JOB

“Dang adong huboan manang aha tikki tubu au,

Jala dang adong boanokku manang aha molo dung mate au.*+

 3 “Tumagon hian ma dang adong ari hatutubukku,+

Jala dang adong halak di borngin i na mandok, ‘Nungnga tubu sada anak!’

Unang ma nian diingot Debata ari i,

Jala unang ma nian tiur ari di tikki i.

 6 Tung golap situtu ma nian borngin i,+

Unang ma nian adong na marlas ni roha di ari i,

Jala unang ma nian adong ari i manang di bulan piga pe i.

 7 Tumagon hian ma dang adong na tubu di borngin i,

Unang ma nian tarbege las ni roha di tikki i.

 8 Sai diburai halak ma nian ari i,

Halak na boi mandungoi buaya.*+

 9 Makkolom ma nian akka bintang manogot,

Unang ma nian ro tiur ni ari,

Jala unang ma sanga tarida manogot.

10 Ai ditubuhon omakku do au di ari i,+

Jala dang dipadao au sian hasusaan.

12 Boasa ma olo omakku mangabing au

Jala boasa ma olo ibana patarusson au?

13 Ai molo dang, nungnga sonang hian au modom.+

Nungnga modom hian au jala dame huhilala+

14 Rappon akka raja di tano on dohot akka penasehatna,

Na pajongjokkon bangunan di nasida sandiri naung maruppak saonari,

15 Manang rappon akka anak ni raja* na godang masna,

Na gok perak di jabuna.

16 Boasa ma dang songon poso-poso na mate di bortian ni omakna au,

Songon poso-poso na so hea mangida na tiur?

17 Haru akka parjahat pe dang marsak be di kuburan,

Ai disi do maradi akka naung loja.+

18 Rap sonang do disi akka tahanan,

Dang dibege nasida be disi soara ni halak na mamaksa nasida karejo.

19 Ai dang adong disi imbar ni na pogos dohot na mora,+

Jala malua ma disi hatoban sian tuanna.

20 Boasa ma dipasombu Debata mangolu* halak na susa

Jala dipasombu mangolu halak na marsak?+

Hape tumagon do di nasida hamatean sian arta,

22 Marlas ni roha situtu do nasida,

Jala sonang ma roha ni nasida molo dung dikuburhon.

23 Boasa ma dipasombu Debata mangolu halak na lilu,

Dipasombu mangolu halak na nihurungna?+

24 Ai holso ni rohakku do sipanganokku,+

Jala orong-orokku+ nama siinumokku.

25 Ai nungnga masa be tu au na mambahen au mabiar,

Jala na mambahen au hitir-hitir.

26 Dang hea dame jala sonang ngolukku,

Sai torus do ro hasusaan.”

 3 Tutu, nungnga godang halak dipissang ho,

Jala dipatogu ho do halak na gale.

 4 Togu do roha ni halak na tartuktuk mambege hatam,

Jala dipatogu ho do dugul-dugul ni halak na hitir-hitir.

 5 Alai saonari masa ma sitaonon tu ho, gabe mandele ma ho.

Ro ma i tu ho, jala gabe marsak ma ho.

 8 Nungnga huida halak na manuan* hajahaton

Dohot halak na manabur jea, ikkon i do tapuonna.

 9 Mate do nasida alani hosa ni Debata,

Jala suda do nasida ala diombusson rimasna tu nasida.

10 Marauang do singa jala marsoara do anak ni singa,

Alai haru ngingi ni singa na gogo pe boi do ponggol.

11 Mate do singa molo so adong mangsa dapotna,

Jala marserak ma akka anakna.

12 Adong do na sip-sip paboahon hatana tu au,

Jala dihusippon do i tu pinggolhu.

13 Tikki borngin, tikki renges halak modom,

Dapottu ma parnidaan na mambahen au busisaon.

14 Gabe mabiar ma au,

Jala hitir-hitir.*

15 Adong* ma na lewat sian jolokku,

Gabe marsisir ma ibbulukku.

16 Dung i jongjong ma i di jolokku,

Alai dang huboto songon dia rupana.

Adong bayangan di jolo ni matakku,

Gabe hohom ma di sakalilingku, jala hubege ma soara mandok,

18 Ida ma! Haru tu akka naposona dang porsea Debata,

Sai dilului Ibana do sala ni akka suru-suruanna.

19 Lam tu jolma na mardosa ma, na songon jabu na sian tano liat,

Na dipajongjong di ginjang ni tano,+

Na mura dilisatton songon serangga!

20 Mangolu dope nasida tikki manogot alai dung botari mate ma nasida.

Mate do nasida saleleng ni lelengna, jala dang adong na parduli.

 2 Ai boi do haccit ni roha mambunu halak na oto,

Jala boi do late ni roha pamatehon halak na mura dioto-otoi.

 3 Hea do huida marhasil halak na oto,

Alai toppu ma ro jea tu jabuna.

 4 Torus do akka anakna marjea,

Jala dipaila do nasida di gerbang ni kota,+ so adong na mangurupi.

 5 Allangon ni halak na male ma hasil ni panenna,

Gariada na di suga-suga pe buatonna do,

Jala dirampok ma arta ni nasida.

 6 Ai dang sian orbuk tubu na jahat,

Jala dang sian tano ro hasusaan.

 7 Ai na lao susa do jolma ditubuhon,

Songon api na pasti mamiltiki tu ginjang.

 8 Alai anggo au, tu Debata do au mangalu-alu,

Jala tu Debata do hupasahat parsoalakku,

 9 Tu Debata na mambahen akka ulaon na balga jala na palongang roha,

Na so habilangan tanda halonganganna.*

10 Diparo Ibana do udan tu tano on

Jala dibahen do maraek akka ladang.

11 Dipatimbo Ibana do halak na lea,

Jala dipalua Ibana do halak na mandele.

12 Disundati Ibana do sakkap ni halak na licik,

Asa unang marhasil na niula ni nasida.

13 Dijorat Debata do halak na bisuk di bagasan akkal ni nasida,+

Gabe dang saut be sakkap ni nasida.

14 Golap do diida nasida nang pe tonga ari,

Jala dadap-dadap do nasida tikki arian songon di tikki borngin.

15 Dipalua Ibana do nasida sian dila ni halak na songon podang,

Paluaonna do na pogos sian tangan ni halak na gogo,

16 Gabe adong ma na dipaima-ima ni halak na lea,*

Alai ditutup Ibana do baba ni halak na jahat.

17 Marlas ni roha ma halak na dipasingot Debata.

Alani i unang ma alo pissang-pissang ni Pargogo na So Hatudosan i!

18 Boi do Debata mambahen lukka, alai diubati Ibana do i.

Boi do Ibana mamonggolhon, alai laos tanganna do pamaluppon.

19 Nang pe onom hali ho hona jea, paluaonna do ho

Gariada dang hona tu ho jea na papituhon.

20 Saleleng masa haraparon, paluaonna do ho sian hamatean,

Tikki masa porang, paluaonna do ho sian podang.

21 Jagaon ni Debata do ho sian hata na posi,+

Jala dang mabiar be ho molo ro hamagoan.

22 Dang holsoan be ho molo masa haraparon dohot jea,

Dang mabiar be ho tu akka binatang buas.

23 Dang susa be ho bahenon ni* batu na di ladang,

Jala mardame ma binatang buas na disi dohot ho.

24 Sonang* ma dihilala ho di kemahmu,

Jala tikki dipareso ho inganan parmahananmu, dang adong na mago.

25 Gabe godang ma anakkonmu,

Jala songon suan-suanan na di tano on ma godang ni pinopparmu.

26 Dang suda gogo dope ho tikki mate,

Songon gandum na dipapungu tikki panen.

 2 “Autsugari ma ditimbang sitaonokku+

Jala dibahen hasusaakku tu timbangan!

 4 Ai nungnga pattik tu au anak panah ni Pargogo na So Hatudosan,

Jala masuk do raccunna tu dagingku.+

Gabe mabiar situtu do au ala ro Debata mangalo au.

 5 Mungkin do marlingik halode tombak+ molo adong rumput sigagatonna,

Manang mungkin do marungei lombu jantan molo adong siallangonna?

 6 Tung allangon ma sipanganon na so mardai molo so dibahen dope sira,

Manang mardai haroa na bottar ni tolor?

 8 Autsugari ma ditangihon pangidoakku

Jala dilehon Debata na dihalomohon rohakku!

 9 Autsugari ma olo Debata mangaropukkon au,

Jala mambahen tanganna tu au lao pamatehon au!+

10 Ai boi do i mangapuli rohakku.

Marinjaki ma au marlas ni roha nang pe ikkon haccit hutaon,

Ai dang hea hualo hata ni Nabadia i.+

13 Tolap dope haroa au paluahon dirikku

Hape nungnga suda gogokku?

14 Manang ise na so patuduhon holong ni roha* tu donganna+

Na so makkabiari Pargogo na So Hatudosan do i.+

15 Dang boi huhaporseai+ akka donganku* dos songon sunge di musim dingin,

Na koring aekna tikki logo ari.

16 Nungnga gok aek di sunge i,

Alani salju naung encer i.

17 Alai habis jala koring ma aek ni sunge i molo dapot tikkina,

Gabe mahiang ma i molo las ari.

18 Ai marbelok do sunge i,

Lao ma aekna tu gurun laos mahiang ma disi.

19 Ro do rombongan na sian Tema+ mangalului aekna,

Jala tarpaima do roha ni rombongan na sian Seba+ dapotna aek i.

20 Maila do nasida ala nga sanga tarhirim,

Jala jut ma roha ni nasida dung sahat disi.

21 Songon i ma haroromuna di au.+

Diida hamu do massai borat sitaonokku, alai mabiar do hamu.+

23 Hea haroa hupangido asa paluaonmuna au sian musu

Manang asa tobusonmuna au sian halak na mambahen na jahat tu au?

24 Ajari ma au, sip pe au.+

Urupi ma au mangattusi aha salakku.

26 Na naeng issakanmuna do na hudok i?

Hape hata ni halak na mandele+ do i na asal dipandok.

27 Dibahen hamu do undi tu halak na so marama+

Jala digadis hamu do donganmuna sandiri!+

28 Saonari bereng hamu ma au,

Ai dang gabusakku hamu.

29 Pikkiri hamu jo muse, unang ma dok hamu na so tutu taringot au

Pikkiri jo muse, ai dang adong hubahen na sala.*

7 “Dipaksa do jolma karejo saleleng ni ngoluna,

Jala songon kuli do nasida saleleng mangolu.+

 2 Songon hatoban na mangalului inganan manisio,

Jala songon kuli na paima-imahon gajina.+

 3 Dang marguna ngolukku marbulan-bulan

Jala susa do huhilala ganup borngin.+

 5 Gok do gilok-gilok dohot orbuk di dagingku.+

Marnanah jala baroon do sude kulittu.+

 6 Ukkatop do salpu ngolukku sian pardalan ni alat ni partonun,+

Jala salpu do i so adong be na diharappon.+

 7 Ale Debata, ingot ma holan sangombus do ngolukkon,+

Dang idaon ni matakku be na sonang.*

 8 Ibana na mangida au saonari, dang na lao idaonna be au.

Luluanmu ma au alai dang juppangmu be.+

 9 Songon ombun na mago,

Songon i ma halak na turun tu Kuburan,* dang na boi be kaluar.+

10 Dang na lao mulak be ibana tu jabuna,

Jala dang ingoton ni halak na di ingananna be ibana.+

Paboaokku nama haccit ni rohakku.

Morong-orong nama au alani borat ni sitaonokku!+

12 Boasa pola suruonmu asa dijaga au?

Na dirippu Ho do laut au manang binatang raksasa na di laut?

13 Tikki hudok, ‘Hupapeak ma jo asa tabo huhilala,

Bahenon ni podomakki do ra moru sitaonokki.’

14 Hape dipabiar-biar Ho do au marhite nipi

Jala dibahen Ho do au taroktokon marhite parnidaan,

15 Alani i, tumagon ma au dipokkikkon,

Tumagon ma au mate unang apala songon on ngolukku.+

17 Ise ma jolma na mardosa i umbahen na dipikkiri Ho

Jala diparrohahon Ho* ibana?+

18 Boasa ma dipareso Ho ibana ganup manogot

Jala diuji Ho ibana ganup tikki?+

19 Boasa sai dipanotnoti Ho au?

Tinggalhon jo au apala satokkin asa sanga huboddut ijurhu.+

21 Boasa dang disalpuhon Ho hasalaakku

Jala disesa Ho dosakku?

Mate nama au satokkin nai jala mulak tu tano,+

Luluanmu ma au, alai dang berengonmu be.”

 3 Mungkin do dipapeol Debata hukum,

Manang dipapeol Pargogo na So Hatudosan i na tigor?

 4 Molo mardosa akka anakmu tu Ibana,

Hukumonna do nasida ala mangalo.

 5 Alai molo dilului ho Debata+

Jala dipangido ho asi ni roha ni Pargogo na So Hatudosan i,

 6 Molo tutu do ias roham jala tigor ho marroha,+

Parrohahononna do ho

Jala bahenonna ma muse ngolum songon najolo.

 7 Nang pe lea ho saonari,

Alai sangap do ho haduan.+

 8 Sukkun ma jo tu akka omputta,

Jala pikkiri ma na nidok ni ompu ni nasida.+

 9 Ai nattoari dope hita tubu, jala dang taboto agia aha,

Songon bayangan do ari-aritta di tano on.

