Josua
16 On ma tano parbagianan ni akka pinoppar ni si Josep+ mangihutton undi:+ Mulai ma i sian Sunge Jordan na di Jeriko sahat tu mual na di timur ni Jeriko. Sian i, nakkok ma muse tu gurun sahat tu akka huta na mardolok-dolok di Betel.+ 2 Sian Betel na jonok tu Lus, torus ma i muse tu parbatasan huta ni halak Arkhi na di Atarot. 3 Sian i turun ma muse tu sabola barat, tu parbatasan huta ni halak Japlet sahat tu parbatasan ni Bet-horon+ na di toru dohot Gezer.+ Jala laut ma ujung ni parbatasan i.
4 On ma tano parbagianan+ ni marga Manasse dohot marga Epraim pinoppar ni si Josep.+ 5 On ma parbatasan tano parbagianan ni akka keluarga na sian marga Epraim: Parbatasan na di sabola timur, i ma Atarot-adar+ sahat tu Bet-horon na di ginjang.+ 6 Jala torus ma i sahat tu laut. Mulai sian Mikhmetat+ na di sabola utara, torus ma muse parbatasan i tu Taanat-silo na di sabola timur jala sahat ma i muse tu Janoa na di sabola timur. 7 Sian Janoa turun ma i muse tu Atarot, dohot Naara sahat tu Jeriko.+ Jala Sunge Jordan ma ujung ni parbatasan i. 8 Sian Tappua+ torus ma muse tu sabola barat sahat tu Sunge* Kana. Jala laut ma ujung ni parbatasan i.+ On ma tano parbagianan ni akka keluarga na sian marga Epraim. 9 Adong do muse akka kota dohot huta parbagianan ni marga Epraim di tano parbagianan ni marga Manasse.+
10 Alai dang dipalao nasida halak Kanaan sian Gezer.+ Rap maringanan do halak Kanaan dohot halak Epraim sahat tu sadari on.+ Jala dipaksa nasida do halak Kanaan i gabe hatoban ni nasida.+