Watchtower KOBOT BIKAAT I INTERNET
Watchtower
KOBOT BIKAAT I INTERNET
Basaa (Kamerun)
Ñ
  • É
  • é
  • Ñ
  • ñ
  • BIBEL
  • BIKAAT
  • MAKODA
  • lff hiémbi 56 matode 1-6
  • Hôñôs adna ikété likoda

Vidéô yo ki yo i nene bé mu lipohlak lini.

Di mbat nwéhél, hihôha hi mbôña i mayibil ma vidéô.

  • Hôñôs adna ikété likoda
  • Niñ ilam i boga ni boga!—Yigil Bibel kiki nkwel
  • Bon ba miño
  • Minkwel mi mpôna
  • KÔNDE TÉM
  • I SEM KWEP
  • KÔNDE YÉÑ
  • I yé bés loñge le di tiige lôk kéé bebee!
    Nkum Ntat u ñañal Ane Yéhôva (Yigil)—2025
  • Ni yila bañ ngok baagene inyu “bôt batitigi bana”
    Nkum Ntat u ñañal Ane Yéhôva (Yigil)—2021
  • Lelaa u nla nwéhél bôt bape kiki Yéhôva?
    Nkum Ntat u ñañal Ane Yéhôva (Yigil)—2025
  • Lédés gwéha yoñ inyu Yéhôva ni lôk kéé
    Nkum Ntat u ñañal Ane Yéhôva (Yigil)—2021
Jôga ipe
Niñ ilam i boga ni boga!—Yigil Bibel kiki nkwel
lff hiémbi 56 matode 1-6
Pes 56. Bisita biba bi bi gwé bé kôgô yada bi yé i yégna ni maséé.

PES 56

Hôñôs adna ikété likoda

Kiki kaat i mapep
Kiki kaat i mapep
Kiki kaat i mapep

I ngéda di yé ni lôk kéé i bôda ni i bôlôm, di nôgda nlélém kiki Kiñe David nu a pot le: “Nuna-ki kinje jam lilam ni li maséé le lôk kéé i nyén ntôñ ikété adna!” (Tjémbi 133:1) Adna yés i bi lo bé ndigi yotama hala. Ndi hiki wada wés nyen a mboñ biliya i tééda i adna i.

1. Limbe jam li tôbôtôbô li nene ikété litén li Djob?

To ibale u nke likoda i loñ ipe, bebek w’a nok bé i hop ba mba ba mpot mu likoda, ndi w’a nôgda le u yé ni lôk kéé yoñ. Inyuki? Inyule i nkoñ ’isi wonsôna di ngwélél minlélém mi bikaat inyu nigil Bibel. Di mboñ ki biliya i éba gwéha wada ni nuu. To di niñil hee, bésbobasôna di nla “bégés jôl li Yéhôva, ikété adna.”—Sôfônia 3:9, Matila isi lipep.

2. Kii u nla boñ inyu boñ le adna i ba ikété likoda?

“Ni gwéhna bé ni bé bañga bañga ni ñem wonsôna.” (1 Pétrô 1:22) Lelaa u nla bii nlôñ kaat unu i bisélél? Iloole u bok mis i ngii mahôha ma lôk kéé i bôlôm ni i bôda, béñge bilem gwap bilam. Mawanda moñ ma ba ndik bañ bôt ba yé nlélém litén ni we, nlélém loñ, tole ba ba gwé nlélém nkôm niñ kiki we, ndi u nlama ki yéñ bot mawanda ni ini lôk kéé ipe i u nyi bé loñge. Di nlama boñ biliya le di todol bañ bôt.—Añ 1 Pétrô 2:17.a

3. Kii u nla boñ i ngéda u gwé ngimanôgla ni mankéé?

I yé maliga le litén li Yéhôva li gwé adna, ndi di yé bikwéha kiki bôt bobasôna. Hok ngéda di nla boñ mankéé béba, tole di nla babaa nye. Jon Lipôdôl li Djob li nkal bés le “kena ni bisu . . . ni nwéhlaga ki bé ni bé,” li nkônde le: “Nlélém kiki Yéhôva a bi nwéhél bé ni ñem wé wonsôna, yak bé ni nlama boñ nlélém.” (Añ Kôlôsé 3:13.) Di mboñ béba i bisu bi Yéhôva hiki ngéda, ndi to hala a nwéhél bés. Yak nye a mbem le di nwéhél lôk kéé i bôda ni i bôlôm. Ibale u nyimbe le u mbabaa ngim mut, yoñ bitelbene le u kee u kôp nsañ.—Añ Matéô 5:23, 24.b

KÔNDE TÉM

Béñge mambe manjel u nla gwélél inyu hôñôs nsañ ni adna ikété likoda.

Collage: Mankéé a yé kôp nsañ. 1. Mankéé numpe a yé bam nye. 2. A yé ôt pék mu i mam mankéé a mpot. 3. A yé béñge kii matiñ ma Bibel ma nkal i ngéda mut a ñunbaha we. 4. Bo iba ba yé i homa ba nyôl kofi, ba yé i kôp nsañ.

Kii u nla boñ inyu kôp nsañ?