10 Asa diajari nasida ho,

Jala dipaboa nasida ma na binoto ni nasida tu ho.

12 Gabe ukkatop do i malos sian suan-suanan na asing,

Tikki marmutik dope jala dang diponggolhon dope.

13 Songon i ma ujung ni sude halak na so mangingot Debata,

Ai dang na lao saut na dipaima-ima ni halak na jahat,*

14 Dang marguna na dipangasahon nasida

Jala dang togu na dihaporseai nasida dos songon asar ni laba-laba.*

15 Molo mangussande ibana tu asar ni laba-laba i, sega ma i.

Jala molo marsitiopan ibana tusi, marputusan ma i.

16 Dos do ibana songon suan-suanan na margota na didadang mataniari,

Jala mangararati do uratna di porlak i.+

17 Dililiti urat i do akka batu,

Lao mangalului ingananna di akka batu i.

18 Alai molo diuppat i sian ingananna,

Dang tandaon ni ingananna i be ibana jala dohononna ma, ‘Dang hea huida ho.’+

19 Songon i ma parmagona,+

Dung i tubu ma suan-suanan na asing di ingananna.

20 Dang tadikkonon ni Debata halak na toktong setia tu Ibana,

Jala dang urupanna* halak na jahat.

21 Ai bahenonna ma ho mekkel

Jala marsurak muse alani las ni roha.

22 Bahenonna ma maila halak na marsogo ni roha tu ho,

Jala dang adong be kemah ni parjahat.”

 3 Molo adong na naeng marparkaro dohot Debata,*+

Dang boi alusanna sada pe sian saribu sukkun-sukkun ni Debata.

 5 Dipapinda Ibana do akka dolok so adong na mamboto.

Dipabalik Ibana do i alani murukna.

 6 Dihutur Ibana do tano on,

Gabe hutur-hutur do tiang panukkolna.+

 7 Disuru Ibana do asa unang marsinondang mataniari

Jala ditutup do sinondang ni akka bintang.+

 8 Ibana do na pahembangkon langit,+

Jala mardalan do Ibana di ginjang ni galumbang ni laut na timbo.+

 9 Ibana do na mambahen bintang As, Kesil, dohot bintang Kima,*+

Jala Ibana do na mambahen akka bintang na di langit sabola selatan.*

10 Ibana do na mambahen akka ulaon na balga jala na palongang roha,+

Dang habilangan tanda halonganganna.*+

11 Dilewati Ibana do au, alai dang huida Ibana.

Mardalan do Ibana di jolokku, alai dang hutanda Ibana.

13 Dang olo Debata manahan rimasna.+

Gariada, marsomba do akka pangurupi ni Rahab*+ tu Ibana.

14 Jala molo hualusi Ibana

Ikkon manat do hupillit hatakku!

Dang porsea au begeonna soarakku,

17 Dibahen Ibana do haba-haba lao mangaropukkon au

Jala ditambai Ibana do lukkaku so adong alana.+

18 Dang sanga au marhosa dibahen Ibana.

Holan na paet do dibahen Ibana tu au.

20 Nang pe sittong au, dohonon ni pamanganku do au marsala.

Nang pe toktong au setia, dohononna do au marsala.*

21 Jala tung pe toktong au setia, dang huboto aha na lao masa tu au.

Magigi do au tu ngolukku.

22 Sarupa do sude. Alani i ma hudok,

‘Dipamate Ibana do halak na so marsala* dohot halak na jahat.’

23 Molo mate halak ala toppu ro banjir,

Jala mandele halak na so marsala, parekkelanna do nasida.

24 Dipasahat Ibana do tano on tu parjahat.+

Ditutup Ibana do mata ni akka hakim.

25 Ukkatop do salpu ngolukku sian halak na marlojong,+

Salpu do i so jolo diida na denggan.

26 Hatop do i salpu songon parau na hatop mardalan,

Songon lali na manoro mangsana.

27 Nang pe hudok, ‘Lupahonokku nama lungun ni rohakki,

Dang murhing be bahenokku bohikku jala mekkel nama au,’

28 Alai tong dope mabiar au alani sude hasusaakki,+

Jala huboto do salahononmu dope au.

30 Molo huparidi pe aek na sian salju naung encer,

Jala husussi tanganku mamakke sabun,+

31 Pamasukonmu do au tu lubang na margambo,

Gabe pola magigi bajukku tu au.

32 Ai dang jolma Ibana songon au umbahen na boi hualusi Ibana,

Umbahen na boi hami rap lao tu pengadilan.+

33 Dang adong na boi mambahen keputusan tu parsoalannami,

Na boi gabe hakim di hami.

34 Unang be nian diattuki Debata au,

Jala dipabiar-biar au,+

35 Asa unang mabiar au makkatai tu Ibana,

Ai dang parbiar au.

 3 Aha ma labana dibahen Ho au susa?

Dibahen Ho do marlea na tinoppam+

Jala lomo do roham tu poda ni parjahat.

 4 Ai tung dos ma matam songon mata ni jolma,

Jala pamerengmu songon pamereng ni jolma?

 5 Ai tung songon ari-ari ni jolma ma ari-arim,

Manang songon jeppek ni umur ni jolma ma umurmu?+

 6 Umbahen na dilului Ho salakku

Jala sai dilului Ho dosakku?+

 7 Diboto Ho do dang marsala au,+

Jala dang adong na boi paluahon au sian tanganmu.+

 8 Tanganmu do na manoppa au,+

Hape saonari naeng diropukkon Ho do au.

 9 Ingot ma, sian tano liat do au dibahen Ho,+

Hape saonari, bahenonmu ma muse au gabe orbuk?+

10 Ai Ho do na manoppa au songon na mangusehon susu,

Jala songon na mambahen keju?*

11 Dibukkus Ho do au mamakke kulit dohot sibuk,

Jala ditonun Ho do au mamakke holi-holi dohot urat.+

12 Dilehon Ho do tu au hangoluan jala dipatudu Ho do holong ni roham* tu au.

Dijaga Ho do au* jala diparrohahon Ho.+

14 Molo mardosa au, idaonmu do i,+

Jala dang salpuhononmu hasalaakku.

Jala molo so marsala pe au, tong do dang pos rohakku mangangkat ulukku,+

Ai marlea situtu do au jala massai susa.+

16 Molo pos rohakku mangangkat ulukku, ro ma Ho mangaroro au songon singa na mangaroro mangsana+

Jala patuduonmu ma muse gogom tu au.

17 Diboan Ho do akka saksi na baru mangalo au

Gabe lam muruk ma Ho tu au,

Jala marroan ma hasusaan tu au.

19 Asa hira na so hea au adong.

Pittor diboan ma nian au tu kuburan disi kaluar sian bortian ni omakku,’

20 Otik nai nama umurhu,+ pasombu ma au.

Unang be sai panotnoti au, asa lubbang otik huhilala.*+

21 Lao nama au jala dang na lao mulak be au,+

Lao nama au tu inganan na golap situtu,+

22 Tu inganan na massai holom,

Inganan na golap jala na sursar,

Haru sinondang pe disi, holom do.”

 2 “Tung so alusan ma sude hatam,

Manang gabe sittong ma ho dohonon ala godang hatam?

 4 Ai didok ho do, ‘Sittong do na huajarhon,+

Jala ias do au di jolo ni Debata.’+

 5 Alai autsugari ma makkatai Debata

Jala dialusi Ibana ho,+

 6 Paboaonna ma tu ho akka rahasia na mambahen ho marbisuk,

Ai godang do na binoto ni halak na marbisuk.

 7 Boi do haroa diattusi ho bisuk ni Debata na bagas i

Manang boi do haroa diboto ho sude taringot tu Pargogo na So Hatudosan i?

 9 Ungganjang do i sian tano on

Jala ubbidang do i sian laut.

10 Molo lewat Ibana jala ditakkup Ibana halak laos diboan tu pengadilan,

Ise ma na boi mangorai Ibana?

12 Alai boi ma i diattusi halak na oto

Molo dung boi jolma ditubuhon halode tombak.

13 Paias ma roham

Jala angkat ma tanganmu lao martangiang tu Debata.

14 Molo diulahon ho na sala, padao ma i,

Jala unang ma adong akka na jahat tinggal di kemahmu.

15 Dung i boi ma pos roham tu dirim jala dang maila.

Boi ma ho hot jongjong, dang pola mabiar.

16 Lupa ma ho tu sitaononmi,

Dang ingotonmu be i songon aek na mardalan tu toruan.

17 Gabe uttiur ma ari-arim sian tonga ari,

Haru na holom pe gabe tiur songon manogot.

18 Gabe pos ma roham ala adong sipaimaonmu,

Jala boi ma ho sonang modom ala aman di sakalilingmu.

19 Na lao modom ma ho, dang adong sihabiaranmu,

Jala godang ma halak na naeng pasonakkon roham.

20 Alai na lao mapitung ma akka parjahat.

Dang boi be nasida lao manang na tudia,

Holan paima-ima hamatean nama nasida.”+

 2 “Tutu, halak na marbisuk do hamu,

Molo mate hamu, dang adong be na marbisuk!

 4 Diparekkel-ekkeli akka donganku do au,+

Ala hujou Debata jala hupaima alusna.+

 5 Direhei halak na marhasil do halak na hona jea,

Ai dirippu nasida do holan tu halak na susa* masa jea i.

 6 Dame do ngolu ni akka pangarampok di kemahna,+

Jala aman do ngolu ni akka halak na mambahen Debata muruk,+

I ma akka halak na maniop debatana.

 7 Alai sukkun ma jo akka binatang, asa diajari ho,

Jala sukkun ma jo akka pidong na di langit, asa dipaboa tu ho.

 8 Parrohahon ma* tano on asa diajari ho,

Jala ida ma akka dekke na di laut asa dipaboa i tu ho.

 9 Ise sian akka i na so mamboto

Jahowa do na manoppa i sude?

10 Di tanganna do hosa ni nasa na mangolu

Dohot hosa ni sude jolma.+

11 Pinggol do na mamboto denggan manang na dang begeon sada hata

Songon dila na mandai sipanganon.+

12 Adong do bisuk di akka na godang umurna,+

Jala adong do parbinotoan di akka na matua.

13 Marbisuk jala margogo do Debata,+

Adong do sakkapna dohot parbinotoanna.+

14 Manang aha pe naung diruppakkon Ibana, dang boi be i dipajongjong.+

Manang aha pe naung ditutup Ibana, dang boi be i dibukka.

15 Molo dang diparo Ibana udan, koring ma tano on.+

Molo diparo Ibana udan, banjir ma tano on.+

16 Margogo jala marbisuk do Ibana,+

Dirajai Ibana do halak na lilu dohot halak na mangaliluhon.

17 Dipaila Ibana do akka na marbisuk,

Jala dibahen Ibana do maoto akka hakim.+

18 Dibahen Ibana do dang marhuaso be akka raja,+

Jala dibahen Ibana do baju ni hatoban pakkeon ni nasida.

19 Dipaila Ibana do akka malim,+

Jala dibuat Ibana do huaso ni akka pamimpin na gogo.+

20 Ditutup Ibana do pamangan ni akka penasehat

Jala dibahen Ibana do dang marbisuk akka na matua.

21 Marlea do dibahen Ibana akka na sangap,+

Jala gale do dibahen Ibana akka na gogo.

22 Dipapatar Ibana do akka na buni di inganan na holom,+

Jala dibahen Ibana do gabe tiur inganan na golap.

23 Dibahen Ibana do lam gogo akka bangso asa dihancurhon nasida,

Dibahen Ibana do rarat akka bangso i asa ditawan nasida.

24 Dibahen Ibana ma dang marbisuk be pamimpin ni akka bangso

Jala dibahen Ibana do lilu nasida di gurun.+

25 Dibahen ma nasida dadap-dadap di na holom,+ di inganan na so tiur.

Jala dibahen Ibana do nasida hira halak na mabuk,+ mardalan tusan tuson.

13 “Nungnga diida matakku i sude,

Nungnga dibege pinggolhu i jala huattusi do i.

 2 Huboto do na binotomuna i,

Dang talu au martimbakkon hamu.

 3 Molo au, tumagon ma makkatai au tu Pargogo na So Hatudosan i.

Jala pasahatonku ma parsoalakku tu Debata.+

 4 Diparoa-roa hamu do goarhu alani gabusmuna.

Akka pangubati na so marguna do hamu sude.+

 5 Ai molo sip hian hamu,

Tarida ma na marbisuk hamu.+

 6 Tangihon hamu ma jo hatorangankon,

Jala parrohahon hamu ma pangidoakkon.

 7 Boasa margabus hamu lao mambela Debata,

Jala boasa manipu hamu lao marpihak tu Ibana?

 8 Naeng marpihak do hamu tu Ibana,

Manang naeng urupanmuna do Debata na sittong pasaehon parsoalanna?

10 Molo diulahon hamu gabus lao marpihak tu Debata jala ditabunihon hamu i+

Pasti do muruk Ibana tu hamu.

11 Tung so mabiar do hamu tu hasangaponna i?

Jala na so adong do biarmuna tu Ibana?

12 Dang marguna akka podamuna* i dos songon abu,

Jala dos songon perisai na sian tano liat do hatamuna i.

14 Boasa ma pola hubahen dirikku marjea,*

Jala boasa ma ikkon martaru hosa au?

15 Nang pe dibunu Ibana au, toktong do au porsea tu Ibana.+

Patuduokku do di jolona na so marsala au.

