Panguhum
5 Di ari i, diendehon si Debora+ dohot si Barak+ anak ni si Abinoam ma ende on:+
2 “Puji ma Jahowa!
Ala rade do bangso Israel marporang,+
Jala dang diikkat akka tentarana obuk ni nasida.*
3 Hamu akka raja, tangihon hamu ma! Hamu akka pamimpin, bege hamu ma!
Marende ma au tu Jahowa.
Marende ma au mardongan musik lao mamuji Jahowa+ Debata ni Israel.+
4 Ale Jahowa, tikki borhat Ho sian Seir,+
Tikki lao Ho sian luat Edom,
Makkutur do tano on, jala turun do udan sian langit,
Use do aek sian akka ombun.
5 Malala* do akka dolok di jolo ni Jahowa,+
Haru Dolok Sinai pe, malala do di jolo ni Jahowa,+ Debata ni Israel.+
6 Di tikki ni si Samgar+ anak ni si Anat,
Dohot di tikki ni si Jael,+ dang adong halak na mamolus sian akka dalan na balga,
Sian dalan na asing do akka halak mardalan.
7 Dang adong be pangisi ni akka huta di Israel,
Dang adong be pangisi ni huta i sahat tu na ro au, si Debora,+
Sahat tu na dipillit au gabe omak ni bangso Israel.+
Dang adong be perisai manang tombak,*
Dang adong i di tonga-tonga ni 40.000 halak Israel.
Puji ma Jahowa!
10 Hamu akka na hundul di halode,*
Hamu akka na hundul di karpet na bagak,
Jala hamu na mardalan di dalan na balga,
Pikkirhon hamu ma on!
11 Tarbege do di sumur soara ni akka parmahan na manimba aek tu akka pinahanna;
Dipaboa nasida do akka na denggan na binahen ni Jahowa,
Dohot akka na denggan na binahen ni bangsona na tinggal di akka huta na di Israel.
Dung i, turun ma bangso ni Jahowa tu akka harbangan.
12 Hehe ma ho ale Debora!+ Hehe ma ho!
Hehe ma ho jala marende ma ho!+
Hehe ma ho Barak,+ anak ni si Abinoam! Boan ma akka halak naung talu dibahen ho!
13 Dung i ro ma akka na tading i mandapotton akka na sangap,
Ro ma bangso ni Jahowa mandapotton au mangalo musu na gogo.
14 Ro do marga Epraim sian rura,
Diihutton nasida do akka tentaram, ale marga Benjamin.
Sian pinoppar ni si Mahir,+ ro do akka komandan,
Jala sian marga Zebulon, ro do akka halak na papunguhon tentara.*
15 Didongani akka pamimpin ni marga Isasar do si Debora,
Songon marga Isasar, dohot do si Barak+ mandongani ibana.
Disuru do ibana mardalan pat tu rura.+
Alai dang dos roha ni akka punguan ni marga Ruben.
16 Boasa sai hundul ho songon dua tas inganan ni barang na diboan ni binatang?
Manangihon akka parmahan na marsuling tu akka pinahanna.+
Ai dang mardos ni roha akka punguan ni marga Ruben.
Holan na hundul do marga Aser di topi ni laut,
Jala toktong do ibana di akka pelabuhanna.+
18 Martaru hosa do akka halak na sian marga Zebulon jala nungnga naeng mate,
19 Ro do akka raja marporang,
Dung i marporang ma akka raja ni halak Kanaan+
Di Taanak jonok tu mual Megiddo.+
Dang dibuat nasida akka perak.+
20 Marporang do akka bintang sian langit,
Ro do akka bintang i sian pardalananna mangalo si Sisera.
Dege-degeokku ma akka musu na gogo.
22 Mallatak-latak do soara ni pat ni hoda,
Jala hatop do marlojong akka hoda jantan ni nasida na dipakke marporang.+
23 ‘Burai ma Meros,’ ninna suru-suruan ni Jahowa,
‘Burai ma akka pangisi ni hutana,
Ai dang ro nasida mangurupi Jahowa,
Lao mangurupi Jahowa dohot akka tentarana na gogo.’
24 Unggodang do pasu-pasu jaloon ni si Jael+
Istri ni si Heber+ halak Keni i.
Unggodang do pasu-pasu jaloonna sian akka borua na tinggal di kemah.
25 Dipangido si Sisera do tes, dilehon ibana do susu.
Dilehon ibana do susu na kental di makkuk na bagak.+
26 Tangan kananna maniop tokkok ni tukkang,
Tanganna na sada nai maniop pattik-pattik ni kemah.
Ditokkok jala ditusuk ibana ma ulu ni si Sisera,
Gabe tombus jala maropuk ma uluna i.+
27 Dabu do ibana tu holang-kolang ni patna, peak, jala dang margellok.
Dabu jala peak do ibana tu holang-kolang ni patna,
Laos di inganan parpeakna i do ibana mate.
28 Manatap ma sian jandela sahalak borua,
Manikkir-nikkir ma omak ni si Sisera sian lubang ni jandela,
‘Boasa leleng hian ro kareta porangna i?
Boasa dang tarbege dope soara ni pat ni hodana i?’+
29 Dialusi akka borua na sangap ma ibana,
Jala sai didok omakna i do,
30 ‘Na mambagi barang na dapotna i do nasida,
Sada manang dua anak boru ma dilehon tu sahalak tentara,
Dapot ni nasida do abit na marwarna, dilehon ma i tu si Sisera,
Sada kain na disulam, kain na diwarnai, manang dua kain na disulam
Dibahen do i tu rukkung ni akka na mambuat barang i.’
31 Sai mate ma sude akka musum,+ ale Jahowa,
Alai songon mataniari na marsinondang ma akka halak na makkaholongi Ho.”
Dung i, dame ma ngolu ni halak Israel saleleng 40 taon.+