Josua

21 Dung i ro ma akka pamimpin ni marga Lepi mandapotton Malim Eleasar,+ si Josua anak ni si Nun, dohot mandapotton akka pamimpin ni ganup marga ni halak Israel. 2 Ro do nasida tu Silo+ na di Kanaan. Didok nasida ma, “Nungnga diparettahon Jahowa marhite si Musa asa dilehon akka kota na lao inganannami dohot inganan parmahanannami.”+ 3 Alani paretta ni Jahowa, dilehon halak Israel ma tu halak Lepi akka kota+ dohot inganan parmahanan ni nasida. Dilehon do i sian tano parbagianan ni halak Israel.+

4 Dung i dibahen ma undi jala dapot ni akka keluarga na sian pinoppar ni si Kohat+ ma parbagianan ni nasida. Dapot ni halak Lepi pinoppar ni malim Aron ma 13 kota sian marga Juda,+ marga Simeon,+ dohot marga Benjamin.+

5 Dilehon do muse* tu pinoppar ni si Kohat na asing sappulu kota na sian marga Epraim,+ marga Dan, dohot sian satonga marga Manasse.+

6 Dilehon do tu pinoppar ni si Gerson+ 13 kota sian akka keluarga na sian marga Isasar, marga Aser, marga Naptali, dohot sian satonga marga Manasse na di Basan.+

7 Dilehon do tu akka keluarga na sian pinoppar ni si Merari+ 12 kota sian marga Ruben, marga Gad, dohot marga Zebulon.+

8 Marhite undi do halak Israel mangalehon akka kota dohot inganan parmahanan ni halak Lepi. Diulahon nasida do i songon paretta ni Jahowa marhite si Musa.+

9 On ma goar ni akka kota na sian marga Juda dohot na sian marga Simeon.+ 10 Dilehon do akka kota i tu akka anak ni si Aron, i ma pinoppar ni si Kohat, marga Lepi i. Ai nasida do na parjolo mandapot undi. 11 Dilehon do tu nasida Kiriat-arba,+ i ma Hebron+ (si Arba i ma bapak ni si Enak), na di inganan na mardolok-dolok di huta ni marga Juda. Jala dilehon do muse tu nasida inganan parmahanan na adong di sakaliling ni kota i. 12 Alai dilehon do ladang dohot akka huta na adong di kota i gabe parbagianan ni si Kaleb anak ni si Jepune.+

13 Dilehon do tu akka anak ni Malim Aron kota Hebron+ dohot inganan parmahanan na disi. Kota Hebron, i ma kota parlinggoman ni halak na mambunu.+ Dilehon do muse tu nasida kota Libna+ dohot inganan parmahanan na disi. 14 Dilehon do muse tu nasida kota Jatir+ dohot inganan parmahanan na disi, kota Estemoa+ dohot inganan parmahanan na disi, 15 kota Holon+ dohot inganan parmahanan na disi, kota Debir+ dohot inganan parmahanan na disi, 16 kota Ain+ dohot inganan parmahanan na disi, kota Jutta+ dohot inganan parmahanan na disi, kota Bet-semes dohot inganan parmahanan na disi. Sia kota ma sude na sian dua marga i.

17 Jala na sian marga Benjamin, i ma kota Gibeon+ dohot inganan parmahanan na disi, kota Geba dohot inganan parmahanan na disi,+ 18 kota Anatot+ dohot inganan parmahanan na disi, kota Almon dohot inganan parmahanan na disi. Sude opat kota.

19 Godang ni kota na dilehon tu akka malim pinoppar ni si Aron, i ma 13 kota dohot inganan parmahanan na disi.+

20 Marhite undi, dijalo akka halak Lepi na sian pinoppar ni si Kohat na asing ma akka kota na sian marga Epraim. 21 Dilehon do tu nasida kota Sikem dohot inganan parmahanan na disi. Kota Sikem+ na di inganan na mardolok-dolok di Epraim, i ma kota parlinggoman ni halak na mambunu.+ Dilehon do muse kota Gezer+ dohot inganan parmahanan na disi, 22 kota Kibsaim dohot inganan parmahanan na disi, kota Bet-horon+ dohot inganan parmahanan na disi. Opat kota ma sude.

