Di hôlôs likeñge jés inyu likalô​—Di téé gwigil bi Bibel bi bi nhol bé

INYUKI HALA A YÉ NSEÑ: Bôt ba nlama lôndôl jôl li Yéhôva inyu kôs tohi. (Rôma 10:13, 14) Ndi, bot bobasôna ba neebe nigil Bibel ba ntop bé niñ inoñnaga ni matiñ ma Yéhôva. Di ntibil gwélél ngéda yés likalô inyu hôla bet ba nsômbôl toi boñ mahéñha inyu lémél Yéhôva. Ibale nnigil Bibel a mboñ bé biliya inyu héñha bilem gwé, i mbus ngim ngéda, d’a boñ biliya i yéñ bôt bape ba Yéhôva a ñôt ikété ntôñ wé. (Yôhanes 6:44) Ndi ibale i mbus ngim ngéda mut a nhéñha bilem gwé, a undga ki le a yé ‘ntéébaga inyu niñ boga,’ d’a tiimba bôdôl yigil yé i Bibel.​—Minson mi baôma 13:48.

LELAA DI NLA BOÑ:

• Bégés nnigil inyule a nsômbôl bana bañga yi​—1 Timôtéô 2:4

• Yigye nye nseñ i bii mam a bi nigil i bisélél.​—Lukas 6:46-49

• Gwélél hihéga hi Yésu hi nsalwom, i mbus bat nye le kii i mboñ nye le a nhol bañ​—Matéô 13:18-23

• Ibabé i babaa nye, koble nye inyuki u ntéé yigil yé

• Kal nye le w’a sébél nye ngim mangéda inyu ti nye makénd ni le yigil yé i ga la ke ni bisu ibale a mboñ biliya i hol

BÉÑGE VIDÉÔ, I MBUS TIMBHE MANA MAMBAGDA:

• Kii ni nigil munu nkwel u u unda le nnigil Bibel a bé boñ bé biliya inyu hol i pes mbuu?

• Lelaa nkena yigil a bi hôla nnigil i nok le a nlama boñ mahéñha?

• Lelaa nkena yigil a bi unda nnigil le a yé bebee i tiimba bôdôl yigil yé ngéda nnigil a ga boñ mahol?