Lelaa Djob a ntehe matjél?

Matjél ma nlôôha ba nseñ. Ibale mut a gwé bé matjél, a nla wo. Yéhôva nyen a bi hek bés, jon a kôli kal bés lelaa di gwélél matjél. Kii a nkal inyu matjél? Baa di nla je matjél? Tole di nla yoñ mo ni njel minkum? Kii i nla hôla bés i yoñ makidik malam mu jam li?

1. Lelaa Djob a ntehe matjél?

Yéhôva a bi kal bagwélél bé ba kôba le: “Niñ i hiki hégél i yéne mu matjél mé.” (Lôk Lévi 17:14) Inyu Yéhôva, matjél ma yé yimbne i niñ. Niñ i yé tik inyule i yé likébla li Djob, jon yak matjél ma yé tik.

2. Limbe ligwéélak li matjél Djob a ñoo?

Yéhôva a bi ti bagwélél bé ba behee oda le ba je bañ matjél. (Añ Bibôdle 9:4 ni Lôk Lévi 17:10.) A bi tiimba ti bikristen bi hiai hi bisu i oda i i ngéda Juu li bakena ntôñ li bi kal le: “Ni kee ni bisu i tjél . . . matjél.”—Añ Minson mi baôma 15:28, 29.

I tjél matjél, hala a nkobla le kii? Ibale dokta a nkal we le nwas moog, w’a yoñ bé mo. Ndi baa w’a je bijek bi ba nlamb ni moog? Tole w’a neebe nkum u u gwé moog? Heeni. Di nlama bé nyo mo, to je mintu mi binuga, hala wee binuga bi ba nkit bé kiñ. Tole ngim bijek i ba nlamb ni matjél.

Kii di nla kal inyu ligwéélak li matjél inyu matibla? Ngim matibla i nkiha bé ni mbén i Djob. Kiki ’héga, minkum mi matjél tole ngim matibla i i ngwélél môga makeñi ma-na ma matjél ma ma yé: Ditatam di nkôyôp, (globules rouges) ditatam di mpôp, (globules blancs) dibambha di di maba matjél, (plaquettes) ni malép ma plasma. (plasma) Ndi matibla momasôna bé mon ma mbôk mbén i Djob kiki ’héga, ngim matibla i ngwélél disii di gwom di di nlôl munu i môga ma-na ma matjél, yak ngim matibla i i ngwélél matjél ma nkokon nyemede. Ha ngéda i, mut nyemede nyen a nlama yoñ makidik.a—Galatia 6:5.

KÔNDE TÉM

3. Yoñ makidik ma ma nlémél Yéhôva

Lelaa di nla yoñ makidik ma ma nlémél Yéhôva inyu matjél? Tuk VIDÉÔ, i mbus ni kwel inyu yi lelaa u nla gwélél maéba ma noñ ha.

VIDÉÔ: Lelaa di nla yoñ makidik malam inyu matjél? (5:47)

• Soohe inyu bana pék.—Yakôbô 1:5.

• Yéñ matiñ ma Bibel ma ma nla hôla we.—Bingéngén 13:16.

• Noode yi mintén mi matibla madokta ma nla gwélél i loñ yoñ.

• Yimbe matibla u nla bé neebe.

• Ba nkwoog nkaa le matibla u ga yoñ, ma ga tééñga bé kiññem yoñ.—Minson mi baôma 24:16.b

• Yi le to nlô woñ, to nwaa woñ, to mimañ, to i mut we ni nye ni nigil Bibel, ba nla bé yôñôl we makidik ma ma mbéñge kiññem yoñ.—Rôma 14:12.

• Tila makidik moñ.

4. Mbôgi Yéhôva i nyéñ matibla malam

Di nla nôgôl mbén i Djob inyu matjél, di kôhna ki matibla malam. Tuk VIDÉÔ.

VIDÉÔ: Nkwel ni malét nkeñi Massimo P. Franchi, M.D. (1:36)

Añ Titô 3:2, i mbus ni kwélél mbadga ini:

• Inyuki di nlama kwel ni bidokta, di bak minyaô?

Môga ma matjél di nla bé yoñ	Kristen yon i nyoñ makidik
A. Malép ma plasma	Disiina di gwom di yé ikété malép ma plasma
B. Ditatam di mpôp	Disiina di gwom di yé ikété ditatam di mpôp
C. Dibamha di di maba matjél	Disiina di gwom di yé ikété dibamha di gwom di di maba matjél
D. Ditatam di nkôyôp	Disiina di gwom di yé ikété ditatam di nkôyôp

5. Disii di gwom di di yé ikété matjél

Matjél ma gwé môga makeñi ma-na: Ditatam di nkôyôp, ditatam di mpôp, dibamha di di maba matjél, ni malép ma plasma. I môga makeñi ma-na ma, ma gwé ki disii di gwom.c Bidokta bi nla gwélél disii di gwom ti inyu tibil ngandak makon, ni inyu boñ le matjél ma pam bañ mut ngandak.

I ngéda i mpam le ba gwélél disii di gwom di yé ikété matjél, hiki kristen yon i nlama yoñ makidik inoñnaga ni kiññem yé ni matiñ ma Bibel. Bape ba nla pohol le ba ntjél matibla ma ma ngwélél disii di gwom di matjél. Ki le bape ba neebe disii di gwom ti.

I ngéda u nsômbôl yoñ makidik, badba le:

• Lelaa me nla toñle dokta inyuki me neebe le ba gwélél disii di gwom di yé ikété matjél, tole inyuki me neebe bé gwo?

I SEM KWEP

Yéhôva a ngwés bé le di bep gwélél matjél.

Mambadga ma mbigda

• Inyuki Yéhôva a ntehe matjél kiki tik jam?

• Lelaa di nyi le i mbén i Djob i i mbéñge matjél i mbéñge yak minkum mi matjél?

• Lelaa u nla yoñ makidik malam inyu matjél?

KÔNDE YÉÑ

Mambe mam ma nla tinde bés i yoñ makidik malam inyu matibla ma ma ngwélél matjél més?

“Mambadga ma basoñgol” (Nkum Ntat 15 Biôôm, 2000)

Kii di nlama wan i ngéda i mbéda le di pohol ibale di ga neebe matibla ma ma ngwélél disii di gwom di di yé i matjél tole heeni?

“Mambadga ma basoñgol” (Nkum Ntat, 15 Hilônde, 2004)

Kii i bi hôla dokta yada i neebe le litehge li Yéhôva inyu matjél li yé lilam?

“J’ai accepté le point de vue de Dieu sur le sang” (Réveillez-vous!, 8 décembre, 2003)

Béñge lelaa mimañ mi mi nsal i Comités de liaison hospitalier mi nit lôk kéé yap.

Yéhôva a nit i bôt ba nkon (10:23)