PES 20
Lelaa likoda li yé ntjegek?
Yéhôva a yé Djob li oda. (1 Korintô 14:33) Jon yak litén jé li nlama ba ntjegek. Lelaa bañga bikristen i yé ntjegek i len ini? Bimbe biliya hiki wada wés a nla boñ inyu boñ le nsañ u kee ni bisu i ba ikété likoda?
1. Njee a ñéga likoda?
“Kristô a yé ñane likoda.” (Éfésô 5:23) Nyoo i ngii i het a yiine, a ñéga litén li Yéhôva i nkoñ ’isi wonsôna. Yésu a bi téé “nkol u maliga ni u pék,” man juu li mimañ li ba nsébél ki le Juu li bakena ntôñ. (Añ Matéô 24:45-47.) Nlélém kiki baôma ni mimañ mi Yérusalem mi bé boñ i hiai bisu, hala yen i len ini Juu li bakena ntôñ li ñéga litén li Yéhôva ikété nkoñ ’isi. (Minson mi baôma 15:2) Ndi i bôt ba bé bon ba ñane ntôñ wés u bikristen. Ba ñañ Bibel inyu yi kii Yéhôva a nsômbôl le ba boñ. Ba noñ ki Yésu Kristô, ñéga wap ni suhulnyuu.
2. Bonjee ba yé mimañ, kii ba mboñ ikété ntôñ?
Mimañ mi yé minhôôlak mi lôk kéé i bôlôm i i ñéba ibôdôl behee le ba ngwés Djob. Ba ngwélél Bibel inyu niiga, ni inyu ti litén li Djob makénd. Ba gwé bé nsaa inyu nson ba ngwel. Maselna ni hala, ba nsal ‘ni ñem wap wonsôna i bisu bi Nyambe, ha ni gwéha i yéñe i malôga bé, ndi ni makénd.’ (1 Pétrô 5:1, 2) Bahôla nson ba yé lôk kéé i bôlôm i i nit mimañ mu nson wap. I mbus ngéda, yak bahôla nson ba nla yônôs matode ma mbéda inyu yila mimañ.
Juu li bakena ntôñ li yé li téé ngim mimañ kiki bagwélél ba makiiña. Ba nyuuga makoda inyu ti mo ngim biniigana ni inyu lédés lôk kéé i bôlôm ni i bôda. Bagwélél ba makiiña ba nwan matode di nléba ikété Bibel inyu téé ngim lôk kéé mimañ tole bahôla nson.—1 Timôtéô 3:1-10, 12; Titô 1:5-9.
3. Kii hiki Mbôgi Yéhôva i nlama boñ?
Likoda jolisôna li ‘mbégés jôl li Yéhôva’ ni njel makoda ni likalô.—Añ Tjémbi 148:12, 13.
KÔNDE TÉM
Nigil inyu yi umbe ntén kiñe Yésu a yé, lelaa mimañ mi noode kôna ndémbél yé ni lelaa yak bés di nla nôgôl Yésu di nidik mimañ.
4. Yésu a yé loñge ñane
Yésu a naña bés i kôôge nye bebee. Añ Matéô 11:28-30, i mbus ni kwélél mbadga ini:
Umbe ntén ñane Yésu a yé, lelaa a nsômbôl le di tehe énél yé?
Lelaa mimañ mi nkôna ndémbél i Yésu? Tuk VIDÉÔ.
Bibel i ntibil éba lelaa mimañ mi nlama gwel nson wap.
Añ Yésaya 32:2 ni 1 Pétrô 5:1-3, i mbus ni kwélél mambadga mana:
Kii u nôgda mu ñem ngéda u nyi le mimañ mi mboñ biliya i hôgbaha bôt bape kiki Yésu?
Kii ipe mimañ mi mboñ inyu éba le mi noñ ndémbél i Yésu?
5. Mimañ mi nti ndémbél
Lelaa Yésu a nsômbôl le mimañ mi tehe nson wap? Tuk VIDÉÔ.
Yésu a bi yigle i bet ba ñéga likoda ndémbél. Añ Matéô 23:8-12, i mbus ni kwélél mbadga ini:
Mambe maselna u ntehe ipôla i yom Bibel i nkal inyu mimañ ni yom baéga bibase ba mboñ?
Mimañ mi nyoñ ngéda i nigil Bibel inyu lédés hémle yap ni i mahaa map
Mimañ mi nyoñ ndun ni likoda
Mimañ mi ntéé likalô hiki ngéda
Mimañ mi niiga, ndi mi nhôla ki i pubus Ndap Ane ni i gwel minson mimpe.
6. Di nlama nit mimañ
Bibel i ñéba inyuki di nlama nit mimañ. Añ Lôk Héber 13:17, i mbus ni kwélél mambadga mana:
Baa Bibel i kôli i kal bés le di ba manôgla, ni le di suhus bésbomede isi bet ba ñéga bés? Inyuki u nkal hala?
Añ Lukas 16:10, i mbus ni kwélél mbadga ini:
Inyuki di nlama nôgôl mimañ hiki ngéda, yak ikété disii di mam?
BÔT BAPE BA NKAL LE: “U ta bé nyégsaga i ba i ngim base inyu bégés Djob.”
Inyuki i yé nseñ le mut a bégés Djob ikété likoda, iloole a boñ hala nyetama?
I SEM KWEP
Yésu a yé ño u likoda. Di yé maséé i sal ni mimañ mi mi nsuhus bomede isi Yésu, ba nhôgbaha bés, ba nti ki bés ndémbél ilam.
Mambadga ma mbigda
Njee a yé ño u likoda?
Mimbe minson mimañ mi ngwel i likoda?
Kii hiki Mbôgi Yéhôva i nlama boñ?
KÔNDE YÉÑ
Béñge lelaa Juu li bakena ntôñ ni mini mimañ mimpe mi ntôñ likoda i len ini.
Béñge nson ngwélél makiiña a ngwel.
Béñge minson bôda ba ngwel ikété likoda.
“Y a-t-il des femmes ministres chez les Témoins de Jéhovah?” (La Tour de Garde, 1er septembre, 2012)
Béñge lelaa mimañ mi nsal ni ngui inyu ti lôk kéé makénd.
“Les anciens—‘compagnons de travail pour notre joie’” (La Tour de Garde, 15 janvier, 2013)