16 Gabe sipalua ma Ibana di au,+

Ai dang boi halak na jahat* ro tu jolona.+

17 Tangihon hamu ma jo hatakkon,

Jala parrohahon hamu ma jo na hudok on.

18 Nungnga rade au molo diboan parkarokkon tu pengadilan.

Ai huboto do, sittong do au.

20 Ale Debata, holan dua do na hupangido sian Ho,*

Asa unang martabuni au sian Ho:

21 Angkat ma tanganmu na borat on sian au,

Jala unang ma bahen au mabiar tu Ho.+

22 Jou ma au asa hualusi,

Loas ma au makkatai jala alusi ma au.

24 Boasa ma dipadao Ho bohim+ sian au

Jala dibahen Ho au songon musum?+

25 Dos songon bulung-bulung na niullus ni alogo do au,

Dos songon durame na koring do au.

Boasa ma dilele jala dipabiar-biar Ho au?

26 Sai disurat Ho do akka hata na so sittong taringot au,

Jala dibahen Ho do au susa alani dosakku tikki poso.

27 Dipasung Ho do pattu,

Sai dipareso Ho do sude lakkakku,

28 Alani i nungnga songon barang na busuk bawa i,*

Songon abit na diallang ngitngit.

14 “Ia jolma na ditubuhon borua,

Otik do ari-arina+ jala gok hasusaanna.+

 2 Dos do jolma i songon bunga na kabbang, dung i malos.*+

Hatop do i mago dos songon bayangan jala dang tarida be.+

 3 Sai diparrohahon Ho do ibana

Jala diboan Ho do ibana* lao diadili.+

 5 Autsugari nungnga ditottuhon ari-ari ni jolma,

Jala nungnga diatur Ho piga leleng nasida mangolu.

Dibahen Ho do batas na so boi dilakkai nasida.+

 6 Unang ma panotnoti ibana asa boi ibana maradi,

Songon sahalak parkarejo na sonang pakkilalaanna dung sae karejona di ari i.+

Molo ditaba hau i, boi do i tubu muse,

Jala mardakkai akka rattingna.

 8 Nang pe nungnga matua uratna di bagasan tano

Jala nungnga mate pakkalna,

 9 Tubu do i muse molo adong saotik aek,

Jala mardakkai do i songon suan-suanan na baru.

10 Alai mate do jolma jala suda do sude gogona.

Molo nungnga mate jolma, tudia do ibana lao?+

11 Mago do aek ni laut,

Surut jala koring do aek ni sunge.

Sahat tu na mago pe langit, dang na lao dungo be i,

Jala dang na lao didungoi be nasida.+

13 Autsugari ma ditabunihon Ho au di Kuburan,*+

Autsugari ma ditabunihon Ho au sahat tu na salpu rimasmu,

Autsugari ma ditottuhon Ho tikki tu au jala diingot Ho au!+

Paima-imaokku do i sahat tu tikki naung ditottuhon tu au*

Sahat tu na ro haluaokku.+

16 Alai saonari, sai dietongi Ho do sude lakkakku.

Holan dosakku do na diida Ho.

17 Dipamasuk Ho do dosakku tu tas na marsegel,

Jala disippan Ho do* akka hasalaakku.

18 Songon dolok na masursur jala na hancur

Jala songon dolok batu na digulikkon sian ingananna,

19 Songon akka batu na dihois aek

Jala songon tano na maup alani aek na doras,

Songon i ma dibahen Ho asa unang saut na dipaima-ima ni jolma.

20 Ditaluhon Ho do ibana sahat tu na mate,+

Dipauba Ho do rupana, jala dipalao Ho do ibana tu kuburan.

21 Dipasangap pe akka anakna, dang diboto ibana i.

Marlea pe akka anakna i, tong do dang diboto ibana i.+

22 Holan tikki mangolu do ibana

Marlungun ni roha dohot manaon na haccit.”

 2 “Tung dohonon ni halak na marbisuk ma hata na so marguna?

Manang tung akka na jahat* ma na adong di rohana?

 3 Dang marlapatan molo holan hata bahenonna mamissang,

Jala dang marlapatan molo dohononna akka na so marguna.

 4 Ai gabe dang adong be na makkabiari Debata alani ho,

Jala dang parduli be halak tu Debata alani ho.

 5 Alani hasalaanmu do umbahen na didok ho songon i,

Jala hata ni halak na licik do na dihatahon ho.

 6 Ho sandiri do na mandok ho marsala, dang au.

Hatami do na patuduhon na marsala ho.+

 7 Ho do haroa jolma na parjolo tubu?

Nungnga tubu haroa ho andorang so adong akka dolok?

 8 Hea haroa dibege ho rahasia ni Debata?

Holan ho do haroa jolma na marbisuk?

10 Nungnga matua hami jala ubanon,+

Uttua do hami sian bapakmu.

11 Nungnga diapuli Debata ho jala nungnga didok tu ho hata na lambok.

Dang sae dope i di ho?

12 Boasa dipasombu ho ginjang ni roham mangarajai ho?

Boasa muruk ho mangida au?

13 Muruk do ho attong tu Debata,

Umbahen na didok ho akka hata sisongon i.

14 Adong do haroa jolma na badia di jolo ni Debata?

Manang hea haroa tubu jolma na so marsala* sian sahalak borua?+

15 Ida ma! Dang porsea Ibana tu akka suru-suruanna,*

Haru langit pe dang badia di Ibana.+

16 Tarlumobi ma halak na so hasea jala na mangulahon ulaon na dihagigihon Debata,+

Na masihol tu hajahaton!

Ai naeng paboaokku do tu ho sude naung huida,

18 Na dipaboa ni akka halak na marbisuk,

Na dibege nasida sian bapak ni nasida+ jala dang ditabunihon nasida i.

19 Holan tu nasida do dilehon huta ni nasida,

Jala dang diloas halak na asing mamolus sian i.

20 Susa do halak na jahat saleleng ngoluna,

Jala disiksa do ibana saleleng martaon-taon.

21 Dibege ibana do akka soara na mambahen mabiar.+

Tikki dame ngoluna, ro do halak mangarampok ibana.

22 Diboto ibana do dang boi ibana malua sian hamatean,+

Ai nungnga ditottuhon ibana lao dibunu mamakke podang.

24 Mabiar do ibana alani hasusaan dohot sitaonon,

Gabe songgop ma i tu ibana songon raja na lao marporang.

25 Diangkat ibana do tanganna lao mangasangi Debata

Jala dialo* ibana do Pargogo na So Hatudosan i.

26 Dialo ibana do Debata, ai sijogal rukkung do ibana

Diboan ibana do perisai na hapal jala na pir.

27 Ginjang do rohana,

Jala mokmokan do ibana ala mamora.

28 Di kota na naeng maruppak do ibana tinggal,

Di akka jabu na so diingani,

Jabu na naeng maruppak.

29 Dang na lao mamora ibana, dang na lao tarpapungu artana,

Jala dang na lao martamba artana.

30 Dang na lao malua ibana sian hamatean,

Gabe koring do akka rattingna ala tartutung,*

Jala mate do ibana ala diombus Debata.+

31 Unang ma lilu ibana ala porsea tu akka na so marguna,

Ai gabe dapotna do annon akka na so marguna.

32 Songon i ma na lao masa tu ibana satokkin nai,

Jala dang na lao tubu be akka dakkana.+

33 Dos do ibana songon hau anggur na mardabuan parbuena, hape so dapot dope tikkina,

Jala songon hau jetun na mardabuan akka bungana.

34 Dang na lao marhasil ulaon ni halak na jahat,*+

Jala na lao tartutung ma kemah ni akka halak na manjalo suap.

35 Holan na jahat do dipikkiri jala diulahon nasida,

Jala holan gabus do di roha ni nasida.”

Boi do dohonokku songon i tu hamu.

Mangupir ma au tu hamu,+

Jala hurehe-rehei ma hamu.

 5 Alai anggo au, patoguokku do hamu marhite hatakku,

Jala huapuli ma hamu asa lubbang dihilala hamu.+

 6 Molo makkatai au, dang lam neang sitaonokki,+

Jala molo hohom pe au, tong do dang moru sitaonokki.

 7 Alai saonari nungnga loja au dibahen Ibana,+

Nungnga mate dibahen Ibana akka na tinggal di jabukku.*

 8 Ditakkup Ibana do au jala diida akka halak do i,

Ala marniang au, dirippu akka halak ma au na marsala.

10 Dibukka nasida do babana lao mamboddut au,+

Dipastap nasida do bohikku asa marlea au,

Jala godang do nasida na ro mangaroro au.+

11 Dipasahat Debata do au tu doli-doli,

Dohot tu tangan ni akka parjahat.+

12 Sonang hian do ngolukku, alai susa do au dibahen Ibana.+

Ditiop Ibana do rukkungku sian pudi jala diropukkon ma au.

Holan au do torus na diroro Ibana.

13 Disuru Ibana ma akka halak na mamanah makkalilingi au.+

Dang adong asi ni rohana, dipanah Ibana do ginjalhu.+

Dibahen Ibana do puttar pogukku jala diusehon tu tano.

14 Songon tembok na sai ditobbom do au,

Songon sahalak tentara do ibana mangaroro au.

15 Hujait ma abit goni lao pakkeokku,+

Jala hundul ma au di orbuk, ai nungnga marlea au.+

16 Sai tangis do au+ sappe marrara bohikku,

Jala sappe bongkak matakku.

17 Hape dang hea hubahen na jahat tu halak

Jala sian ias ni rohakku do au martangiang.

19 Saonari pe, adong do mangida au di surgo.

Jala di banua ginjang do na boi paboahon taringot au.

20 Tikki martangiang au tu Debata jala maraburan ilukku*+

Sai direhe-rehei akka donganku do au.+

21 Autsugari ma adong na mamareso parsoalakku tu Debata,

Songon na mamareso parsoalan ni sasahalak tu donganna.+

22 Otik nai nama umurhu,

Lao nama au jala dang na lao mulak be.+

17 “Nungnga suda gogokku, salpu nama ari-arikku.

Nungnga dipaima-ima kuburan au.+

 2 Dikalilingi akka halak na mangalesengi do au,+

Jala hupaida-ida do nasida tikki mangalo.

 4 Dibahen Ho do nasida dang marbisuk,+

Alani i ma dang na lao monang nasida mangalo au.

 5 Dilehon nasida do artana tu donganna,

Hape gellengna dang boi be marnida alani malena.

 6 Dibahen Ibana do au gabe sirehe-rehean* ni halak,+

Gabe ditijuri nasida ma bohikku.+

 7 Gabe rambonon ma matakku alani sitaonokku,+

Jala gabe marniang ma sude dagingku.

 8 Gabe longang ma halak na tigor marroha mangida i,

Jala gabe marsak ma halak na so marsala alani halak na jahat.*

 9 Sai diulahon halak na tigor marroha do na sittong,+

Jala lam gogo ma halak na so marsala.+

10 Alai ro ma hamu sude, pandokkoni hamu ma hatamuna tu au,

Ai huboto do dang adong na marbisuk sian hamu.+

11 Dang leleng be au mangolu,+

Nungnga sundat be sakkappu jala dang saut be lomo ni rohakku.+

12 Dibahen nasida do borngin gabe arian,

Jala didok nasida do, ‘Satokkin nai torang nama ari,’ hape holan na golap do huida.

13 Satokkin nai nama au paima-imahon, jala Kuburan* nama na gabe jabukku.+

Bahenokku nama podomanku di na holom.+

16 Ai na lao turun nama na huharappon i tu Kuburan*

Jala rap mulak ma hami tu tano.”+

 3 Boasa gabe songon binatang hami dietong ho+

Jala songon halak na oto* hami dibahen ho?

 4 Nang pe diribak ho dagingmu alani murukmu,

Dang na lao gabe kosong tano on dibahen alani ho,

Manang gabe pinda dolok batu sian ingananna.

 5 Ido, ai na lao mittop do sinondang ni parjahat,

Jala na lao mate nama apina.+

 6 Na lao golap nama kemahna,

Jala mittop nama lampu na di ginjangna.

 7 Lam moru nama gogona mardalan,

Gabe madabu jala susa ma ibana alani sakkapna sandiri.+

 8 Patna sandiri do na mamboan ibana masuk tu jaring,

Jala gabe sakkot ma ibana disi.

 9 Hona jorat ma tumitna.

Jala tartakkup ma ibana.+

10 Adong do tali na ditanom di tano,

Jala adong do jorat na dibahen di dalan.

11 Sude do na di sakalilingna mambahen ibana mabiar+

Dilele jala sai diihutton do ibana.

12 Gabe moru ma gogona,

Jala madabu* ala ro jea.+

13 Diallang sahit ma kulitna.

Habis ma sude dagingna alani sahit na posi.

14 Disarat ma ibana sian kemahna na aman+

Jala diboan ma ibana tu hamatean.

15 Halak na asing ma na mangingani kemahna,

Jala disaburhon ma belerang di jabuna.+

16 Songon hau ma ibana, mate uratna,

Jala koring akka dakkana.

17 Dang adong be na mangingot ibana di tano on,

Jala dang adong be halak na mangingot goarna.*

18 Disappatton nama ibana sian na tiur tu na holom

Jala na lao salpu nama ibana sian portibi on.

19 Dang adong be anakkonna manang pinopparna na tinggal di tonga-tonga ni bangsona,

Jala dang adong be sian nasida na tinggal di ingananna.

