Job
30 “Alai saonari, diparekkeli nasida do au+
Hape upposo do nasida sian au,
Haru bapak ni nasida pe,
Dang tama mandongani akka biangku marmahan biru-birukku.
2 Aha ma guna ni gogo ni nasida tu au?
Ai dang margogo be nasida.
3 Gale-gale do nasida ala so mangan jala pogos.
Dihilhil nasida do tano na harsang,
Tano na sega jala na tarulang.
4 Dipapungu nasida do bulung-bulung na assim sian ramba-ramba,
Jala urat ni hau na paet do siallangon ni nasida.
5 Dipalao do nasida sian huta ni nasida,+
Jala disuraki halak do nasida songon na marsurak tu panakko.
7 Mangandungi do nasida sian ramba-ramba
Jala marsionjaran do nasida di toru ni suga-suga.
8 Halak na oto jala na so marguna do nasida,
Dipalao* do nasida sian huta ni nasida.
10 Magigi do nasida tu au jala mandao do nasida sian au.+
Dang alang roha ni nasida manijuri bohikku.+
11 Dang margogo be au dibahen Debata jala dipaila Ibana do au,
Gabe lomo-lomo ni nasida ma tu au.
12 Marroan ma nasida mangaroro au sian sabola kanan,
Gabe ikkon lari ma au
Dung i dibahen nasida ma jorat di dalan asa marjea au.
14 Songon na mangalewati tembok naung maruppak do nasida ro.
Marroan do nasida tu inganan naung sega i.
15 Mabiar situtu do au.
Mago do hasangapokku songon na dihabangkon alogo,
Jala mago do na huharappon songon ombun.
18 Gogo do diribak abittu,
Jala disokkik do au, songon na mamakke kerah ni baju na soppit.
19 Disappatton Debata do au tu gambo,
Gabe dos ma au songon orbuk dohot abu.
20 Jou-jou do au mangido asa diurupi, alai dang ditangihon Ho au.+
Jongjong do au, alai holan na dipanotnoti Ho do au.
21 Massai kejam do caram mangalo au,+
Jala massai gogo do Ho mamukkul au.
22 Diangkat Ho do au jala dihabangkon Ho tu alogo.
Dung i disappatton Ho do au tu haba-haba.*
23 Ai huboto do naeng boanonmu au tu hamatean,
Tu inganan i do haduan sude halak na mangolu dipapungu.
24 Alai tahe dia ma adong halak na olo mangaropukkon halak na so margogo*+
Na jou-jou tikki susa mangido asa diurupi.
25 Ai najolo hutangisi do halak na susa,
Jala lungun do rohakku mangida na pogos.+
26 Tarpaima do au tu na denggan, alai na roa do na ro.
Tarpaima do au mangida na tiur, alai na holom do na ro.
27 Torus do au holsoan,
Ai susa do au ganup ari.
28 Mutung+ do au mardalan jala dang adong huida na tiur.
Jongjong do au di tonga-tonga ni torop halak jala jou-jou mangido asa diurupi.
29 Anjing hutan nama haha anggikku
Jala burung unta+ nama donganku.
30 Gabe lam birong ma au jala marsilbakan ma kulittu.+
Songon na tartutung ma holi-holikku alani mohopna.*
31 Holan tikki mangandungi do dipakke harpakku,
Jala holan tikki tangis do dipakke sulingku.