4. U todol bañ bôt

Di nlama gwés lôk kéé yosôna. Ndi hala a ta bé bun i gwés mut we ni nye ni yé maselna. Ndi kii i nla hôla we? Añ Minson mi baôma 10:34, 35, i mbus ni kwélél mambadga mana:

  • Yéhôva a ngwés le mintén mi bôt nwominsôna mi gwélél nye. Lelaa hala a nla hôla we i héñha litehge joñ li mam?

  • Mambe maboñok bôt ba gwé i libôga joñ, ma ma ñéba le ba ntodol bôt?

Añ 2 Korintô 6:11-13, i mbus ni kwélél mbadga ini:

  • Kii u nla boñ inyu yila liwanda ni lôk kéé i i yé maselna ni we?

5. Ba bebee i nwéhél ni i kôp nsañ

Yéhôva a yé bebee i nwéhél bés, to ibale di kôli bé le a nwéhél bés. Añ Tjémbi 86:5, i mbus ni kwélél mambadga mana:

  • Kii nlôñ kaat unu u niiga bés inyu nwéhél i Yéhôva?

  • Inyuki u yé maséé i yi le Yéhôva a yé bebee i nwéhél we?

  • Imbe ngéda i nla ba ndutu i yéñ nsañ ni i tééda wo?

Lelaa ndémbél i Yéhôva i nla hôla bés i ba nsañ ni lôk kéé i bôda ni i bôlôm? Añ Bingéngén 19:11, i mbus ni kwélél mbadga ini:

  • Ibale mut a mbabaa we, tole a ñunbaha we, kii u nla boñ inyu ke ni bisu i yéñ nsañ?

Hok ngéda i nla pam le wen u mbabaa bôt bape. Kii u nla boñ? Tuk VIDÉÔ, i mbus ni kwélél mbadga ini:

VIDÉÔ: I kôp nsañ i nlona bisai (6:01)

  • Mu vidéô, bimbe biliya sita yada i mboñ inyu kôp nsañ?

6. Béñge bilem bilam bi bilôk bikéé

Mu kii u mba u nke ni bisu i yi lôk kéé i bôda ni bôlôm, w’a yimbe bilem gwap bilam ni bibe. Ndi kii i nla hôla we i bok mis moñ ndigi i ngii bilem gwap bilam? Tuk VIDÉÔ, i mbus ni kwélél mbadga ini:

VIDÉÔ: Konde lémés libak joñ! (5:10)

  • Kii i nla hôla we i bok mis moñ ndigi i ngii bilem bilam bi lôk kéé i bôlôm ni i bôda?

Yéhôva a mbéñge ndigi bilem gwés bilam. Añ 2 Miñañ 16:9a, i mbus ni kwélél mbadga ini:

  • Kii u nôgda i ngéda u nok le Yéhôva a mbok ndigi mis mé i ngii bilem gwon bilam?

Hilonde hi diamañ.

Diamañ i yé tik ngok, ndi i gwé bahoma ba ba mbai bé loñge. Nlélém jam inyu lôk kéé, ba yé bikwéha, ndi ba yé tik i mis ma Yéhôva

BÔT BAPE BA NKAL LE: “Inyuki me nlama nwéhél mut nu a kôli bé le me nwéhél nye?

  • Inyuki di nlama ba bebee i nwéhél bôt bape?

I SEM KWEP

U nla boñ le nsañ u ba ikété likoda i ngéda u nke ni bisu i nwéhél lôk kéé i bôda ni bôlôm, ni i éba bo gwéha.

Mambadga ma mbigda

  • Lelaa u nla éba le u ntodol bé bôt?

  • Kii u nla boñ ibale u gwé ngimanôgla ni mankéé numpe?

  • Inyuki u nlama ba bebee i nwéhél kiki Yéhôva?

Jam u nla boñ

KÔNDE YÉÑ

Béñge lelaa hihéga hiada Yésu a bi ti hi nla hôla we i waa todol bôt.

Héya nkok (6:56)

Baa u nhoñol le u nlama bat nwéhél i ngéda wemede u nyi le u mboñ bé to yom?

“I bat nwéhél” (Nkum Ntat, 1 Maye sép, 2002)

Béñge lelaa ngim bôt i bi nigil i tôñ bape ibabé ndodla.

Di pémhene bañ mut mbagi kingéda bitéé bi mis (5:06)

Béñge lelaa u nla sañgal ngim ndañ inyu boñ le nsañ u kee ni bisu i ba ikété likoda.

“Ni sañgal ngimanôgla ikété gwéha” (Nkum Ntat, Mpuye 2016)

a Ndoñi i mamélél ma kaat 6 Makon ma ma nlôôhana

b Ndoñi i mamélél ma kaat 7 Mam ma moni ni mambén ma ngomin.

    Bikaat ni hilémb Basaa (1996-2024)
    Mapémél
    Lijubul
    • Basaa (Kamerun)
    • Kap
    • Pohol libamblak
    • Copyright © 2025 Watch Tower Bible and Tract Society of Pennsylvania
    • Matéak inyu ligwélél
    • Matiñ ma nsôñ biniñ bi bôt
    • Paramètres de confidentialité
    • JW.ORG
    • Lijubul
    Kap