20 Tikki masa jea tu ibana, longang ma akka halak na di Barat

Jala mabiar ma akka halak na di Timur.

21 On ma na lao masa di kemah ni akka parjahat

Dohot di inganan ni akka halak na so mananda Debata.”

 2 “Sadia leleng nai bahenonmuna haccit rohakku,+

Jala malala ate-atekku?+

 3 Nungnga sappulu hali disonggaki* hamu au,

Laos so maila do hamu kasar tu au.+

 4 Molo tutu pe au marsala,

Urusakku ma i.

 5 Molo didok hamu unjago hamu sian au,

Jala didok hamu patut do au dileai,

 6 Boto hamu ma, na dioto-otoi Debata do au,

Jala na dijorat Ibana do au mamakke jaringna.

 7 Jou-jou do au mandok, ‘Kejamna i poang!’ alai dang adong na manangihon.+

Mangalu-alu do au mangido asa diurupi alai dang adong na marpihak tu au.+

 8 Ditutup Ibana do dalanku mamakke tembok batu, gabe dang boi au lewat.

Jala dibahen Ibana do holom dalanku.+

 9 Dibuat Ibana do hasangapokku

Jala dibuat Ibana do mahkota sian ulukku.

10 Diropukkon Ibana do au sappe so adong be na tinggal,

Dibuat Ibana do na huharappon songon na manguppat hau.

11 Marsigorgor do rimasna tu au,

Jala songon musuna do au dibahen.+

12 Marroan ma akka tentarana makkalilingi au,

Jala markemah ma nasida di sakaliling ni kemahku.

13 Dipalao Ibana do haha anggikku sian jolokku,

Jala ditadikkon akka donganku do au.+

14 Lao do akka keluargakku,

Jala dilupahon akka ale-alekku do au.+

15 Songon panoppang do au dietong akka tamukku+ dohot akka hatobanku borua.

Songon halak na asing do au dietong nasida.

16 Hujou ma hatobanku, alai dang dialusi ibana au.

Maradu mangelek-elek do au mangido asi ni rohana.

17 Magigi do istrikku manganggo hosakku,+

Jala bau do au dianggo haha anggikku.

18 Haru dakdanak pe leas do rohana tu au.

Tikki jongjong au, direhe-rehei nasida do au.

19 Sogo do roha ni sude ale-alekku tu au,+

Jala akka na huhaholongi pe mangalo do tu au.+

20 Nungnga habis be sibukku, holan kulit dohot holi-holikku nama na tinggal,+

Jala nungnga naeng mate be au.*

21 Asi jo roham ale akka dongan, asi jo roham tu au,

Ai nungnga diattuk Debata au.+

22 Boasa sai disiksa hamu au songon na binahen ni Debata,+

Boasa dang marnaloja hamu mangalo au?+

23 Autsugari ma disurat akka hatakki,

Autsugari ma disurat i di sada bukku!

24 Autsugari ma diukir i di dolok batu,

Diukir mamakke pulpen* bosi dohot timah!

25 Takkas do huboto adong do na manobus au,+

Na lao ro do ibana jala jongjong di atas ni tano on.*

26 Nang pe nungnga malala kulittu,

Idaokku do Debata saleleng mangolu au,

27 Idaokku do Ibana,

Au sandiri do na mangida Ibana, dang na asing.+

29 Habiari hamu ma podang,+

Ai dihukum do halak na marsala mamakke podang,

Asa tung diboto hamu adong do hakim.”+

 2 “Susa do pikkiranku jala susa do pakkilalaakku,

Alani i ma ikkon makkatai au.

 3 Hira na mangaleai au do hubege hatami.

Alai ala marbisuk do au, ikkon alusakku do ho.

 4 Pasti do diboto ho na lao hudok on,

Mulai sian adong jolma* di tano on, songon on ma na masa,+

 5 Holan satokkin do parjahat marsurak alani las ni rohana

Jala holan sakkidop mata do sonang ngolu ni halak na jahat.*+

 6 Nang pe sahat tu langit hasangaponna

Jala sahat uluna tu ombun,

 7 Na lao salpu do ibana songon kotoran.

Dohonon ni halak na hea mangida ibana ma, ‘Nga didia ibana saonari?’

 8 Na lao mago do ibana songon nipi, jala dang na lao juppang ni halak be ibana.

Na lao salpu do ibana songon parnidaan tikki borngin.

 9 Halak na hea mangida ibana, dang idaon ni nasida be ibana,

Jala dang adong be ibana di jabuna.+

10 Mangido asi ni roha ma akka gellengna tu na pogos,

Jala ibana sandiri ma na paulakkon arta na binuatna sian na asing.+

11 Massai gogo do ibana* songon tikki poso,

Alai na lao mate do ibana jala na lao suda do gogona i.

12 Ai manis do na jahat i didai ibana,

Ditabunihon ibana do i di toru ni dilana,

13 Sai diallang ibana do i jala dang dibolokkon,

Torus do i di bagasan babana.

14 Alai gabe asom ma i dung masuk tu butuhana,

Gabe songon bisa ni ulok kobra ma i di dagingna.

15 Boddutonna ma hamoraon, alai utahononna do i.

Pakaluaron ni Debata ma i sude sian butuhana.

16 Occoponna ma bisa ni ulok kobra,

Jala na lao mate ma ibana ala diturbing ulok.

17 Dang daionna be susu dohot madu

Na songon aek ni sunge na doras.

18 Paulakonna ma akka barang na tinakkona, so jolo sanga dipakke ibana

Dang na lao hilalaonna be hamoraon na dapotna sian tiga-tigana.+

19 Ai disiksa jala ditadikkon ibana do akka na pogos.

Dibuat ibana do jabu na so pinajongjongna.

20 Alai dang na lao dame hilalaonna,

Jala dang na lao boi hamoraonna i paluahon ibana.

21 Ai dang adong be na lao boddutonna.

Alani i ma dang martahan hamoraonna.

22 Dung mamora ibana, gabe holsoan ma ibana;

Masa ma akka jea tu ibana.

23 Tikki mangan parjahat i,

Tarrimas do Debata tu ibana,

Masa ma akka jea tu ibana songon parro ni udan.

24 Molo malua pe ibana sian sinjata na sian bosi,

Pasti do pattik anak panah na sian tombaga tu ibana.

25 Cabutonna ma anak panah i sian tanggurungna,

Sinjata na marhillong na tombus tu poguna,

Gabe mabiar situtu ma ibana.+

26 Na lao mago do artana di na holom.

Na lao tutungon ni api na so dipagalak jolma ma ibana,

Jala manang ise na tinggal di kemahna, pasti hona jea.

27 Papataron ni langit ma hasalaanna.

Jongjong ma tano on mangalo ibana.

28 Maup do jabuna bahenon ni banjir,

Maup bahenon ni aek na doras di ari rimas ni Debata.

29 On ma upa na sian Debata tu akka parjahat,

Parbagianan na dilehon Debata tu nasida.”

 2 “Manat jo tangihon hamu hatakkon,

Asa tarapul rohakku.

 3 Sabar ma jo hamu manangihon au,

Dung i pe asa boi hamu mangarehei au.+

 5 Bereng hamu ma au! Pasti heran do hamu,

Jala dang tardok hamu be manang aha.

 6 Molo hupikkiri i, gabe marsak do au,

Jala hitir-hitir ma sude dagingku.

 7 Boasa ma sai torus adong parjahat,+

Ganjang umurna jala mamora?*+

 8 Sai rap do nasida dohot gelleng ni nasida,

Jala boi do diida nasida akka pinopparna.

 9 Aman do jabu ni nasida jala dang adong na dihabiari,+

Dang dihukum Debata nasida mamakke tukkotna.

10 Godang do anak ni lombu ni nasida.

Ai torus do maranaki induk ni lombu ni nasida, dang adong na mate.

11 Marlas ni roha do akka anak ni nasida marmeami songon punguan ni biru-biru,

Jala marinjaki do gelleng ni nasida.

12 Marende do nasida huhut mamakke rebana* dohot harpa

Jala marlas ni roha do nasida mambege soara ni suling.+

13 Sonang do nasida saleleng mangolu

Jala di bagasan dame* do nasida masuk tu Kuburan.*

18 Hea do haroa nasida gabe songon durame na dihabangkon alogo

Manang gabe songon lapung ni eme* na dihabangkon haba-haba?

20 Anggiat ma dihilala ibana balga ni jea na masa tu ibana

Jala anggiat ma ditaon* ibana rimas ni Pargogo na So Hatudosan i.+

21 Boi dope haroa dipikkiri ibana aha na masa tu pinopparna

Molo hatop ibana mate?+

22 Adong haroa halak na boi mangajari Debata?+

Haru halak na sangap pe, Ibana do na mangadili.+

23 Adong do halak na mate tikki gogo dope ibana+

Tikki sonang jala dame dope ngoluna,+

24 Tikki marloppit dope hae-haena alani mokmokna

Jala pir dope holi-holina.

25 Alai adong do halak na mate di bagasan arsak ni roha,

Dang hea dihilala ibana akka na denggan.

26 Nang pe songon i rap mulak tu tano do nasida,+

Jala rap diallang gilok-gilok do nasida.+

27 Takkas do huboto aha na dipikkiri hamu,

Jala huboto do na naeng bahenonmuna tu au, asa didok au marsala.*+

28 Ai dohononmuna ma, ‘Didia do tahe jabu ni halak na sangap i,

Jala didia do tahe kemah ni halak na jahat i?’+

Na so porsea do hamu tu na nidok ni nasida on?

30 Molo ro jea dang mate halak na jahat

Jala malua do nasida di ari hasusaan.

31 Ise ma na lao mamissang ibana,

Ise ma na lao mambalos pambahenanna i?

32 Tikki dikubur ibana,

Adong do na manjaga kuburanna.

33 Manis do didai ibana tano ni kuburan i,+

Jala tarikonna do sude jolma tusi+

Songon i do masa tu godang halak na parjolo sian ibana.

 3 Gabe las haroa roha ni Pargogo na So Hatudosan i molo tigor ho marroha?

Manang adong haroa dapotna laba molo setia ho tu Ibana?+

 4 Dang mungkin hukumon ni Debata ho

Jala boanonna ho tu pengadilan molo dipasangap ho Ibana.

 5 Ala godang do hajahatonmu umbahen na dihukum Ibana ho

Jala ala torus diulahon ho na sala.+

 6 Lomo-lomom do mambuat arta ni haha anggim lao gabe jaminan,

Jala dibuat ho do abit ni halak na pogos, gabe dang marpakkean be nasida.+

 7 Dang dilehon ho minum halak na loja,

Jala dang dilehon ho mangan halak na male.+

 8 Akka halak na gogo do nappunasa tano,+

Jala halak na sangap do na tinggal disi.

 9 Alai dipalao ho do akka na mabalu jala so adong diboan manang aha,

Diropukkon ho do tangan ni halak na so marama.*

10 Alani i ma gabe godang jorat+ di sakalilingmu,

Jala gabe mabiar ho ala toppu ro jea tu ho.

11 Dang boi be idaonmu manang aha ala nungnga holom sude,

Jala gabe maup ma ho alani banjir.

14 Ai tikki mardalan Ibana di langit na untimbo

Dang boi diida Ibana manang aha ala ditutupi ombun.’

15 Naeng diihutton ho do dalan ni parjahat

Na dibolus nasida najolo?

16 Mate do nasida andorang so dapot tikkina,

Gabe songon bangunan na maup alani banjir* ma nasida.+

19 Idaon ni halak na tigor marroha ma i jala marlas ni roha ma nasida,

Direhei halak na so marsala ma nasida jala didok ma,

20 ‘Nungnga diropukkon akka musutta,

Jala lao tartutung do akka na tinggal.’

21 Marale-ale ma jo ho tu Ibana asa dame ngolum,

Jala asa dapotmu akka na denggan.

22 Jalo ma paretta na nilehonna,

Jala sippan ma hatana di bagasan roham.+

23 Molo mulak ho tu Pargogo na So Hatudosan i, denggan ma muse ngolum.+

Molo dibolokkon ho akka na jahat sian kemahmu,

24 Molo dibolokkon ho masmu tu orbuk

Jala dibolokkon ho masmu na sian Opir+ tu lombang* na marbatu-batu,

25 Pargogo na So Hatudosan i ma na gabe masmu,

Jala Ibana ma na gabe perakmu na dumenggan.

26 Dung i Pargogo na So Hatudosan i ma na gabe haroro ni las ni roham,

Jala manatap ma ho tu Debata na di ginjang.

27 Molo martangiang ho tu Ibana, tangihononna do ho,

Jala boi ma pasautonmu janjim.

28 Marhasil ma sude keputusan na binahenmu,

Jala tiur ma akka dalanmu.

29 Ai pailaonna do ho molo ginjang roham tikki makkatai,

Alai jagaonna do halak na serep marroha.

30 Paluaonna do halak na so marsala,

Molo dang diulahon ho akka na jahat,* pasti paluaonna do ho.”

 2 “Sadari on pe sai morong-orong dope au.+

Suda do gogokku ala sai marungut-ungut.

 4 Pasahatonku ma parsoalakku tu Ibana

Jala paboaokku ma na so marsala au.

 5 Tangihonokku ma alusna

Jala huparrohahon ma na nidokna tu au.

 7 Pasaeon ni halak na tigor marroha ma parsoalanna di jolo ni Debata,

Jala malua ma au saleleng ni lelengna bahenon ni Hakim na mangadili au.

