Nyiña inyu Kaat i likoda li niñ yés ni nson wés
© 2022 Christian Congregation of Jehovah’s Witnesses
2-8 KONDOÑ
MASÔÔ MA NKUS MA BIBEL | 2 BIKIÑE 22-23
“Inyuki di nlama ba suhulnyuu?”
w00 15/9 29-30
Yôsia: Suhulnyuu i nhôla i kôhna bisai bi Yéhôva
Tutu bikekela, basal i témpel ba yé i bôlô, ba yé i bôñgôl témpel i basôgôlsôgôl ba Yôsia bahogi ba bi yôi. Yôsia a nti Yéhôva mayéga inyu bôlô ba yé i sal. Ha nyen mut matila le Safan a nlo i ti nye ñañga. Ndi baa umbe nhôôk kaat a gwé mu woo? A ntoñle kiñe le prisi keñi le Hilkia a nléba “kaat Mbén Yéhôva, i a bi ti Môsi.” (2 Miñañ 34:12-18) Kinje nwin nlam: ibabé pééna i kaat i, i bé toi i Yéhôva a bi ti Môsi!
Yôsia a nyamnda ni ngôñ le ba éñél nye i kaat i. Mu kii Safan a yé añ, kiñe a yé soñda lelaa nye ni litén ba nla bii i mambén ma i bisélél. I jam li nlôôha tihba nye, li yé i tehe lelaa Mbén i ñéba nseñ u bibégés bipubi, ni bikuu bi ga kwél litén ibale ba nôgôl bé i Mbén i. Kiki a bi yimbe le litén li nôgôl bé mambén ma Djob, a was mambot mé, i mbus a ti Hilkia, Safan, ni bana bape oda le: ‘Kena yak Yéhôva, ni bat nye mahoñol mé inyu mam ma yé ntilga mu i kaat ba nléba. Hiun hi Yéhôva hi hi ga kôbna bés hi yé soso, inyule basôgôlsôgôl bés ba bi nôgôl bé bibañga bi Yéhôva, ba bi boñ bé to mam momasôna ma yé ntilga munu i kaat ini.’—2 Bikiñe 22:11-13; 2 Miñañ 34:19-21.
w00 15/9 30 § 2
Yôsia: Suhulnyuu i nhôla i kôhna bisai bi Yéhôva
Balegel nwin ba Yôsia ba nke yak mpôdôl muda le Hulda i Yérusalem, i mbus ba nlona ñañga. Hulda a nlegel bo i yom Yéhôva a nkal: i ndiihe yosôna i yé ntilga mu kaat Mbén ba ñéñél kiñe Yuda le Yôsia i ga yon. Ndi kiki kiñe i nsuhus yomede i bisu bi Yéhôva, mis mé maa ga tehe bé bikuu bi, a ga wo kiki basôgôlsôgôl bé, a juba ki ni nsañ ikété soñ.—2 Bikiñe 22:14-20; 2 Miñañ 34:22-28.
Tik ngok i mbuu
w01 15/4 26 § 3-4
To ibale u bi bana bimbe binéñél niñ yoñ i nla ba ilam
To hala kiki Yôsia a bi néñél i lihaa li li bé li ngwélél bé Yéhôva, nye a bi boñ mam malam i mis ma Yéhôva. Énél yé i bé loñge énél kayéle Bibel i nkal le: “Ikété bikiñe gwobisôna bi bi bôk nye i bisu, kiñe to yada i bi témb bé yak Yéhôva ni ñem wé wonsôna kiki nye, ni niñ yé yosôna, to ni ngui yé yosôna, kiki mbén Môsi yosôna i nkal. To i mbus yé, mut to wada a bi ba bé kiki nye.”—2 Bikiñe 23:19-25.
Yôsia a yé loñge ndémbél inyu babobasôna ba yé ikété mahaa ma ma ngwélél bé Yéhôva! Kii hihéga hié hi niiga bés? Kii i bi hôla Yosia i gwélél bé Yéhôva ni i téñbe ni nye?
9-15 KONDOÑ
MASÔÔ MA NKUS MA BIBEL | 2 BIKIÑE 24-25
“Yén péé i pes mbuu”
w01 15/2 12 § 2
Hilo hi bikééhene hi Yéhôva hi yé bebee!
