Job
15 Dialusi si Elipas+ halak Teman i ma,
2 “Tung dohonon ni halak na marbisuk ma hata na so marguna?
Manang tung akka na jahat* ma na adong di rohana?
3 Dang marlapatan molo holan hata bahenonna mamissang,
Jala dang marlapatan molo dohononna akka na so marguna.
4 Ai gabe dang adong be na makkabiari Debata alani ho,
Jala dang parduli be halak tu Debata alani ho.
5 Alani hasalaanmu do umbahen na didok ho songon i,
Jala hata ni halak na licik do na dihatahon ho.
6 Ho sandiri do na mandok ho marsala, dang au.
Hatami do na patuduhon na marsala ho.+
7 Ho do haroa jolma na parjolo tubu?
Nungnga tubu haroa ho andorang so adong akka dolok?
8 Hea haroa dibege ho rahasia ni Debata?
Holan ho do haroa jolma na marbisuk?
9 Adong haroa na diboto ho na so diboto hami?+
Adong haroa na diattusi ho na so diattusi hami?
10 Nungnga matua hami jala ubanon,+
Uttua do hami sian bapakmu.
11 Nungnga diapuli Debata ho jala nungnga didok tu ho hata na lambok.
Dang sae dope i di ho?
12 Boasa dipasombu ho ginjang ni roham mangarajai ho?
Boasa muruk ho mangida au?
13 Muruk do ho attong tu Debata,
Umbahen na didok ho akka hata sisongon i.
14 Adong do haroa jolma na badia di jolo ni Debata?
Manang hea haroa tubu jolma na so marsala* sian sahalak borua?+
16 Tarlumobi ma halak na so hasea jala na mangulahon ulaon na dihagigihon Debata,+
Na masihol tu hajahaton!
17 Tangihon ma na lao paboaokku tu ho!
Ai naeng paboaokku do tu ho sude naung huida,
18 Na dipaboa ni akka halak na marbisuk,
Na dibege nasida sian bapak ni nasida+ jala dang ditabunihon nasida i.
19 Holan tu nasida do dilehon huta ni nasida,
Jala dang diloas halak na asing mamolus sian i.
20 Susa do halak na jahat saleleng ngoluna,
Jala disiksa do ibana saleleng martaon-taon.
21 Dibege ibana do akka soara na mambahen mabiar.+
Tikki dame ngoluna, ro do halak mangarampok ibana.
22 Diboto ibana do dang boi ibana malua sian hamatean,+
Ai nungnga ditottuhon ibana lao dibunu mamakke podang.
23 Lao do ibana tusan tuson mangalului sipanganon* jala didok do, ‘Didia do i?’
Ai diboto ibana do naung jonok ari hamamatena.
24 Mabiar do ibana alani hasusaan dohot sitaonon,
Gabe songgop ma i tu ibana songon raja na lao marporang.
25 Diangkat ibana do tanganna lao mangasangi Debata
Jala dialo* ibana do Pargogo na So Hatudosan i.
26 Dialo ibana do Debata, ai sijogal rukkung do ibana
Diboan ibana do perisai na hapal jala na pir.
27 Ginjang do rohana,
Jala mokmokan do ibana ala mamora.
28 Di kota na naeng maruppak do ibana tinggal,
Di akka jabu na so diingani,
Jabu na naeng maruppak.
29 Dang na lao mamora ibana, dang na lao tarpapungu artana,
Jala dang na lao martamba artana.
30 Dang na lao malua ibana sian hamatean,
Gabe koring do akka rattingna ala tartutung,*
Jala mate do ibana ala diombus Debata.+
31 Unang ma lilu ibana ala porsea tu akka na so marguna,
Ai gabe dapotna do annon akka na so marguna.
32 Songon i ma na lao masa tu ibana satokkin nai,
Jala dang na lao tubu be akka dakkana.+
33 Dos do ibana songon hau anggur na mardabuan parbuena, hape so dapot dope tikkina,
Jala songon hau jetun na mardabuan akka bungana.
34 Dang na lao marhasil ulaon ni halak na jahat,*+
Jala na lao tartutung ma kemah ni akka halak na manjalo suap.
35 Holan na jahat do dipikkiri jala diulahon nasida,
Jala holan gabus do di roha ni nasida.”