Josua
20 Dung i didok Jahowa ma tu si Josua, 2 “Suru ma halak Israel mamillit akka kota parlinggoman+ songon naung hea hupaboa tu nasida marhite si Musa. 3 Molo adong na so sengaja mambunu sasahalak, boi ma ibana lari tu kota i. Alani i, gabe inganan parlinggoman ma akka kota i asa malua ibana sian keluarga ni na mate i na naeng mambalos ibana.*+ 4 Ikkon lari do halak na mambunu i tu sada sian kota i+ jala jongjong ma ibana di pintu gerbang ni kota i.+ Disi ma dipaboa ibana tu akka sintua ni kota i taringot tu na masa tu ibana. Ikkon jaloon ni nasida do ibana jala lehononna do jabu tu ibana. Dung i di kota i ma ibana maringanan. 5 Molo ro halak na naeng mambalos i mangalului ibana, unang ma dilean akka sintua i ibana tu halak na naeng mambalos i. Ai dang na sengaja ibana mambunu jala dang ala na sogo rohana.+ 6 Di kota i ma ibana maringanan sahat tu na diadili di jolo ni akka hakim ni bangso i.*+ Jala disi ma ibana maringanan sahat tu na mate sintua ni malim+ na martugas di tikki i. Dung i pe asa boi ibana mulak tu hutana dohot tu jabuna.”+
7 Dung i dipillit nasida ma kota Kedes+ na di Galilea, na di inganan na mardolok-dolok di Naptali. Dipillit ma muse kota Sikem,+ di inganan na mardolok-dolok di Epraim. Jala dipillit ma muse kota Kiriat-arba,+ i ma kota Hebron, di inganan na mardolok-dolok di Juda. 8 Di sabola timur ni Sunge Jordan na jonok tu Jeriko, dipillit nasida ma kota Bezer+ na di gurun, i ma di dolok-dolok na di huta ni marga Ruben. Dipillit ma muse kota Ramot+ na di Gilead, di huta ni marga Gad. Jala dipillit ma muse kota Golan+ na di Basan, di huta ni marga Manasse.+
9 Akka i ma kota parlinggoman na dipillit tu sude halak Israel dohot halak na sian bangso na asing na maringanan di tonga-tonga ni nasida. Manang ise na so sengaja mambunu sasahalak, boi do ibana lari tu kota i.+ Jala andorang so diadili ibana di jolo ni bangso i,+ dang pamateon ni halak na lao mambalos i ibana.