2 Ibabé pééna i mam mpôdôl Sôfônia a bi legel, ma bi lama hôla Kiñe Yôsia i nok le a nlama mélés kwéha base i Yuda. To hala kiki a bi boñ biliya bi ngui i mélés kwéha base i Israel, a bi nla bé mélés béba i litén, to hô bibéba bi sôgôl wé Kiñe Manasé nu a bi “yônôs Yérusalem ni matjél ma bôt ba nginsohi. (2 Bikiñe 24:3, 4; 2 Miñañ 34:3) Inyu hala nyen hilo hi bikéhenee hi Yéhôva i ngii litén jé hi bé lama bé set.
w07 15/3 11 § 10
Balôm ba matode ba kaat Yérémia
I nwii 607 B.N.Y. Hala bé jôm li nwii ni wada le Sédésias a bé kiñe. Hala a yé 18 sôñ le kiñe Nébukanézar i Babilôn i nkéña Yérusalem. I hilo hi i yônôs isaambok, i sôñ i yônôs itan, hala wee i nwii mi yônôs 19 mi ane i kiñe i Babilôn le Nébukanézar, Nébusaradan ñane batat kiñe i Babilôn, ‘a bi lo’ i Yérusalem. (2 Bikiñe 25:8) A téé ndap yé libadô i bisu bi lipénd li tison, a yéñék manjel le a jôp i tison a tjé ki yo. I hilo hi yônôs jôm hi sôñ i yônôs itan, ‘a jôp’ i Yérusalem a ligis ki yo.—Yérémia 52:12, 13.
Tik ngok i mbuu
w05 1/8 12 § 1
Balôm ba matode ba kaat Bikiñe i nyônôs iba
24:3, 4. Kiki Manasé a bi kôp matjél ngandak, Yéhôva “a bi top bé nwéhél” Yuda. Djob a ndiihe niñ. Di nla ba nkwoog nkaa le Yéhôva ’a ga nol i bôt bobasôna ba bi kôp matjél ma bôt ba nginsohi.—Tjémbi 37:9-11; 145:20.
16-22 KONDOÑ
MASÔÔ MA NKUS MA BIBEL | 2 MIÑAÑ 1-3
“Bibel: Kaat i i mpot maliga”
w09 1/9 14 § 1
Baa Adam bo Éva ba bi niñ toi?
Di béñge bikaat bi mahaa di nléba i kaat Miñañ i bisu pes 1 ipam 9 ni i kaat Lukas pes 3. Bini bikaat bi mahaa bi sima môl ma basôgôlsôgôl ma bon ba Lôk Yuda, ibôdôl i tjai 48 ikepam i tjai 75. Kaat Lukas i mpôdôl basôgôlsôgôl ba Yésu Kristô, ki le bikaat bi Miñañ bi mpôdôl ndaye i bikiñe ni i biprisi bi litén li Israel. Hiki kaat mu i mpôdôl bôt ba bi niñ toi, kiki bo Salômô, David, Yakôb, Isak, Abraham, Nôa, ni Adam. I môl ba nsima mu bikaat bi gwo biba, ma bé môl ma bôt ba ba bi niñ toi. Hiki kaat mu i pôdôl jôl li Adam kiki mut a bi niñ toi, a bak mut binam nu bisu.
w08 1/6 3 § 4
Ñañ u Nôa ni u Ntida malép u ta bé dingaana
Ikété Bibel bikaat bi mahaa biba bi ñéba le Nôa a bi niñ toi. (1 Miñañ 1:4; Lukas 3:36) Ésra bo Lukas, i bôt ba bi tila bikaat bi, ba bi tibil boñ yiña. Lukas a bi sima Nôa kiki sôgôlsôgôl nu Yésu Kristô.
w09 1/9 14-15
Baa Adam bo Éva ba bi niñ toi?
