A boñge ba wanda, ni kwel ni bagwal banan

Inyuki ni nlama boñ biliya i kwel ni bagwal banan? (Bingéngén 23:26) Inyule Yéhôva nyen a bi bééga bo mbegee i yoñ ndun ni bé ni i éga bé. (Tjémbi 127:3, 4) Ibale ni nkal bé bo i mam ma yé bé ikété ñem, ba ga la bé hôla bé, ni ki le ni ga la bé ôt biniigana mu mahôha ba bi bôk ba boñ. Ndi baa hala a nkobla le u nla bé tééda ngim mam i ñem woñ ibabé le u kal mo mut? U nla. Ndi u nlama bé tinde bo i hoñol le u nsôô bo ngim mam.—Bingéngén 3:32.

Lelaa u nla kwélés bagwal boñ? Pohol ngéda i i mba loñge inyu yoñ ni inyu yap. Ibale hala a nlet, u nla tilna bo kaat inyu añle bo i mam u nhoñol. Ndi kii w’a boñ ibale ba ngwés kwélés we ngim jam we u gwé bé ngôñ i kwel ni bo? U hôya bañ le ba ngwés toi hôla we. Yi le bagwal boñ ba yé mawanda moñ he baoo boñ bé. Biliya u ga boñ inyu kwel ni bagwal boñ bi ga hôla we mu niñ yoñ i boga ni boga!—Bingéngén 4:10-12.

BÉÑGE VIDÉÔ I GWÉ ÑO LE NIÑ I MAÑGE WANDA—LELAA ME NLA KWÉLÉS BAGWAL BEM? I MBUS TIMBHE MAMBADGA MANA:

• 

  Himbe hihôha Éster bo Partik ba bi boñ?

• 

  Kii ndémbél i Yésu i niiga we?

• 

  Lelaa bagwal boñ ba ñéba toi le ba ntôñ we?

• 

  Mambe matiñ ma Bibel ma nla hôla we i tibil kwel ni bagwal boñ?