23 Jala na sian marga Dan, i ma kota Elteke dohot inganan parmahanan na disi, kota Gibeton dohot inganan parmahanan na disi, 24 kota Ayalon+ dohot inganan parmahanan na disi, kota Gat-rimmon dohot inganan parmahanan na disi. Opat kota ma sude.

25 Na sian satonga marga Manasse, i ma kota Taanak+ dohot inganan parmahanan na disi, kota Gat-rimmon dohot inganan parmahanan na disi. Dua kota ma sude.

26 Godang ni kota dohot inganan parmahanan na dilehon tu akka keluarga na asing na sian pinoppar ni si Kohat, i ma sappulu kota.

27 Satonga sian marga Manasse mangalehon kota Golan tu halak Lepi na sian pinoppar ni si Gerson.+ Kota Golan+ na di Basan dohot inganan parmahanan na disi, i ma kota parlinggoman tu halak na mambunu. Dilehon do muse kota Bastera dohot inganan parmahanan na disi. Dua kota ma sude.

28 Na sian marga Isasar,+ i ma kota Kision dohot inganan parmahanan na disi, kota Daberat+ dohot inganan parmahanan na disi, 29 kota Jarmut dohot inganan parmahanan na disi, kota En-ganim dohot inganan parmahanan na disi. Opat kota ma sude.

30 Na sian marga Aser,+ i ma kota Misyal dohot inganan parmahanan na disi, kota Abdon dohot inganan parmahanan na disi, 31 kota Helkat+ dohot inganan parmahanan na disi, kota Rehob+ dohot inganan parmahanan na disi. Opat kota ma sude.

32 Na sian marga Naptali, i ma kota Kades+ na di Galilea dohot inganan parmahanan na disi. Kota Kedes, i ma kota parlinggoman+ tu halak na mambunu. Dilehon do muse kota Hamot-dor dohot inganan parmahanan na disi, kota Kartan dohot inganan parmahanan na disi. Tolu kota ma sude.

33 Godang ni kota na dilehon tu akka pinoppar ni si Gerson, i ma 13 kota dohot inganan parmahanan na disi.

34 On ma kota na dilehon marga Zebulon+ tu halak Lepi na asing na sian pinoppar ni si Merari:+ kota Jokneam+ dohot inganan parmahanan na disi, kota Karta dohot inganan parmahanan na disi, 35 kota Dimna dohot inganan parmahanan na disi, kota Nahalal+ dohot inganan parmahanan na disi. Opat kota ma sude.

36 Na sian marga Ruben, i ma kota Bezer+ dohot inganan parmahanan na disi, kota Jahas dohot inganan parmahanan na disi,+ 37 kota Kadermat dohot inganan parmahanan na disi, kota Mepaat dohot inganan parmahanan na disi. Opat kota ma sude.

38 Na sian marga Gad,+ i ma kota Ramot na di Gilead+ dohot inganan parmahanan na disi. Kota Ramot, i ma kota parlinggoman tu halak na mambunu. Dilehon do muse kota Mahanaim+ dohot inganan parmahanan na disi, 39 kota Hesbon+ dohot inganan parmahanan na disi, kota Jaser+ dohot inganan parmahanan na disi. Opat kota ma sude.

40 Godang ni kota na dilehon tu halak Lepi na asing na sian pinoppar ni si Merari, i ma 12 kota.

41 Godang ni kota ni halak Lepi na adong di tano parbagianan ni halak Israel, i ma 48 kota dohot inganan parmahanan na disi.+ 42 Di sakaliling ni ganup kota adong be do inganan parmahananna. Sude do kota i songon i.

43 Songon i ma Jahowa mangalehon sude tano i tu halak Israel, songon naung dijanjihon Ibana* tu akka ompu ni nasida.+ Ditaluhon nasida do akka kota i jala disi ma nasida tinggal.+ 44 Jala dibahen Jahowa do dame ngolu ni nasida, songon naung dijanjihon Ibana tu akka ompu ni nasida.+ Dang adong musu na tolap mangalo nasida.+ Dipasahat Jahowa do sude musu i tu tangan ni nasida.+ 45 Dang adong nanggo sada janji* ni Jahowa tu halak Israel na so diulahon. Saut do sude janjina i.+