Di pôdôl le binoñ bi bi yé biniigana bi ngandak bikristen i ngwés. Binoñ bi yé niñ i peles Yésu a bi ti kiki sesema, inyu kobol bés isi béba. Binoñ bi yé ndamba ba nsaa inyu témbna ngim jam mut a mbôk a nimis. (Matéô 20:28; Yôhanes 3:16) Inyu hala nyen Bibel i nkal inyu Yésu le, a bi ti nyemede kiki binoñ “bi bi kôli.” (1 Timôtéô 2:6) Ndi bi bi kôli inyuki? Bibel i ntoñol le: “Nlélém kiki ni njel Adam bôt bobasôna ba nwo, hala ki nyen ni njel Kristô bobasôna ba ga kôhna niñ.” (1 Korintô 15:22) Niñ i peles i Yésu i a bi ti kiki binoñ inyu tohol i bôt ba ga nôgôl nye, i yé nlélém ni niñ i peles Adam a bééna iloole a ndogbene Yéhôva i wom Éden. (Rôma 5:12) Jon, ibale Adam a bi niñ bé, ki to binoñ bi Yésu bi gwé bé nseñ wo ki wo.
Tik ngok i mbuu
it-1 977 § 2-3
Kaat i lihaa
Môl ma bôda. Bikaat bi mahaa bi bé béna bé sima môl ma bôda, ndik i ngéda hala a bé nseñ. I kaat Bibôdle 11:29, 30, ba nsima jôl li Sara (Saraï) inyule ndik i nyeni nyen mbôda di nléba i kaat Bibôdle 3:15 i bé lama pémél. Nlélém pes kaat u sima jôl li Milka, bebek inyule a bé majô ma Rébéka nwaa Isak, hala bé gwés éba le mbômbô Rébéka a bé mut lihaa nu Abraham. Jon Isak a bé lama ndigi bii muda nu a mpémél mu lihaa li. (Bibôdle 22:20-23; 24:2-4) Kaat Bibôdle 25:1 i nsima jôl li Kétura nwaa Abraham i mbus nyemb Sara. Kiki Abraham a bi témb a bii ki i mbus ngéda, hala a ñéba le a bé a gi gwé ngap i kônde gwal bon, 40 ma nwii i mbus le Yéhôva a bi boñ manyaga le a gwal, to hala kiki a bé ñunuk. (Rôma 4:19; Bibôdle 24:67; 25:20) I mam ma momasôna ma ñéba le, litén li Lôk Israel ni Lôk Midian, ni matén mape ma Arabe ma bé linyañ.
Bibel i nsima môl ma Léa bo Rahel baa ba Yakôb, manyaa mé, yak ni bon i bôda ba bobasôna ba bi gwélél nye. (Bibôdle 35:21-26) Hala a nhôla bés i tibil nok maada Djob a bééna ni i bon ba. I bikaat bi mahaa bipe, di nléba môl ma bôda inyu minlélém mi manjom. Ngim mangéda, ba sima môl ma bôda i ngéda bon ba nlama boñ le ngababum yap i nke bañ i mahaa mape. (Ñañga bôt 26:33) Libak le Bibel i nsima môl ma bôda bana le Tamar, Rahab, ni Ruth li yé tôbôtôbô. Hiki muda mu a bi boñ jam li tôbôtôbô, li li bi boñ le Yéhôva a kônde nye mu ndaye i basôgôlsôgôl i i nkena yak Mésia le Yésu Kristô. (Bibôdle 38; Ruth 1:3-5; 4:13-15; Matéô 1:1-5) I bikaat bi mahaa bipe, di nléba ki môl ma bôda kiki hihéga, i kaat 1 Miñañ 2:35, 48, 49; 3:1-3, 5.
23-29 KONDOÑ
MASÔÔ MA NKUS MA BIBEL | 1 MIÑAÑ 4-6
“Kii masoohe mem ma ñéba?”
Nu “a ñemble masoohe”
Yabés a bé mut masoohe. Iloole a mbôdôl masoohe, a bé bat mahôla ma Yéhôva. A bi bat Yéhôva mam maa ma ma ñéba le a bééna hémle ikeñi.
Pog, a bi yemhe Nyambe, a kal le: “Kéñbaha nkoñ wem.” (nlôñ 10) Yabés a bé bé mut hép, inyule a bé gwés bé kadal disi di bôt bape. Masoohe mé ma bé le, Yéhôva a kônde ti nye bon, he disi bé. Jon a bé gwés le nkoñ wé u keñep inyu boñ le bagwélél ba Djob bape ba laa yén mu.
