Nkum ndap u Babel

I mbus Ntida malép, bon bôlôm ba Nôa ni baa bap, ba bi gwal ngandak bon. Mahaa map ma keñep, ma tjama ni nkoñ isi wonsôna, kiki Yéhôva a bi kal bo.

Ndi ngim mahaa i bé nôgôl bé Yéhôva. Ma bé kal le: ‘Loga, di ôñôl bésbomede tison, di yén ki mu. Di ga boñ nkum ndap u u mpam yaga i ngii, kayéle di yiba ni nkoñ isi wonsôna.’

Yéhôva a bé kon bé maséé ni jam bôt ba bé boñ, jon a bi kal le a ntéé bôlô yap. Baa u nyi kii a bi boñ? A bi boñ le ba bôdôl pot ngandak mintén mi dilémb. Kiki ba bé nôgla ha bé mahop, ba bi téé bôlô yap i maoñ. I nkum ndap ba bi oñ, u bi séblana le Babel, hala wee “Yubda.” Bôt ba bi bôdôl tjama ni nkoñ isi wonsôna. Ndi ba bi kena mam mabe map i bahoma ba mondo het ba bi ke i yén. Baa mut nu a ngwés Yéhôva a bé a ngi yii? Di ga yi jam li mu yigil i noñ ha.