PES 49
Lelaa ndap yoñ lihaa i nla ba maséé?—Yigil 1
I bôt ba ntip biiba, ba nsômbôl le maséé ba nôgda i kel libii jap, ma nom niñ yap yosôna. Hala a nla bôña. Inyule di gwé ndémbél i bikristen bi bi bi biiba hala a yé ngandak nwii, bi boñok ki biliya i bii matiñ ma Bibel i bisélél.
1. Mambe maéba Bibel i nti balôm?
Yéhôva a nkal munlôm le, nyen a nlama éga lihaa jé. (Añ Éfésô 5:23) Yéhôva a mbem le, balôm ba yoñ makidik malam inyu loñge i mahaa map. Bibel i nkal le: “A balôm, kena ni bisu i gwés baa banan.” (Éfésô 5:25) Kii hala a nkobla? Munlôm nu a ngwés nwaa, a nlama éba nye le a ngwés nye, to ba yé bo iba, to ba yé ni bôt bape. A nlama tat nye, a boñ ki biliya i yônôs njômbi yé, i pes minsôn ni i pes mahoñol. (1 Timotéô 5:8) Ndi, jam li nlôôha ba nseñ li yé le, a nlama yônôs njômbi yé i pes mbuu. (Matéô 4:4) Kiki ’héga, ba nlama añ Bibel, ba soohege ntôñ. Munlôm nu a ngwés nwaa wé, a ntééda maada mé malam ni Yéhôva.—Añ 1 Pétrô 3:7.
2. Mambe maéba Bibel i nti baa?
Bibel i nkal muda le “a nlama ti nlô wé njôôñ lipém.” (Éfésô 5:33) Kii hala a nkobla? A nlama hoñol bilem bilam bi nlôm, a bigda ki biliya nlôm a mboñ inyu yoñ ndun ni nye ni bon. A nti nlôm lipém, a nidik ki makidik mé, a pôdlak nye loñge i bisu bi bôt bape to ibale nlôm a ta bé ngwélél Yéhôva.
3. Lelaa nwaa bo nlôm ba nla lédés libii jap?
Bibel i nkal babiina le: “B’a ba nsôn wada.” (Matéô 19:5) Hala a nkobla le, ba nlama boñ biliya gwobisôna le yom yo ki yo i bagal bañ bo. Ba mboñ hala i ngéda ba ntégbaha ngéda ntôñ, hiki wada a kalak nuu numpe i yom a nôgda. Ba nwas bé le mut numpe tole yom yo ki yo, ha mas Yéhôva, i ba nseñ i niñ yap iloo sobiina wap. Ba nyoñ yihe le ba bana bañ maada ma bas bas ni mut numpe nu a ta bé sobiina wap.
KÔNDE TÉM
Béñge lelaa matiñ ma Bibel ma nla lédés libii joñ.
4. A munlôm, gwés nwaa woñ u yoñ ki ndun ni nye
Bibel i nkal le: “Balôm ba nlama gwés baa bap kiki manyuu map bomede.” (Éfésô 5:28, 29) Kii hala a nkobla? Tuk VIDÉÔ, i mbus ni kwélél mbadga ini:
Lelaa nlôm a nla éba le a ngwés nwaa a yoñok ndun ni nye?
Añ Kôlôsé 3:12, i mbus ni kwélél i mbadga ini:
Lelaa nlôm a nla bii bilem bini bisélél mu kiki a niñ ni nwaa wé?
5. A bôda, ni gwés balôm banan ni ti ki bo lipém
Bibel i nti muda makénd le a ti nlô wé lipém, too a nsélél Yéhôva too a nsélél bé nye. Añ 1 Pétrô 3:1, 2, i mbus ni kwélél mambadga mana:
Ibale nlô woñ a ngwélél bé Yéhôva, u mbot ñem le, kel yada a ga gwélél nye. Ndi lelaa u nla hôla nye nano? Baa u nlama tééne nye likalô hiki ngéda? tole bilem gwoñ bilam ni lipém u nti nye gwon bi nla hôla nye?
Nwaa bo nlôm ba nlama nôgla inyu yoñ makidik. Ndi, ngim mangéda i nla pam le muda a ba bé maséé ni makidik nlôm a nyoñ. Ha ngéda i, a nlama kal nlôm mahoñol mé, ikété nwee nyensôna ni njôôñ lipém, a nlama ki bigda le Yéhôva nyen a bi nti nlôm kunde i yoñ makidik inyu lihaa jolisôna. A nlama boñ kii yosôna a nla inyu nit makidik mé. I ngéda a nit makidik ma nlôm, lihaa jolisôna li mba maséé. Añ 1 Pétrô 3:3-5, i mbus ni kwélél mbadga ini:
Kii Yéhôva a nôgda i ngéda muda a nti nlôm lipém?
6. Ni nla yémbél mandutu ma libii linan
Libii to jada li ta bé peles. Jon, babiina ba nlama sal ntôñ inyu yémbél mandutu momasôna ma nla pémél bo. Tuk VIDÉÔ, i mbus ni kwélél mambadga mana:
Mu vidéô kii ñéba le, nwaa bo nlôm ba bééna ha bé maada malam?
Kii ba mboñ inyu tiimba lédés maada map?
Añ 1 Korintô 10:24 ni Kôlôsé 3:13. I mbus le ni mal añ hiki pes kaat, ni kwélél mbadga ini:
Lelaa babiina ba nla lémés libii jap ibale ba ngwélél matiñ ma yé munu bipes bi bikaat bini?
Bibel i nkal le di nlama tina lipém wada ni nuu. I ngéda di ti mut lipém, di yé liyômba ni nye, di ñunda ki nye loñgeñem. Añ Rôma 12:10, i mbus ni kwélél mambadga mana:
Baa nwaa tole nlôm a nlama bem le sobiina wé a ti ndugi nye lipém? Inyuki?
BÔT BAPE BA NKAL LE: “Me ni sobiina wem di nôgla ha bé kiki di bé nôgla behee.”
Ibale mut a nkal we hala, lelaa u nla toñle nye le Bibel i nla hôla bo?
I SEM KWEP
Babiina ba nla ba maséé ikété libii jap, ibale ba ngwéhna, ba tinak wada ni nuu lipém, ba biyak ki matiñ ma Bibel i bisélél.
Mambadga ma mbigda
Lelaa munlôm a nla lémés libii jé?
Lelaa muda a nla lémés libii jé?
Ibale u yé mbiibaga, mambe matiñ ma Bibel ma nla hôla we i lémés libii joñ?
KÔNDE YÉÑ
Béñge biniigana bi mahee bi bi nla hôla ndap lihaa i ba maséé.
Béñge ngembe nsik i i ñéba maséé we ni sobiina woñ ni nla bana, i ngéda ni nôgôl matiñ ma Djob inyu libii.
Muda a nlama suhus nyemede isi nlôm, kii hala a nkobla.
“Inyuki muda a nlama suhul nyemede isi nlôm?” (Nkum Ntat, 15 Mpuye, 2010)
Lelaa ngim babiina, i i bi bos, i bi sôk i sañgal mindañ nwap?