Iba, mu masoohe mé a bat le “woo” u Djob u ba ni nye. I ngéda Bibel i mpôdôl woo u Djob, i yé inyu pôdôl ngui i Djob i a ngwélél inyu hôla bagwélél bé. (1 Miñañ 29:12) Inyu kôhna i yom a bé a gwé ngôñ, Yabés a bi yemhe Yéhôva nu woo wé u ta bé kidik inyu hôla bagwélél bé.—Yésaya 59:1.
Aa, Yabés a bat ki le: ‘Sôñ me inyu boñ le bikuu bi kwél bañ me.’ Bibañga bini le “bikuu bi kwél bañ me” bi ngwés bé kal le Yabés a bé soohe le Nyambe a hôla nye i semb-ba bikuu, ndi a bé gwés ndik kal le, Yéhôva a hôla nye le bikuu bi, bi nyuu bañ nye.
Masoohe ma Yabés ma ñéba le a bé diihe bibégés bipubi, ni le a bé hémle Nu a ñemble masoohe. Lelaa Yéhôva a bi timbhe masoohe mé? Bibel i nkal le : “Nyambe a bi bôñôl nye i jam a bi bat.”
Tik ngok i mbuu
w05 1/10 9 § 7
Balôm ba matode ba kaat Miñañ i bisu
5:10, 18-22. I dilo di énél i kiñe Saulô, matén ma Israel ma ma bé i pes likôl i lom Yordan, ba bi jôs Lôk Hagar ba yémbél ki bo, to hala kiki Lôk Hagar i bé loo bo nsoñgi ngélé iba. Ndi kii i bi hôla bo i yémbél? Hala a bi la bôña inyule bilôs bi bôt bini bi bi bôdôl Yéhôva ñem, bi yéñ ki mahôla mé. Mu gwét bi mbuu di njo, yak bés di nlama bôdôl Yéhôva ñem to hala kiki baoo bés ba nloo bes ngui.—Éfésô 6:10-17.
30 KONDOÑ–5 MATJEL
MASÔÔ MA NKUS MA BIBEL | 1 MIÑAÑ 7-9
“U nla gwel to umbe nson ni mahôla ma Yéhôva”
w05 1/10 9 § 8
Balôm ba matode ba kaat Miñañ i bisu
9:26, 27. I Lôk Lévi i bé batat manwemel ba bééna mbegee ikeñi. Inyule bon ba bééna diliba inyu yibil ngim bahoma bapubhaga i témpel. Hiki kel, ibabé set ba bé yibil manwemel. Yak bés i len ini, Yéhôva a bi bééga bés nson le di hôla bôt i yi nye ni i gwélél nye. Nlélém kiki bon ba Lôk Lévi, baa yak bés di nlama bé ba bôt ba mbôdle ñem?
w11 15/9 32 § 7
Baa u nla kôna Finéhas i ngéda u mboma mandutu?
Finéhas a bi gwel minson minkeñi ikété likoda li Israel, ñem wé ngui, ngap yé i hek pék, ni bôdôl a bééna ipañ Nyambe bi bi hôla nye i yémbél mandutu. Yéhôva a bi gwés Finéhas inyule a bi gwélél nye ni ñem wé wonsôna. Bebee le 1 000 nwii i mbus ngéda, mbuu mpubi u bi tinde Ésra i tila le: “Finéhas man Éléazar nyen a bé ñéga wap, Yéhôva a bé lônni nye.” (1 Miñañ 9:20) Yak i len ini, Djob a nhôla bagwélél bé bobasôna too ba ngwel ngim minson ikété likoda too ba ngwel bé.
Tik ngok i mbuu
w10 15/12 21 § 6
Di tubul Yéhôva tjémbi!
6 Yéhôva nyen a bi kal bapôdôl bé le, inyu bégés nye, bagwélél bé ba nlama tubul nye tjémbi. I bon ba Lôk Lévi ba bé batôp tjémbi, ba bé lama bé gwel minson bana bon ba Lôk Lévi bape ba bé gwel. Hala a bé ti bo ngéda i tila tjémbi, ni i tôp tjo.—1 Miñañ 9:33.