 8 Molo lao au tu timur, dang adong Ibana disi.

Jala molo lao au tu barat, tong do dang adong Ibana disi.

 9 Molo karejo Ibana di sabola kiri, dang boi huida Ibana.

Jala molo mulak Ibana tu sabola kanan, tong do dang huida Ibana.

11 Manat do huihutton bogas ni patna,

Jala dang manirpang au sian dalanna.+

14 Ai pasautonna do sude sakkapna tu au,

Jala godang dope na lao bahenonna tu au.

15 Alani i do dibahen Ibana au holsoan.

Molo hupikkiri Ibana, gabe mabiar do au.

16 Dibahen Debata do au marmetmet ni roha,

Jala dibahen Pargogo na So Hatudosan i do au mabiar.

17 Alai dang boi au sip bahenon ni na holom

Jala dang boi na holom manutup bohikku.

 2 Adong do akka halak na papindahon batas ni tano ni na asing,+

Jala ditakko nasida do biru-biru lao diboan tu inganan parmahananna.

 3 Dibuat nasida do halode ni dakdanak na so marama

Jala dirampok nasida do lombu jantan ni ina na mabalu gabe jaminan.+

 4 Diorai nasida do lewat halak na pogos sian akka dalan,

Ikkon martabuni do halak na dangol sian nasida.+

 5 Susa do halak na pogos mangalului sipanganon songon halode tombak,+

Jala di padang gurun do nasida mangalului sipanganon tu gellengna.

 6 Gabe ikkon di ladang ni halak ma nasida panen*

Jala di porlak anggur ni parjahat ma nasida papunguhon sisa ni parbue ni anggur na tinggal.

 7 Salang-salang do nasida modom, dang marpakkean.+

Jala dang adong manang aha bahenon ni nasida lao mangulosi dagingna.

 8 Hona udan do nasida di dolok,

Jala tu dolok batu i ma nasida marlinggom.

 9 Dibuat do dakdanak na so marama tikki manarus,+

Jala dibuat do abit ni halak na pogos gabe jaminan,+

10 Salang-salang do nasida dipalao, dang adong dipakke manang aha,

Jala male do nasida tikki papunguhon hasil ni panen.

11 Tikki las ari, mangula* do nasida di dolok-dolok.

Jala mardege do nasida di inganan pamoroan ni anggur, alai mauas do nasida.+

12 Tarbege do di kota angguk-angguk ni halak na naeng mate,

Jala tarbege do soara ni halak na lukka parah mangido asa diurupi,+

Alai dang parduli Debata.*

13 Adong do disi akka halak na mangalo na tiur.+

Dang ditanda nasida dalan na tiur i,

Jala dang diihutton nasida dalan i.

14 Tikki torang ari, dungo do akka pambunu,

Dipamate nasida do halak na dangol dohot na pogos,+

Jala dung borngin lao do nasida manakko.

15 Dipaima pangalakkup do holom ari,+

Didok ibana do di rohana, ‘Dang adong na mangida au!’+

16 Dibongkar* halak na jahat do jabu tikki golap ari.

Martabuni do nasida dung torang ari.

17 Mabiar do nasida tu na tiur songon halak na mabiar tu na holom.

Jala lomo do roha ni nasida tu na holom na mambahen halak mabiar.

19 Songon salju na mago alani logo ni ari dohot mohop ni ari,

Songon i ma parmago ni pardosa ala diboddut Kuburan!*+

21 Dibahen ibana do na jahat tu borua na mandul,

Jala disiksa ibana do ina na mabalu.

22 Pakkeon ni Debata* do gogona lao manaluhon halak na gogo.

Nang pe sangap nasida, alai dang boi dijamin nasida na lao torus nasida mangolu.

23 Dipasombu Debata* do sangap jala dame ngolu ni nasida,+

Alai diparrohahon Ibana do sude na binahen ni nasida.*+

Dipatutoru do nasida+ jala dipapungu songon halak na asing.

Dos do nasida songon eme na disabi.

25 Ise ma na boi mandok au margabus?

Jala ise ma na boi mandok dang tutu hatakki?”

 2 “Marhuaso do Debata jala sude do makkabiari Ibana.

Dibahen Ibana do dame surgo.

 4 Adong haroa jolma na tigor marroha di jolo ni Debata?+

Manang hea haroa tubu jolma na so marsala* sian sahalak borua?+

 5 Haru bulan pe dang tiur

Jala akka bintang pe dang badia di jolona,

 6 Tarlumobi ma jolma na songon gilok-gilok,

Dohot anak ni jolma na songon cacing!”

 4 Tu ise do ho makkatai,

Jala sian dia do diboto ho mandok songon i?

 5 Dang margogo jala hitir-hitir do halak na mate di jolo ni Debata,

Jala ussangap do laut dohot nasa isina sian nasida.

 6 Dang adong na di Kuburan* i na buni di jolo ni Debata,+

Jala bukka do inganan hamagoan* i.

 7 Dipahembang Debata* do langit utara di inganan na kosong,+

Jala digattukkon do tano on di na soada.

 8 Dibukkus Ibana do aek di bagasan ombun,+

Alai dang puttar ombun i nang pe borat aek i.

 9 Dipahembang Ibana do ombun,

Asa unang tarida tahtana.+

10 Dibahen Ibana do batas ni langit dohot laut.+

Dibahen Ibana do batas ni na tiur dohot na holom.

11 Hutur-hutur do tiang ni langit,

Jala gabe tarsonggot do nasida ala disonggak Ibana.

12 Alani gogona dibahen Ibana do guccang laut,+

Jala alani bisukna diropukkon Ibana do binatang raksasa na di laut.*+

13 Diombus Ibana do langit asa ias,

Jala dipamate Ibana do ulok na hatop mangissir.

14 Ida ma! Holan ujung ni dalanna dope i.+

Songon soara na marhusip-husip dope na tabege taringot Ibana!

 2 “Songon pastina Debata mangolu,* na mambahen na so sittong tu au,+

Jala songon pastina Pargogo na So Hatudosan i mangolu, na mambahen susa ngolukku,+

 3 Saleleng marhosa au

Jala saleleng dibahen Debata dope au marhosa,+

 4 Dang hatahonon ni babakku akka na jahat,

Jala dang olo dilakku margabus!

 6 Toktong do au marsitutu asa tigor marroha jala sai bahenokku do songon i.+

Saleleng mangolu au, ias ma panggora ni rohakku.*

 7 Sai anggiat ma dihukum akka musukku songon parjahat,

Jala dihukum akka alokku songon halak na jahat.

 8 Adong dope haroa na dipaima-ima ni halak na jahat* molo dung mate ibana,+

Jala molo dung dibuat Debata ngoluna?

 9 Olo haroa Debata manangihon angguk-anggukna

Molo masa sitaonon tu ibana?+

11 Huajari pe hamu taringot huaso* ni Debata,

Jala dang olo au manabunihon manang aha pe taringot Pargogo na So Hatudosan i.

12 Molo sude do hamu mandapot parnidaan,

Boasa ma dohononmuna akka na so marguna?

13 On ma upa na sian Debata tu akka parjahat,+

Parbagianan ni halak na kejam sian Pargogo na So Hatudosan i.

14 Nang pe godang anakna, na lao dipamate do i mamakke podang,+

Jala na lao hurangan mangan do akka pinopparna.

15 Nang pe adong dope pinopparna na mangolu, na lao mate do i alani sahit,

Jala dang na lao mangandungi istri ni nasida molo masa i.

16 Nang pe dipapungu ibana godang perak songon godang ni orbuk,

Jala disippan ibana godang abit na denggan songon godang ni tano liat,

17 Nang pe dipapungu ibana i sude,

Pakkeon ni halak na tigor marroha do i,+

Jala bagi-bagion ni halak na so marsala do perakna i.

18 Jabu na dipajongjong ibana pe dang togu dos songon asar ni ngitngit,

Songon sopo-sopo+ na dibahen sahalak panjaga.

19 Mora dope ibana tikki modom, alai dang hot artana i.*

Jala tikki dungo ibana, dang disi be sude artana i.

20 Marroan do jea tu ibana songon banjir,

Jala diboan haba-haba do ibana tikki borngin.+

21 Lao mago do ibana bahenon ni alogo na sian timur,

Ai dihabangkon do ibana sian ingananna.+

22 Dang tanggung-tanggung ibana disappatton,+

Nang pe satonga mate ibana paluahon dirina.+

23 Martopak ma haba-haba i

Jala marsiul+ sian ingananna lao mangarehei ibana.*

28 “Boi do buaton perak sian pertambangan perak

Jala adong do inganan lao mangalului mas na dumenggan.+

 2 Sian tano do dibuat bosi,

Jala sian batu do dibahen tombaga.+

 3 Lao mangalului akka* i,

Dibolus jolma do inganan na holom,

Jala masuk do ibana sabagas ni bagasna tu inganan na massai holom i.

 4 Dihali ibana do sahat tu bagasan, dao sian inganan ni akka halak tinggal,

Dao do i sian inganan ni halak na mardalan jala dang diboto halak inganan i.

Turun ma piga-piga halak tusi jala gaung-gaung ma nasida mamakke tali.

 5 Di ginjang ni tano tubu do akka suan-suanan,

Hape di toru digargari jala sursar do tano i songon na tartutung.

 6 Dapot do sian i batu safir,

Jala adong do mas disi.

 7 Dang diboto lali dalan tusi,

Jala dang hea lali na birong mangida inganan i.

 8 Dang hea didege binatang buas inganan i,

Jala dang hea singa mardalani disi lao mangalului siboddutonna.

 9 Ditokkoki jolma do dolok batu na disi,

Jala digali ibana do dasar ni dolok i.

10 Dibahen ibana do dalan ni aek+ di dolok batu i,

Jala dilului ibana do arta na arga disi.

11 Dibahen ibana do bendungan di haroro ni aek ni sunge

Jala diboan ibana do akka na buni sian inganan i tu inganan na tiur.

12 Alai didia ma boi luluan bisuk,+

Jala sian dia ma haroro ni parbinotoan?+

13 Dang diboto jolma na massai arga do i,+

Jala dang boi dilului i manang didia pe jolma tinggal.

15 Dang sae mas murni lao manuhor i,

Jala sadia borat pe perak, dang tolap manuhor i.+

16 Dang sae mas na sian Opir+ lao manuhor i

Songon i nang batu oniks dohot batu safir na arga.

17 Ummarga do i sian mas dohot kaca,

Jala ummarga do i sian makkuk na sian mas na dumenggan.*+

18 Dang arga koral dohot kristal molo dibandingkon tusi,+

Ai ummarga do bisuk sian satas mutiara.

19 Batu topas+ na sian Kus pe dang boi dibandingkon tusi,

Jala dang sae mas murni lao manuhor i.

20 Alai sian dia ma ro bisuk,

Jala sian dia ma haroro ni parbinotoan?+

21 Buni do i sian mata ni sude na mangolu+

Jala dang diida akka pidong na martonga-tonga langit i.

22 Didok kuburan* dohot hamatean do,

‘Holan baritana do na hubege hami.’

23 Alai diboto Debata do songon dia lao mandapot i.

Holan Ibana do na mamboto didia inganan ni i,+

24 Ai boi do diida Ibana sahat tu ujung ni tano on,

Jala diida Ibana do sude na di toru ni langit.+

25 Tikki dilehon Ibana gogo tu alogo+

Jala dibagi Ibana aek,+

26 Tikki dibahen Ibana aturan tu udan+

Jala dibahen Ibana dalan ni haba-haba na mardongan ombun na golap dohot ronggur,+

27 Tikki i ma diida Ibana bisuk jala dipatorang ma i.

Ibana do na mamboan jala na manguji bisuk.

‘Habiari ma Jahowa, ai i do bisuk,+

Jala padao ma na jahat, ai i do parbinotoan.’”+

 2 “Autsugari ma boi au mulak songon najolo i,

Tikki i diparrohahon Debata dope au,

 3 Dibahen Ibana do marsinondang lampuna di atas ni ulukku,

Dibahen Ibana do tiur dalanku tikki mardalan au di na holom,+

 4 Tikki i gogo dope au,

Sai didongani Debata do au* ala ale-alena do au,+

 5 Didongani Pargogo na So Hatudosan i do au,

Jala di labbungku dope akka gellengku,

 6 Husussi do pattu mamakke susu,

Jala marusean do miak sian dolok batu tu au.+

 7 Molo ro au tu gerbang ni kota+

Lao hundul di tano lapang,+

 8 Diida akka na poso ma au jala dilehon nasida ma dalan tu au,*

Haru akka na matua pe, pittor hehe do jala jongjong.+

 9 Akka pejabat pe dang barani makkatai,

Jala dang adong didok nasida manang aha.

10 Dang tarbege soara ni akka halak na sangap,

Jala dang adong nanggo sakkababa pe hata ni nasida.

11 Manang ise na manangihon au, pujionna do au,

Jala manang ise pe na mangida au, pujionna do au.

12 Ai huurupi do halak na pogos na mangido asa diurupi,+

Songon i nang halak na so marama dohot halak na so adong pangalu-aluanna.+

13 Halak na naeng mate pe, mandok mauliate do tu au,+

Jala hubahen do las roha ni ina na mabalu.+

14 Sai tigor do au marroha, jala hubahen do i songon pakkeanku.

Sai huulahon do na sittong, jala hubahen do i songon jubah dohot sorbanku.*

15 Gabe mata ni halak na mapitung do au

Jala gabe pat ni akka na pakpang.

