbus u nsoñgol nlôñ u Bibel, yigye bibuk bi bi gwé maada ma bas bas lôñni nlôm jam u yé i toñol. U nla boñ hala ngéda u ntiimba bibuk bi, tole ngéda u mbat mbadga i i ntinde baemble i yimbe balôm ba bibuk.

Ibale u ngwélél bibuk bipe inyu pémés mahoñol ma ngim nlôñ u Bibel, ba nkwoog nkaa le baemble ba ntibil tehe le bibuk Bibel yomede i ngwélél, bi gwé maada ni nlôm jam u yé i toñol.
Yigye balôm ba bibuk. Ibale u njubus nlôñ u Bibel, u ban-ga njom ilam i añ wo, unda maada balôm ba bibuk ba nlôñ u Bibel unu ba gwé ni i njom i.

Mu kii u mba u ntoñol nlôñ u Bibel, nwas Bibel yoñ i néhi. Hala a nhôla baemble i tehe maada ma yé ipôla bibuk gwoñ ni nlôñ u Bibel u ntip añ.
Tômbôs biniigana gwoñ. Keñgle i jôp i ngandak ndoñi, tiga le bôt ba tééda bé nlôm jam. Bigda kii yosôna baemble ba nyi mu jam u yé i kwélél, hala a ga hôla we i yi pohol mambe mam ma ga hôla toi we i tibil toñol biniigana, ni i tinde bôt i nok gwo.