6-12 MATJEL
MASÔÔ MA NKUS MA BIBEL | 1 MIÑAÑ 10-12
“Kônde bana ngôñ i sélél Djob”
w12 15/11 6 § 12-13
“Niiga me i boñ sômbôl yoñ”
12 David a bé yi matiñ ma Bibel ma sôli ikété Mbén, a gwéhék ki bii mo i bisélél. Kiki hihéga, kel yada a bi bana ngôñ i “nyo malép ma bee i i yé bebee ni Bétléhém.” Bôt bé baa ba bi jôp ni ngui i homa ntôñ gwét u bon ba Filitia u bé, ba ap malép. Ndi, “David a bi tjél nyo mo, a sop mo inyu jôl li Yéhôva.” Inyuki? Nyemede a ntimbhe le: “Inyu jôl li Nyambe, me ta bé le me nyo malép mana, a yé wengoñle me yé nyo matjél ma bôt bana, ba ba bak le ba nimis niñ yap.”—1 Miñañ 11:15-19.
13 David a bé yi mbén i Nyambe i i bé kal le ba nlama bé je matjél, ndi ba bé lama kôp mo ’isi inyu Yéhôva. A bé yi ki inyuki ba nlama boñ hala. A bé yi le ‘matjél ma yé mut’. Di hôya bañ le ba bi ti nye malép, he matjél bé. Ndi inyuki David a bi tjél nyo mo? Inyule a bé yi litiñ li li bé li sôli mu mbus mbén i. I mis mé, malép ma, ma bé kiki matjél ma bôt bé baa. Jon, a bé bé le a nyo mo, inyu hala nyen a bi sôp mo ’isi.—Lôk Lévi 17:11; Ndiimba Mbén 12:23, 24.
Nwas le mambén ni matiñ ma Djob ma mma kiññem yoñ
5 Inyu boñ le mambén ma Djob ma bane bés nseñ, di nlama ndik bé añ mo ni meina ni mo. Di nlama ki ke ni bisu i gwés mo ni i diihe mo. Bañga i Djob i nkal le: “Oa béba, ni gwés ki loñge.” (Amôs 5:15) Ndi lelaa di nla pam i boñ hala? Nlôm jam a yé le, di tehe mam kiki Yéhôva a ntehe mo. Kiki hihéga: Hégda le, i yé ba we ndutu i ke ’ilo ni juu. Ndi dokta joñ li tilna we ngim bijek u nlama je, tole bi u nlama keñgle, a kal ki we le u nlama hiañda minsôn, ni le u nlama héñha bilem bihogi u gwé. Mbus u noode noñ maéba mé, u nôgda le mam ma nkahal ke loñge! Ibabé pééna, u ga ti dokta joñ mayéga ngandak inyu mahôla mé, ma ma nlémés niñ yoñ.
6 Nlélém ni bés, Nhek wés a bi ti bés mambén ma ma nla hôla bés i keñgle bikuu béba i nla lona, kayéle niñ yés i lama. Ni bigda nseñ di gwé i noñ matiñ ma Bibel ma ma mbéñge bitembee, nyumba, wip, malal ma nyega, njôô, ni makañ. (Añ Bingéngén 6:16-19; Masoola 21:8) Ngéda di ntehe bisai di nkôs ngeñ di mboñ mam kiki Yéhôva a ngwés, ñem u yé ba bés nyonok ni gwéha lôñni mayéga inyu mambén mé, ni inyu Yéhôva nyemede.
Tik ngok i mbuu
it-1 492 § 2-3
Ñem
Sal ni “ñem woñ nwonsôna.” Ñem womede inyu boñ le u sal ikété nyuu u nlama ba mbôô, ndi ñem wés i pes mbuu u nla ba nkabak. David a soohe le: “Boñ le me kon we woñi ni ñem wem wonsôna,” hala a nkobla le mut a nla bana mahoñol ma yé nkabak tole woñi u u kôli bé. (Tjémbi 86:11) I mut nu, ‘ñem wé u yé nkabak,” a n: ngwélél bé Djob ni ñem wé nwonsôna. (Tjémbi 119:113; Masoola 3:16) Ngim mangéda mut a nla sélél Djob ni “miñem malôga” (tole “miñem ima”), hala wee a noode gwélél bet iba, tole a mpot ngim jam a hoñlak lipe. (1 Miñañ 12:33; Tjémbi 12:2, buk isi lipep) Yésu nyemede a bi kal le Djob a ngwés bé bôt ba bihéñba.—Matéô 15:7, 8.