16 Au do bapak ni na pogos,+

Jala huurupi do halak na so hutanda pasaehon parsoalan ni nasida.+

17 Hupaso do ulaon ni halak na jahat na dos songon binatang buas,+

Jala hupalua do na niharatna.

18 Hudok do najolo, ‘Mate di jabukku do au,+

Jala unggodang do ari-arikku sian pasir na di laut.

19 Mangararati do urattu sahat tu bagasan aek,

Jala sai di rattingku do nambur saborngin manipat.

20 Sai torus do au dipasangap,

Jala torus do au mamanah.’

21 Sai maima-ima do halak manangihon au,

Jala sip do halak manangihon podakku.+

22 Molo dung makkatai au, dang adong be dohonon ni nasida manang aha.

Jala lomo do roha ni nasida manangihon hatakku.

23 Dipaima-ima nasida do au songon na paima-imahon udan.

Jala sai naeng ditangihon nasida do hatakku songon halak na paimahon musim udan.+

24 Molo mekkel suping au tu nasida, hira na marnipi ma dihilala nasida.

Jala dame ma dihilala nasida molo diida bohikku.*

25 Songon pamimpin ni nasida do au, na manottuhon sidalanan ni nasida,

Songon sahalak raja di tonga-tonga ni tentarana,+

Jala songon halak na mangapuli akka na marlungun ni roha do au.+

30 “Alai saonari, diparekkeli nasida do au+

Hape upposo do nasida sian au,

Haru bapak ni nasida pe,

Dang tama mandongani akka biangku marmahan biru-birukku.

 3 Gale-gale do nasida ala so mangan jala pogos.

Dihilhil nasida do tano na harsang,

Tano na sega jala na tarulang.

 4 Dipapungu nasida do bulung-bulung na assim sian ramba-ramba,

Jala urat ni hau na paet do siallangon ni nasida.

 5 Dipalao do nasida sian huta ni nasida,+

Jala disuraki halak do nasida songon na marsurak tu panakko.

 6 Di akka lombang* do nasida tinggal,

Di toru ni tano dohot di akka liang.*

 7 Mangandungi do nasida sian ramba-ramba

Jala marsionjaran do nasida di toru ni suga-suga.

 8 Halak na oto jala na so marguna do nasida,

Dipalao* do nasida sian huta ni nasida.

 9 Alai saonari, marende do nasida mangarehe-rehei au.+

Jala holan au do torus na dileai* nasida.+

10 Magigi do nasida tu au jala mandao do nasida sian au.+

Dang alang roha ni nasida manijuri bohikku.+

11 Dang margogo be au dibahen Debata jala dipaila Ibana do au,

Gabe lomo-lomo ni nasida ma tu au.

12 Marroan ma nasida mangaroro au sian sabola kanan,

Gabe ikkon lari ma au

Dung i dibahen nasida ma jorat di dalan asa marjea au.

13 Disegai nasida do dalanku

Gabe lam susa ma au,+

Jala dang adong na mangorai* nasida.

14 Songon na mangalewati tembok naung maruppak do nasida ro.

Marroan do nasida tu inganan naung sega i.

15 Mabiar situtu do au.

Mago do hasangapokku songon na dihabangkon alogo,

Jala mago do na huharappon songon ombun.

16 Saonari, nungnga naeng mate au,+

Ai ganup ari do au susa.+

17 Marngilutan* do holi-holikku ganup borngin.+

Hira na diharati do torus holi-holikku.+

18 Gogo do diribak abittu,

Jala disokkik do au, songon na mamakke kerah ni baju na soppit.

19 Disappatton Debata do au tu gambo,

Gabe dos ma au songon orbuk dohot abu.

20 Jou-jou do au mangido asa diurupi, alai dang ditangihon Ho au.+

Jongjong do au, alai holan na dipanotnoti Ho do au.

21 Massai kejam do caram mangalo au,+

Jala massai gogo do Ho mamukkul au.

22 Diangkat Ho do au jala dihabangkon Ho tu alogo.

Dung i disappatton Ho do au tu haba-haba.*

23 Ai huboto do naeng boanonmu au tu hamatean,

Tu inganan i do haduan sude halak na mangolu dipapungu.

24 Alai tahe dia ma adong halak na olo mangaropukkon halak na so margogo*+

Na jou-jou tikki susa mangido asa diurupi.

26 Tarpaima do au tu na denggan, alai na roa do na ro.

Tarpaima do au mangida na tiur, alai na holom do na ro.

27 Torus do au holsoan,

Ai susa do au ganup ari.

29 Anjing hutan nama haha anggikku

Jala burung unta+ nama donganku.

30 Gabe lam birong ma au jala marsilbakan ma kulittu.+

Songon na tartutung ma holi-holikku alani mohopna.*

31 Holan tikki mangandungi do dipakke harpakku,

Jala holan tikki tangis do dipakke sulingku.

 2 Ai molo hubahen songon i, aha ma lehonon ni Debata na di surgo i tu au,

Aha ma na dapottu sian Pargogo na So Hatudosan i?

 3 Ai na lao marjea do halak na mangulahon na jahat

Jala na lao susa do halak na kejam.+

 4 Diida Ibana do dalanku+

Jala diparrohahon Ibana do sude lakkakku.

 6 Ditimbang Debata ma nian au di timbangan na pas,+

Asa diboto Ibana na setia do au tu Ibana.+

 7 Molo manirpang au sian dalan na sittong+

Molo dipaihut-ihut rohakku sude na niida ni matakku+

Manang molo adong huulahon na jahat,

 8 Sai halak ma na mangallang na husuan,+

Jala lok ma dicabut akka na husuan.

 9 Molo targoda au tu sahalak borua+

Jala tubu di rohakku+ naeng mambuat istri ni halak,

10 Lok ma manggiling gandum istrikku tu bawa na asing,

Jala lok ma mangulahon seks bawa na asing dohot ibana.+

11 Ai pailahon do i,

Jala patut do dihukum halak na mangulahon songon i.+

12 Dos do i songon api na manutung jala na pasudahon,+

Tartutung do bahenon ni i sude na adong di au.

13 Molo hea hubahen na so tigor tu hatobanku bawa manang borua

Tikki marungut-ungut nasida alani au,

14 Aha ma bahenokku molo dialo Debata au?*

16 Molo hea dang hulehon pangidoan ni na pogos+

Manang hea hubahen marlungun ni roha* ina na mabalu,+

17 Molo hea holan sahalakku mangallang sipanganon

Jala dang hubagi i tu halak na so marama na so marina,+

18 (Ai mulai sian haposookku, au do na pagodang-godang halak na so marama na so marina i, jala hira bapakna ma au,

Jala au do na mangurupi ina na mabalu i mulai sian dakdanak* au.)

19 Molo hea hupasombu halak mate ngalian ala so adong bajuna

Manang hupasombu na pogos dang marpakkean,+

20 Molo hea dang hulehon baju wol tu nasida

Asa las daging ni nasida jala dipasu-pasu nasida au,+

21 Molo hea huancam halak na so marama na so marina+

Tikki ro ibana tu gerbang ni kota+ mangido asa huurupi,*

22 Sai malua ma tanganku sian pundakku,

Jala sai ponggol ma tanganku mulai sian siku ni tangankon.

23 Ai mabiar do au marjea dibahen Debata,

Jala dang tolap au jongjong mangida hasangaponna.

24 Molo mas do na huanggarhon

Jala hudok tu mas murni, ‘Ho do na hupangasahon!’+

25 Molo hea gabe ginjang rohakku ala mamora au+

Ai godang do hupapungu artakku,+

26 Molo huida marsinondang mataniari

Manang huida bulan na tung massai uli,+

27 Jala dipaoto-oto rohakku ma au,

Dung i husomba ma akka i,*+

28 Patut do au dihukum ala mangulahon songon i,

Ai nungnga husoadahon Debata na sittong na di surgo i.

29 Hea haroa las rohakku tikki susa musukku+

Manang las rohakku ala ro jea tu ibana?

30 Dang hea huburai ibana jala hutangiakkon asa mate+

Dang hea hupasombu mardosa babakku.

31 Didok akka halak na tinggal di jabukku do,

‘Butong do sude halak na dilehon si Job mangan.’+

32 Dang hupasombu halak na asing marborngin di luar,+

Jala huloas do masuk akka panoppang tu jabukku.

33 Hea haroa hutabunihon dosakku songon na binahen ni na asing,+

Hea haroa hutabunihon salakku di sakku ni bajukku?

34 Hea haroa mabiar au tu jolma natorop,

Hea haroa gabe mabiar au ala dipaila halak?

Manang hea haroa holan na sip au jala dang kaluar sian jabukku ala mabiar?

36 Bahenokku ma i tu pundakku,

Jala hulilitton ma i di ulukku songon mahkota.

37 Paboaokku ma sude lakkakku tu Ibana,

Jala pos ma rohakku mandapotton Ibana songon sahalak pejabat.

38 Molo morong-orong tanokku alani au

Jala dohot tangis tano na dibajak,

39 Molo huallang hasil ni tano i hape dang hugarar,+

Jala marsak hubahen nappunasa tano,+

40 Sai tubu ma suga-suga gatti ni gandum

Jala tubu ma ramba-ramba na bau gatti ni barli.”*

“Poso dope au

Alai anggo hamu, nungnga godang umurmuna.+

Alani i ma dang hudok manang aha, ala hupasangap do hamu,+

Jala dang barani au paboahon na huboto tu hamu.

 7 Didok rohakku, ‘Lok ma na matua na makkatai,

Jala lok ma halak naung godang umurna na mangajari songon dia asa marbisuk.’

 8 Alai tondi parbadia na dijalo jolma

Dohot hosa na sian Pargogo na So Hatudosan i do na mambahen nasida mandapot parbinotoan.+

 9 Dang umur na manottuhon sasahalak marbisuk,

Jala dang holan na matua na mangattusi dia na sittong.+

10 Alani i do hudok, ‘Tangihon hamu jo au,

Asa hupaboa tu hamu aha na huboto.’

11 Nungnga hutangihon hamu makkatai,

Jala hupaima-ima do hamu mamikkiri+

Aha na lao dohononmu.+

12 Denggan do huparrohahon hamu,

Alai dang adong sian hamu na boi patuduhon na sala do hata ni* si Job

Jala dang adong hamu na boi mangalusi ibana.

13 Alani i unang ma dokkon hamu, ‘Na marbisuk do hami.

Debata do na mandok ibana marsala, dang jolma.’

14 Dang tu au didok si Job hatana i,

Alani i, dang alusakku ibana songon hatamuna i.

15 Ida ma, nungnga gale be nasida. Dang tolap be nasida mangalusi.

Dang adong be dohonon ni nasida manang aha.

16 Sai hupaima do nian, alai dang makkatai be nasida.

Holan na jongjong do nasida disi, dang adong be didokkon nasida manang aha.

17 Jadi dohot ma au mangalusi.

Dohot ma au paboahon aha na huboto,

18 Ai godang do na naeng dohonokku,

Tondi parbadia do na mangonjar rohakku makkatai.

19 Songon anggur na ditutup rapat do au huhilala,

Songon inganan ni anggur na naeng mapultak.+

21 Dang na lao marpihak au tu manang ise pe,+

Jala dang olo au mamanggar* manang ise pe,

22 Ai dang huboto songon dia mamanggar halak,

Molo hubahen songon i, pasti do hatop au pamateon ni na manoppa au.

33 “Alai saonari, tangihon ma jo au Job.

Parrohahon ma sude na hudok.

 2 Bege ma jo hatakkon,

Asa makkatai au.

 3 Sittong do hatakkon,+

Jala sian ias ni rohakku do au mandok akka na huboto.

 4 Marhite tondi parbadia ni Debata do au ditoppa,+

Jala hosa na sian Pargogo na So Hatudosan i do na mambahen au mangolu.+

 5 Molo tolap ho, alusi ma au.

Dokkon ma hatam tu au, parade hian ma alusmu.

 6 Sarupa do hita di jolo ni Debata na sittong.

Ai rap sian tano liat do hita dibahen.+

 7 Alani i, unang ma mabiar ho tu au,

Jala unang ma pola marsak ho alani hatakkon.

 8 Alai hubege do ho tikki makkatai,

Hubege do sai didokkon ho songon on,

 9 ‘Badia do au, dang mardosa,+

Ias do au, dang marsala.+

10 Alai dilului Debata do dalan lao mangalo au.

Dibahen Ibana do au songon musuna.+

11 Dipasung Ibana do pattu,

Sai dipareso Ibana do sude lakkakku.’+

14 Nungnga mulak-ulak Debata makkatai,

Alai dang adong na manangihon,

15 Marhite nipi, marhite parnidaan tikki borngin,+

Tikki renges modom akka halak

Tikki renges nasida modom di podomanna.

16 Dung i dibukka Ibana ma pinggol ni nasida+

Jala dimateraihon do parettana tu pikkiran ni nasida,

17 Asa dipadao jolma dirina sian na jahat+

Jala asa unang ginjang rohana.+

18 Dipadao Debata do ibana sian kuburan,+

Asa unang mate ibana alani podang.*

19 Boi do sasahalak mamareso dirina tikki peak ibana di podoman ala marsahit,

Tikki marngilutan holi-holina,

20 Sappe dang lakku ibana mangan,

Jala sipanganon na tabo pe dang diallang ibana.+

21 Lam marniang ma ibana,

Sappe tarida nama holi-holina.

