Lelaa di nla bigda minlôñ mi Bibel?

Baa ngim mangéda, hala a yé a lédél we i tééda minlôñ mi Bibel u ngwés ngandak? I nla ba nlôñ Bibel u u nlédés we, u u nhôla we i yémbél mahoñol mabe, tole u u nsômbôl gwélél inyu hôla mut numpe. (Tjémbi 119:​11, 111) Di béñge mam mahogi ma ma nla hôla bés i tééda minlôñ mi Bibel.

• Kee i JW Library.^® Tand nlôñ Bibel u nsômbôl tééda, w’a tehe ngandak gwom i mpam ha ngii. Hihe i homa plus a nene. I ngéda a nyibla, tila nlôñ woñ ha. I ngéda u ntémb u bana ngôñ ni wo, tiimba yibil JW Library. U kee i homa a yé ha isi, i walôm le Étude individuelle, w’a tehe nlôñ u.

• Bii nlôñ Bibel i het u nla pala tehe wo. I ngéda u ntila nlôñ Bibel i lipep, bii wo i homa u mbéna tagbe. Bôt bahogi ba ñéde wo i léman, bape ba ñéde wo i frigô. Bape ba ñôt nlôñ Bibel u, ba bii i fôtô ba ñôt i fond d’écran yap.

• Yoñ lipep jada, u tila pes kaat ni nlôñ Bibel i pes yada i lipep, ii pes ipe u tila i yom nlôñ Bibel u, u nkal. I ngéda u mboñ hala, u nla béñge pes yada inyu bigda pes kaat ni nlôñ, u béñge ii pes ipe inyu tééda i yom nlôñ Bibel u, u nkal.