Ibale mut a ngwés sélél Djob, a nlama bé sélél nye ni ñem nkabak to ni miñem ima, ndi ni ñem wé wonsôna. (1 Miñañ 28:9) Hala a mbat biliya bi ngui, inyule ñem u yé malôga u bak mandon. (Yérémia 17:9, 10; Bibôdle 8:21) Inyu sélél Djob ni ñem wonsôna, di nlama soohe hiki ngéda, (Tjémbi 119:145; Minlénd mi Yérémia 3:41), di niglak Bañga yé, (Ésra 7:10; Bingéngén 15:28), di añlak ñañ nlam hiki ngéda. (hégha ni Yérémia 20:9), di nlama ki ke lôñni bôt ba ba ngwélél Yéhôva ni ñem wap wonsôna.—Hégha ni 2 Bikiñe 10:15, 16.
13-19 MATJEL
MASÔÔ MA NKUS MA BIBEL | 1 MIÑAÑ 13-16
“Mam ma nke loñge i ngéda di noñ bitelbene”
w03 1/5 10-11
Baa u mbadba le: “Yéhôva a yé hee?”
12 Nkuu malômbla u bi tégbaha ngandak nwii i Kiriat-Yéarim, kiki ba ntimbhe wo Israel, Kiñe David a bana ngôñ le u yééne i Yérusalem. A kot dikoo di mbok di litén, a kal bo le, a gwé ngôñ i témbna nkuu Malômbla, ‘ibale ba ntehe hala loñge ni ibale hala a nlémél Yéhôva.’ Ndi a bi boñ bé nyiña inyu yi sômbôl i Yéhôva. Ibale a bat nye, ki a bi kal bé le ba begel nkuu Malômbla i ngii kak. Ndi ki Lôk Lévi, Lôk Kôhat yon i bé lama begel wo i ngii bituu kiki Djob a bôk a kal. Lisañ lini, David a bi bat bé kii i bé sômbôl i Yéhôva, ki le masañ mape a bé boñ hala. Hala a bi lona nye bikuu bikeñi. David nyemede a bi yimbe hala, jon a bi kal le: “Yéhôva Nyambe wés a bi unbene bés, inyule di bi yéñ bé yi lelaa di nlama begee wo.”—1 Miñañ 13:1-3; 15:11-13; Ñañga bôt 4:4-6, 15; 7:1-9.
w03 5/1 11 § 13
Baa u mbadba le: “Yéhôva a yé hee?”
13 Lôk Lévi i bi témb i begel nkuu Malômbla i ngii bituu, i bôdôl i ndap Ôbed-Édôm letee i Yérusalem. I kel i, ba bi tôp hiémbi niada hi David. Mu hiémbi hi, di nléba bibuk bini le: “Yéña Yéhôva, yéña ngui yé. Yéña mahôla mé ngéda yosôna. Bigdana minson mi hélha a bi boñ, manyaga mé lôñni mbagi a bi pémés.”—1 Miñañ 16:11, 12.
Tik ngok i mbuu
w14 15/1 10 § 14
Bégés Yéhôva, Kiñe i i niñ i boga ni boga
14 David a bi pamna nkuu malômbla i Yérusalem. I kel i Lôk Lévi i bi tôp hiémbi hi hi bééna biniigana bi ngui bi di nléba i kaat i 1 Miñañ 16:31 le: “Añlana ikété biloñ le: ‘Yéhôva a nyila Kiñe!’” Ndi mut a nla badba le, ‘Yéhôva a yé Kiñe i boga ni boga, inyuki ba nla ki tôp le a nyila Kiñe?’ Yéhôva a nyila Kiñe i ngéda a ntéé ngim mut le i énél i jôl jé inyu ngim ngéda tole i ngéda a nyéñ mélés ngim jam. Libak le Yéhôva a ngwélél énél yé i nya i, i nlôôha ba nseñ. Iloole David a nwo, Yéhôva a bi bôn nye le énél yé y’a nom i boga ni boga, a kal nye le: “M’a yik boñ le man woñ wada ikété mbôda yoñ, a ane, m’a lédés ki ane yé.” (2 Samuel 7:12, 13) ) I “mbôô” i David i, i bi sôk nene iloo 1 000 nwii mbus ngéda. Njee a bé ni mbôô i? Imbe ngéda a bé lama yila Kiñe?