22 Nungnga jonok hosana tu kuburan,

Jala nungnga naeng mate ibana.

23 Alai molo disuru sada sian saribu suru-suruan mandapotton ibana

Lao mambela ibana,

Jala paboahon songon dia mangulahon na sittong,

24 Asi ma roha ni Debata tu ibana jala dohononna ma,

‘Unang loas ibana masuk tu kuburan!+

25 Sai lam sehat ma ibana, ussehat sian tikki haposoonna.+

Sai mulak ma muse gogona songon tikki poso dope ibana.’+

26 Martangiang ma ibana tu Debata,+ tangihonon ni Debata ma ibana,

Marlas ni roha ma ibana manatap bohi ni Debata,

Jala boi ma muse tigor marroha jolma di jolo ni Debata.

27 Dohononna* ma tu akka halak,

‘Nungnga mardosa au+ jala nungnga hudok na so tutu,

Alai dang dihukum* au.

28 Nungnga ditobus Ibana au asa unang sanga masuk tu kuburan,+

Jala idaokku ma na tiur.’

29 Sasittongna, nungnga hea dibahen Debata songon i

Jotjot do dibahen Ibana songon i tu sahalak jolma,

30 Lao paluahon jolma i sian kuburan

Asa boi ibana mangolu.+

33 Alai molo dang adong na naeng dohononmu, tangihon ma au.

Sip ma jo ho, dung i paboaokku ma tu ho songon dia asa marbisuk.”

 2 “Hamu akka na marbisuk, tangihon ma au.

Hamu akka na godang parbinotoanna, bege ma jo hatakkon.

 3 Pinggol do na mamboto denggan manang na dang begeon sada hata

Songon dila na mandai sipanganon.

 4 Tapikkiri ma jo dia do na sittong,

Jala tatottuhon ma jo dia na denggan.

 5 Ai didok si Job do, ‘Sittong do na hubahen,+

Alai dibahen Debata do na so sittong tu au.+

 7 Ise ma na songon si Job?

Ditangihon ibana do rehe-rehe ni halak songon na manginum aek.

 8 Mardongan do ibana tu halak na mangulahon na jahat

Jala marale-ale do ibana tu parjahat.+

 9 Ai didok ibana do, ‘Dang adong gunana

Marsitutu jolma pasonakkon roha ni Debata.’+

Dang tarbahen ni Debata na sittong i mangulahon na jahat,+

Jala dang ulahonon ni Pargogo na So Hatudosan i na sala!+

11 Dilehon Ibana do upa ni halak hombar tu na niulana+

Jala dibalosson do tu jolma hombar tu pangalahona.

12 Tung na so bahenon ni Debata do na jahat,+

Manang papeolon ni Pargogo na So Hatudosan i na tigor.+

13 Ise haroa na manuru Ibana mamareso tano on,

Jala ise haroa na mamillit Ibana lao mamaretta saluhut portibi on?

14 Molo dialo Ibana jolma,

Jala dibuat Ibana hosa+ dohot ngolu ni nasida,

15 Mate do sude jolma,

Jala mulak muse tu tano.+

16 Jadi molo tutu do hamu malo, parrohahon ma on.

Denggan jo tangihon hatakkon.

17 Dang boi mamaretta halak na marsogo ni roha tu na sittong.

Manang na naeng dileai ho do pamaretta na tigor marroha?

19 Dang olo Debata mamihak tu akka pejabat

Dang unlomo rohana tu na mora sian tu na pogos,*+

Ai Ibana do na manoppa nasida sude.+

20 Boi do toppu nasida mate+ di tonga borngin.+

Makkahitir ma nasida dung i mate.

Haru akka pamimpin pe boi do mago, alai dang alani jolma.+

21 Ai diida Debata do akka dalan ni jolma,+

Jala diparrohahon Ibana do sude lakka-lakkana.

22 Dang boi halak na mangulahon na jahat martabuni+

Nang pe di inganan na massai holom.

23 Ai dang ditottuhon Debata tikki tu ganup jolma

Lao ro tu jolona asa diadili.

24 Dang pola dipareso Debata akka pamimpin lao mangaropukkon nasida

Dung i dipillit Ibana do na asing manggattihon nasida.+

25 Ai diboto Ibana do na binahen ni nasida.+

Disappatton Ibana do nasida tikki borngin, jala gabe hancur ma nasida.+

26 Diattuk Ibana do nasida alani hajahaton ni nasida,

Diattuk do nasida di jolo ni sude halak.+

27 Ai dang diihutton nasida be Ibana+

Jala dang parduli nasida tu akka dalanna.+

28 Gabe mangangguki do halak na pogos tu Debata alani nasida,

Jala dibege Debata do angguk-angguk ni halak na dangol.+

Dibahen Ibana pe songon i tu sada bangso manang tu sasahalak, songon on do ujungna:

30 Dang pasombuonna mamaretta halak na jahat*+

Na manjorat akka halak.

31 Didok ho do tu Debata,

‘Nungnga dihukum au, hape so adong salakku.+

32 Paboa ma tu au dia do na so huboto.

Molo adong huulahon na sala, dang ulahonokku be i.’

34 Halak na malo*

Dohot halak na marbisuk na manangihon au, dohononna ma tu au,

35 ‘Dang diboto si Job na nidokna i,+

Jala dang dipikkiri ibana hatana i.’

36 Lok ma diuji si Job* sahat tu ujungna

Ai songon halak na jahat do ibana mangalusi!

37 Mangalo do ibana jala ditambai do dosana.+

Martopak do ibana lao mangalesengi hami

Jala godang do na so tutu didok ibana taringot Debata na sittong!”+

 2 “Na dirippu ho do naung sittong ho umbahen na didok ho,

‘Ussittong do au sian Debata’?+

 4 Alusakku ma ho

Dohot akka donganmi.+

 5 Tatap ma tu langit jala ida ma,

Parrohahon ma ombun+ na di ginjangmi.

 7 Molo diulahon ho na sittong, aha ma labana di Ibana?

Aha ma jaloonna sian ho?+

 8 Holan donganmu jolma do na susa molo diulahon ho na jahat,

Jala holan donganmu jolma do na mandapot laba molo diulahon ho na sittong.

 9 Mangangguki do halak molo disiksa,

Jala mangangguki do nasida mangido asa dipalua sian pamimpin na kejam.+

10 Alai dang adong sian nasida na mandok, ‘Didia do Debata na manoppa au,+

Na mambahen jolma mangendehon ende puji-pujian tikki borngin?’+

11 Unggodang do dilehon Ibana parbinotoan tu hita+ sian tu akka binatang buas di tano on,+

Jala dibahen Ibana do umbisuk hita sian akka pidong na martonga-tonga langit.

12 Mangangguki do akka halak, alai dang olo Ibana manangihon,+

Ai ginjang do roha ni akka parjahat.+

13 Dang olo Debata manangihon angguk-angguk na dibahen-bahen+

Jala dang olo Pargogo na So Hatudosan i mamparrohahon i.

15 Ai dang muruk Ibana tu ho jala dang dihukum ho.

Dang diingot-ingot Ibana akka hatam na kasar i.+

16 Alani i, dang adong gunana si Job makkatai,

Ai dang dipikkiri ibana akka hata na nidokna i.”+

 2 “Sabar ma jo ho satokkin nai manangihon hatakku,

Ai adong dope sidohonokku di bagasan goar ni Debata.

 3 Paboaokku ma sude na huboto,

Jala patuduhonokku ma na sittong do Sitoppa au.+

 4 Sasittongna, dang adong na sala sian hatakkon.

Ai sian Debata nappuna parbinotoan na sun denggan i+ do na hudok on.

 5 Gogo do Debata+ jala dang leas rohana tu manang ise pe.

Massai marbisuk* do Ibana jala diboto do saluhutna.

 6 Dang pasombuonna mangolu halak na jahat,+

Alai bahenonna do hukum na sittong tu halak na susa.+

 7 Sai diparrohahon Ibana do halak na tigor marroha.+

Dibahen Ibana do nasida gabe raja,*+ jala sangap do nasida dibahen Ibana saleleng ni lelengna.

 8 Molo mardosa halak na tigor marroha, gabe ditakkup jala diratte ma nasida,

Jala molo susa nasida ala na tarratte i,

 9 Paboaon ni Debata ma tu nasida aha sala ni nasida,

Na diulahon alani ginjang ni roha ni nasida.

10 Bukkaonna ma pinggol ni nasida jala dilehon ma sipasingot tu nasida

Pasingotonna ma nasida asa unang diulahon be na sala.+

11 Molo dioloi jala disomba nasida Ibana,

Denggan ma ngolu ni nasida ganup ari,

Jala sonang ma dihilala nasida saleleng mangolu.+

12 Alai molo so mangoloi nasida, mate ma nasida bahenon ni podang*+

Mate ma nasida so jolo dapotna parbinotoan.

14 Mate poso do nasida,+

Jala saleleng mangolu, rap do nasida* dohot akka bawa na mangulahon seks dohot bawa.*+

15 Alai paluaon ni Debata do halak na susa.

Bukkaonna ma pinggol ni nasida jala diajari ma nasida tikki manaon hasusaan i.

16 Boanonna ma ho dao sian hasusaan+

Tu inganan na bidang, na so adong hasusaan,+

Paradeonna ma godang sipanganon di mejam lao mangapuli ho.+

17 Idaonmu ma dihukum akka parjahat,+

Tikki dibahen hukuman tu nasida jala dipatudu dia hukum na sittong.

18 Alai manat ma ho sotung dibahen ho na jahat alani murukmu,+

Jala sotung lilu ho ala dilehon godang suap tu ho.

19 Marguna do haroa molo jou-jou ho mangido asa diurupi?

Nang pe dibahen ho sian nasa gogom, dang boi ho malua sian hasusaan.+

20 Unang ma paima-ima borngin,

Tikki mulak halak tu ingananna.

21 Manat ma ho, sotung diulahon ho na jahat,

Ala so tahan be ho manaon hasusaan.+

22 Dipasangap do Debata alani huasona,

Dang adong guru na dos songon Ibana.

23 Ise ma na boi patuduhon aha na ikkon sibahenonna?*+

Jala ise ma na barani mandok tu Ibana, ‘Sala do na binahenmi.’+

24 Ingot ma mamuji Ibana alani akka ulaonna,+

Songon ende+ ni akka halak.

25 Sude do jolma mangida akka ulaonna i,

Diida nasida do i sian na dao.

26 Dang tolap hita mamboto balga ni huaso ni Debata,+

Jala dang taretong ganjang ni umurna.+

27 Dibahen Ibana do nakkok uap ni aek tu ginjang.+

Gabe ombun ma i, jala sian i ma ro udan.

28 Dung i turun ma udan sian ombun i,+

Tu atas ni sude jolma.

29 Ise ma na boi mangattusi songon dia ombun dipahembang?

Jala ise ma na boi mangattusi haroro ni ronggur sian ingananna?*+

30 Dipahembang Ibana do sillam+ di atas ni ombun i

Jala dibahen Ibana do aek manutupi dasar ni laut.

31 Dilehon Ibana do i sude asa toktong jolma mangolu.*

Dilehon Ibana do godang sipanganon tu nasida.+

32 Ditiop Ibana ma sillam i,

Jala disuru ma i manoro sisoroonna.+

33 Dipaboa ronggur do taringot Ibana,

Haru binatang na dipiaro pe, dipaboa do harorona.*

37 “Taroktokon do au

Jala marlobok-lobok do taroktokki.

 2 Denggan ma tangihon hamu soara ni Debata na massai gogo i

Dohot soara ni ronggur na kaluar sian babana.

 3 Dibahen Ibana do tarbege soara ni ronggur di toru ni langit

Jala dibahen ibana do sillamna+ sahat tu ujung ni tano on.

 4 Dukkon i tarbege ma soara ni ronggur.

Tarbege do soara ni ronggurna na tung massai gogo,+

Jala dang maradi sillam i tikki makkatai Ibana.

 5 Tarbege do soara ni Debata+ na massai balga,

Jala dang boi taattusi akka halongangan* na binahenna.+

 7 Dipaso Debata do ulaon* ni sude jolma

Asa diboto ganup jolma akka na binahenna.

 8 Masuk ma akka binatang buas tu asarna

Jala toktong do nasida di asarna i.

 9 Ro ma haba-haba sian ingananna,+

Jala ro ma alogo na ngali na diboan alogo na sian utara.+

10 Gabe beku ma akka aek,+

Molo diombus Debata hosana.+

11 Dibahen Ibana do uap ni aek tu bagasan ombun,

Jala dipahembang Ibana do sillam+ tu ombun i.

12 Tudia pe disuru Ibana lao ombun i, tusi do ombun i habang.

Manang aha pe na disuru Ibana,+ ulahonon ni ombun i do i di saluhut tano on.

13 Dipakke Ibana do ombun i lao parohon hukuman,+ lao parohon udan

Manang lao patuduhon holongna.*+

14 Ale Job, tangihon ma jo on.

Sip ma jo ho jala parrohahon ma akka halongangan na binahen ni Debata.+

15 Diboto ho do songon dia dibahen Debata mangatur ombun

Jala songon dia dibahen Ibana parohon sillam sian ombunna i?

17 Diboto ho do boasa gabe mohop abitmu

Jala gabe songon na so adong pangisi ni tano on molo ro alogo sian selatan?+

18 Boi do haroa ho mandongani Ibana pahembakkon* langit na togu+

Jala mambahen i gabe songon logam na marhillong?