20-26 MATJEL
MASÔÔ MA NKUS MA BIBEL | 1 MIÑAÑ 17-19
“Tééda maséé moñ to ibale u nla bé boñ ngim mam”
w06 15/7 19 § 1
Di bok mis més i mam malam ntôñ u Yéhôva u boñ
David a bé wada ikété mintôô mi bôt Bitilna bi Lôk Héber bi mpôdôl. A bé ntat mintômba, ntôp tjémbi, mpôdôl, ni kiñe, a bé gwés Yéhôva a bôdlak ki nye ñem a bak a tiñi ni nye. Kiki a bé a tiñi ni Yéhôva, a bi bana ngôñ i ôñôl nye ngim ndap. I ndap i tole témpel i, i bi yik yila homa bibégés nu litén li Israel. David a bé yi le, i minson nwominsôna ba bé lama gwel i témpel, mi bé lama lona litén maséé ni ngandak bisai. Inyu hala nyen a tôp le: “I mut u [Yéhôva] mpohol, u tiigaha ki nye bebee, le a yén i bikotoo bi ndap yoñ, a yé kimasoda. Di ga nuu gwom bilam gwobisôna bi yé mu ndap yoñ, i témpel yoñ ipubhaga.”—Tjémbi 65:4.
Kon maséé ni minson u gwé
11 Nlélém kiki nkol u, di nla kéñbaha maséé més ibale di mboñ kii yosôna di nla inyu yônôs nson di gwé nano. “Gwélél ngéda yoñ yosôna” i nson likalô, u sal ki ni ngui minson mi likoda. (Minson mi baôma 18:5; Lôk Héber 10:24, 25) Kee makoda momasôna, u kôôba ki i ti mandimbhe malam. Tibil kôôba hiki nkwel ba nti we likoda li ñem sonde. Ibale ba mbat we le u gwel ngim nson ikété likoda, u tjélék bañ, gwel ki wo loñge. U yan bañ nson wo ki wo ba nti we. Sal ni ngui inyu lémés likeñge joñ li bôlô. (Bingéngén 22:29) Kiki w’a ke ni bisu i sal ni ngui inyu gwel minson nwoñ, hala nyen maada moñ ni Yéhôva m’a kônde let, maséé moñ ki m’a keñep. (Galatia 6:4) Ni i njel i, hala a ga ba we jam li ntomb i kon maséé ni lôk kéé ipe i i nkôs nson u gwé ngôñ i gwel.—Rôma 12:15; Galatia 5:26.
Tik ngok i mbuu
w20. 12 02, minkéñék mi matila
Di ngwés Tata wés le Yéhôva ngandak
Baa Yéhôva a nyimbe toi me?
Baa u mah badba bé le, ‘mu didun di bôt di niñ hana ’isi, me njee inyu boñ le Yéhôva a yimbe me?’ Ibale u ma badba hala, u ta bé wetama. Kiñe David a tila le: “A Yéhôva, mut binam a yé kii, le u hoñol nye? To man mut, le u yimbe nye?” (Tjémbi 144:3) David a bé nkwoog nkaa le Yéhôva bé yi nye loñge. (1 Miñañ 17:16-18) A ngwélél Bañga yé ni ntôñ wé inyu kwés we nkaa le a ntehe i gwéha u gwééne nye. Béñge ndék minlôñ mi Bibel i i nla yis we le hala a yé ntiik:
• Yéhôva a bi yimbe we ilole u ngwéé.—Tjémbi 139:16.
• Yéhôva a nyi i jam li yé we ñem, a nyi ki mahoñol moñ.—1 Miñañ 28:9.
• Yéhôva nyemede a ñemble masoohe moñ momasôna.—Tjémbi 65:2.
• aboñok moñ ma nla unbaha Yéhôva, tole ma nla kônha nye maséé.—Bingéngén 27:11.