19 Paboa ma tu hami aha sidohononnami tu Ibana.

Dang boi hualusi hami Ibana, ai dang adong huboto hami manang aha.

21 Dang boi idaon ni jolma na tiur* molo makkolom langit,

Alai molo dihabangkon alogo ombun i,

Boi ma diida nasida na tiur.

22 Ro ma sian sabola utara sinondang na massai uli na songon mas idaon.

Palongang roha do hasangapon ni Debata.+

23 Dang boi taattusi parbinotoan ni Pargogo na So Hatudosan i.+

Ai massai balga do huasona,+

Dang hea diulahon Ibana na so sittong+ jala tigor do Ibana marroha.+

 2 “Ise do nuaeng on na mambahen dang takkas sakkappu

Jala na asal dipandok hatana?+

 3 Ale bawa, parade ma dirim.

Adong na naeng husukkun tu ho jala ikkon alusanmu do Au.

 5 Molo diboto ho, ise ma na manottuhon ukkuranna,

Jala ise ma na manarik tali lao mangukkur i?

 6 Di atas ni aha do dibahen tiang panukkol ni tano on,

Jala ise do na mambahen batu parsuhi-suhina?*+

 7 Didia do ho tikki rap marsurak bintang manogot+ ala marlas ni roha,

Jala didia do ho tikki marsurak marlas ni roha sude anak ni Debata?*+

 8 Tikki ro aek ni laut sian inganan haroroanna*+

Ise ma na boi makkurung i mamakke akka pintu?

 9 Didia do ho tikki huulosi laut i mamakke ombun

Jala tikki hubukkus di bagasan ombun na massai golap,

10 Tikki hubahen batasna,

Jala tikki hubahen akka palang dohot akka pintuna?+

11 Didia do ho tikki hudok, ‘Olat ni on ma ho, dang boi be lewat ho sian on,

Olat ni on ma galumbangmu na balga i’?+

12 Hea haroa diparettahon ho asa ro ari manogot

Jala dipaboa ho didia bissar mataniari?+

13 Ho do haroa na manuru i lao tu ujung ni tano on

Jala na mangusir akka parjahat?+

14 Muba ma tano i songon tano liat na dicap,

Jala songon corak ni abit do nasa isina.

15 Alai na lao dibuat do sinondang ni akka parjahat,

Jala na lao marujung do hajahaton ni nasida.

16 Hea do haroa ho turun tu haroro ni aek ni laut

Manang mamareso akka aek na bagas?+

17 Hea do haroa dipatudu tu ho gerbang ni hamatean,+

Manang hea do haroa diida ho gerbang ni na massai holom i?+

Jala didia haroa inganan ni na holom,

20 Asa boi ditaruhon ho i tu ingananna

Jala diboto ho dalan lao tu jabuna?

21 Nungnga tubu haroa ho tikki hutoppa i sude manang naung godang haroa umurmu,

Umbahen na diboto ho i?

22 Hea haroa masuk ho tu gudang ni salju,+

Manang hea haroa diida ho inganan panimpanan ni udan es,+

23 Na husippan lao hupakke tikki masa hasusaan,

Tikki masa parporangan?+

24 Sian sabola dia ma haroa marserak na tiur i,

Jala sian dia ma haroro ni alogo na sian timur na mangullus tu tano i?+

25 Ise do na mambukka saluran panimpanan ni aek na godang na adong di langit

Jala na mambahen dalan ni haba-haba na mardongan ombun na golap dohot ronggur?+

26 Ise ma haroa na parohon udan tu inganan na so adong jolma,

Tu padang gurun na so adong pangisina,+

27 Lao maniram tano na harsang i

Jala asa tubu akka rumput?+

28 Adong haroa bapak ni udan,+

Manang ise do bapak ni ombun?+

29 Ise ma haroa omak ni es,

Jala ise ma na manubuhon salju na turun sian langit+

30 Tikki marpir aek gabe songon batu,

Ala nungnga beku+ parginjang ni aek na bagas i?

31 Boi do haroa diikkat ho bintang Kima,*

Manang boi do haroa dibukka ho tali ni bintang Kesil?+

32 Boi do haroa diboan ho kaluar akka bintang* di tikkina

Manang boi do haroa diboan ho bintang As rap dohot akka anakna?

33 Diboto ho do haroa aturan na dibahen tu langit,+

Manang boi do haroa dibahen ho i* mangarajai tano i?

34 Boi do haroa digora ho ombun

Asa diparo udan tu ho?+

36 Ise do haroa na mangalehon bisuk tu ombun*+

Manang na mangalehon parbinotoan tu akka na di langit?*+

37 Ise ma na marbisuk na boi mangetong ombun,

Manang ise ma na tolap mangusehon aek na sian gucci na di langit+

38 Asa gabe gambo akka orbuk i

Jala asa marsada tano na marhippal?

39 Boi do haroa ho manakkup siallangon ni singa

Manang mambahen butong akka anak ni singa+

40 Tikki monggop-onggop nasida di asarna

Manang tikki martabuni nasida di asarna i?

41 Ise do haroa na paradehon siallangon ni burung gagak+

Tikki siok-siok anakna mangido asa diurupi Debata

Jala lao tusan tuson ala so adong siallangonna?

 3 Dipabukkuk nasida do tanggurungna asa boi manubuhon anakna i,

Dung i dang haccit be dihilala.

 4 Lam balga jala lam gogo ma anakna i di tombak.

Dung i lao ma i jala dang mulak be tu inangna.

 5 Ise do na mambahen bebas halode tombak,+

Jala ise do na mambukka tali ni halode tombak?

 6 Padang gurun do hubahen jabuna

Jala tano sira do hubahen ingananna.

 7 Sogo do rohana tu huta na ribur,

Jala dang ditangihon ibana songgak-songgak ni jolma na manuru ibana karejo.

 8 Lao do ibana tu akka dolok mangalului inganan panjappalan,

Mangalului manang na didia adong rumput.

10 Olo do haroa banteng i talionmu,

Manang olo do haroa i boanonmu mambajak tano na di rura?

11 Tung boi ma diharappon ho gogona i

Lao pasaehon ulaonmu na borat?

12 Boi ma pos roham boanonna mulak hasil ni panenmu,

Jala papunguhon i tu inganan pardegeanmu?

13 Las do roha ni burung unta pahembang-hembakkon habongna,

Alai unjago do ujung ni habong ni burung bangau*+ dohot ibbuluna sian i.

14 Dipasombu burung unta do tolorna di tano,

Jala dipasombu do orbuk na papodomhon tolorna i.

15 Dang diingot ibana boi do maropuk tolor i molo tardege

Manang boi do i didege-dege binatang buas.

16 Jahat do ibana tu anakna, hira so anakna do i dibahen.+

Dang mabiar ibana gabe marisuang halojaonna i.

17 Ai dibahen Debata do ibana dang marbisuk

Jala dang dilehon tu ibana parbinotoan.

18 Alai molo dung jongjong jala dipahembang ibana habongna i lao marlojong,

Diparekkeli ibana do hoda dohot halak na mamboan hoda i.

21 Gogo do patna marinjaki+ di rura,

Marlojong do i tu parporangan.+

23 Marattukan do anak panah ni parhoda i na digattukkon di rukkung ni hoda,

Jala tikki marlojong hoda i marhillong do tombak* na balga dohot na gelleng na binoanna.

24 Marhajingjang do hoda i mandegei tano i lao marsiadu tu jolo,

Jala sai busisaon do i mambege* soara ni tarompet na sian tanduk.

Boi do dianggo i parporangan sian na dao

Jala dibege do soara ni komandan dohot soara ni na marporang.+

26 Ho do haroa na mangajari burung falkon habang,

Ho do haroa na mangajari ibana asa habang tu sabola selatan?

27 Ho do haroa na manuru lali asa timbo habang+

Jala asa dibahen asarna di inganan na timbo,+

28 Di dolok batu do ibana marborngin,

Jala di pussu ni dolok batu i do dibahen asarna.

29 Sian i do dilului ibana siallangonna.+

Ditatap ibana do sian i sahat tu inganan na dao.

30 Mangoccop mudar do akka anak ni lali i,

Jala didia adong bakke, disi do i.”+

 5 Nungnga piga-piga hali au makkatai,

Alai dang taralusi au i jala dang adong be na boi hudok.”

 7 “Ale bawa, parade ma dirim.

Adong na naeng husukkun tu ho jala ikkon alusanmu do Au.+

 9 Gogo do haroa tanganmu songon tangan ni Debata na sittong i,+

Manang boi do haroa gogo soaram songon gogo ni soarakku?+

10 Patudu ma hasangaponmu dohot gogom,

Jala patudu ma hamuliaonmu dohot huasom na balga i.

11 Muruk ma ho, papuas ma sude na di roham.

Tatap ma akka siginjang roha, jala bahen ma ibana marlea.

12 Tatap ma akka siginjang roha, jala paila ma ibana,

Dege-dege ma parjahat di ingananna.

13 Tanom ma nasida sude di bagasan tano,

Jala ikkat ma nasida di inganan na buni,

14 Dung i dohot pe Au mamuji ho

Ai boi do tanganmu na gogo i paluahon ho.

16 Parrohahon ma gottingna na gogo i

Dohot butuhana na gogo i!

17 Pir do ihurna songon hau ares,

Jala songon na ditonun do urat ni hae-haena.

18 Songon pipa na sian tombaga do holi-holina,

Jala songon tukkot na sian bosi do sude dagingna.

19 Sian sude toppaan ni Debata na songon i, ibana do na parjolo jala na umgogo.

Holan na manoppa ibana do na boi pamatehon ibana mamakke podang.

20 Diparade akka dolok do siallangonna,

Jala disi do sude binatang buas marmeami.

21 Modom-modom do i di toru ni ramba na marsuga-suga,

Di toru ni hau tolong na di tano na maraek.

22 Marlinggom do ibana di toru ni ramba na marsuga-suga i,

Jala dikalilingi hau poplar na di rura* do ibana.

24 Adong haroa na boi manakkup ibana sian jolo?

Manang adong haroa na boi makkait* igungna?

41 “Boi do dihail ho buaya*+

Manang diikkat ho dilana?

 2 Boi do talionmu igungna

Manang boi do tusukonmu osang-osangna mamakke hait-hait?*

 3 Tung olo ma i mangelek-elek tu ho,

Manang denggan makkatai tu ho?

 4 Tung olo ma i mambahen parjanjian tu ho,

Asa gabe hatobanmu i saleleng ni lelengna?

 5 Olo do haroa ho marmeami dohot i songon na marmeami dohot pidong

Manang ikkatonmu i lao gabe meam-meam ni borum?

 7 Boi do haroa tusukonmu kulitna mamakke tombak*+

Manang boi do haroa tusukonmu uluna songon na binahenmu tu dekke?

 8 Bahen ma jo tanganmu tu ibana,

Pasti ingotonmu do songon dia ho mangalo ibana jala dang olo be ho mambahen songon i!

12 Saonari paboaokku ma muse taringot dagingna,

Taringot gogona dohot dagingna na palongang roha.

15 Marsisik do tanggurungna*

Jala domu do sude akka sisikna i.

16 Massai rapat do akka sisikna i

Sappe so boi masuk alogo sian holang-kolangna.

17 Lokkot do sisik na sada tu sisik na sada nai,

Massai lokkot do i sappe dang boi tarsirang.

18 Tikki barsi-barsion ibana, marhillong ma aek i

Jala songon mataniari bissar do matana.

19 Kaluar do sinondang sian babana,

Jala mamiltiki do api.

20 Kaluar do timus sian igungna,

Songon tungku na digalahi api.

21 Boi do hosana pagalakkon gara,

Jala kaluar do api sian babana.

22 Massai gogo do rukkungna,

Gabe mabiar do manang ise na mangida ibana.

23 Karas do kulit na di butuhana i,

Songon logam na marlappis-lappis na so boi bukkaon.

24 Pir do jantungna songon batu,

Tutu, songon batu gilingan.*

25 Haru jolma na gogo pe, mabiar do molo hehe ibana.

Mabiar do akka na mangida i molo marlange ibana.

26 Dang adong podang na boi manaluhon i,

Songon i nang tombak, panah, manang sinjata na asing.+

27 Songon durame do bosi di ibana,

Jala songon hau na lapukon do tombaga.

28 Dang lari ibana alani anak ni panah,

Jala songon durame do di ibana batu na didanggurhon tu ibana.

29 Songon durame do di ibana attuk-attuk,

Jala diparekkeli ibana do soara ni tombak na ditullangkon.

30 Songon ponggol-ponggol ni gucci na maputtar do butuhana,

Jala songon papan pardegean+ do molo modom ibana di gambo.

31 Songon aek na gurgur di bagasan hudon do dibahen ibana aek na bagas,

Jala gussang do aek ni laut dibahen ibana songon rempah-rempah na diloppa di hudon.

33 Dang adong na songon ibana di tano i,

Ibana ma toppaan na so mamboto biar.

 2 “Saonari nungnga huboto be boi do sude diulahon Ho

Jala dang adong sakkapmu na so boi pasautonmu.+

Dung i makkatai ma au, alai asal hupandok do hatakku

Taringot akka halongangan* na so huattusi.+

 5 Saleleng on dibege pinggolhu do taringot tu Ho,

Alai saonari nungnga diida matakku Ho.

 6 Alani i hutarik ma hatakki,+

Hundul nama au di orbuk dohot di abu ala husolsoli hatakki.”+