• Yéhôva nyemede nyen a bi ôt we.—Yôhanes 6:44.
• Ibale u nwo, i ga ba jam li ntomb inyu Yéhôva le a lona we bitugne, inyule a nyi we loñge. A ga ti we nyuu mondo, ndi w’a témbna mahoñol, bilem ni mam mape ma tôbôtôbô u bééna ilole u nwo.—Yôhanes 11:21-26, 39-44; Minson mi baôma 24:15.
27 MATJEL–5 MATUMB
MASÔÔ MA NKUS MA BIBEL | 1 MIÑAÑ 20-22
“Hôla boñge ba wanda i gwel ngim minson”
“Mam u bi nôgôl nyo wem . . . , lôôs mo bôt ba yé maliga”
8 Añ 1 Miñañ 22:5. David a bé le a kit le Salômô a nla bé éga ini soso bôlô inyule témpel i bé lama “béghana ngandak.” Ndi ha yo ngéda, Salômô a bé ‘mañge nu a mbomb.’ David a bé yi le Yéhôva a ga ti Salômô ngap i sal bôlô i. Jon, David a boñ biliya gwé gwobisôna inyu kôôba ngandak gwom.
“Mam u bi nôgôl nyo wem . . . , lôôs mo bôt ba yé maliga”
7 David a bi tjél bé nit bôlô, to huñbe le mut numpe nyen a ga oñ témpel. Témpel i bi sôk sébla le témpel i Salômô, ha i David bé. Hala a bé le a wéha David nyuu inyule a bi yônôs bé ngôñ yé, ndi David a bi nit nson u ni ñem wé wonsôna. Ibabé lep ngéda, a tjek mintôñ mi bôt, ni bo ba kot bikei, mamuna, silba, ni gôl, ni bie bi sidar. I mbus, a ti Salômô makénd, a kal nye le: “Hanano ni, a man wem, Yéhôva a ba ni we, le njel yoñ i too, u oñ ki ndap Yéhôva Nyambe woñ, kiki a bi pot inyu yoñ.”—1 Miñañ 22:11, 14-16.
A bagwal, baa ni nhôla bon banan i hol ikepam i sôble?
14 Kiki batat bémba, mimañ mi likoda mi nla nit biliya bagwal ba mboñ, ngéda mi mbégés mam mut a nla yônôs i pes mbuu. Sita yada nu a bi sal kiki nsañal iloo 70 nwii, a mbigda nseñ u a kôs ngéda a bé kwel bona mankéé Charles T. Russell ngéda a bééna ndigi nwii minsamal. Sita i i nkal le: “A bi tégbaha 15 manut i kwel ni me inyu mam me bé le me yônôs i pes mbuu.” Ñ, ibale di nyoñ ngéda i ti mut makénd ni bibuk bilam, a’ hôya bé gwo niñ yé yosôna. (Bingéngén 25:11) Mimañ mi nla ki boñ le bagwal ba yoñ ngaba i bôlô maoñ ma Ndap Ane ni bon bap, ba tinak i boñge ba, minson mi mi kôli ni nwii wap, ni ngap yap.
15 Hiki wada wés ikété likoda, a nla hôla ngéda a ñunda le a ntôñ boñge. Hala a nkobla le, di yimbe biliya gwobisôna ba mboñ inyu hol i pes mbuu. Baa mañge a nti loñge ndimbhe i likoda? Baa a ntégbaha nkwel i likoda li ñem sonde? Baa a nyémbél ngim manoodana i suklu, tole a ntééne liwanda jé li suklu likalô? Di hoo bégés nye inyu jam lilam a mboñ. Inyuki u nla bé yoñ bitelbene i kwel ni mañge wanda wada—ilole likoda li mbôdôl tole i mamélél ma likoda—u undga nye le u nsiñge nye? Hala a yé ngim manjel, i nla hôla boñge ba wanda, i nôgda le ba yé toi “ikété likoda likeñi.”—Tjémbi 35:18.
Tik ngok i mbuu
w05 1/10 11 § 6
Balôm ba matode ba kaat Miñañ i bisu
21:13-15. Yéhôva a bi kal añgel le i téé himala, inyule a bi nok njôghe i litén jé. Maliga, “konangoo yé i yé ikeñi.