Hoda Dohot Akka Kareta Porang na Marapi

Jotjot do si Ben-hadad raja ni Siria menyerang halak Israel. Alai, ala sai dipasingot Nabi Elisa do raja ni Israel, gabe malua ma raja i. I do alana, naeng ditakkup si Ben-hadad ma si Elisa. Diboto si Ben-hadad ma na di Dotan si Elisa, jala disuru ma tentara ni Siria lao manakkup si Elisa.

Tikki borngin, sahat ma akka tentara ni Siria di Dotan. Manogotna i, diida pelayan ni si Elisa ma nungnga dikalilingi akka tentara kota i. Mabiar situtu ma ibana jala didok ma, ‘Elisa, songon dia nama on?’ Didok si Elisa ma tu ibana, ‘Unggodang do na mandongani hita sian nasida.’ Dibahen Jahowa ma asa boi diida pelayan ni si Elisa akka hoda dohot akka kareta porang na marapi di sakaliling ni dolok i.

Tikki ro tentara ni Siria naeng manakkup si Elisa, martangiang ma ibana mangido bantuan tu Jahowa. Alani i, dibahen Jahowa ma bingung akka tentara i, gabe dang diboto akka tentara i be didia nasida saonari. Didok si Elisa ma tu nasida, ‘Sala dalan do hamu, dang on kota i. Beta, ihutton ma au asa hupatudu halak na niluluanmuna i.’ Diihutton nasida ma si Elisa jala sahat ma nasida di Samaria, inganan ni raja ni Israel.

Ujungna, disadari halak Siria ma nungnga didia nasida. Disukkun raja ni Israel ma si Elisa, ‘Hupamate ma nasida?’ Sebenarna, on ma kesempatan di si Elisa lao balas dendam tu halak Siria i. Alai songon i do na diulahon si Elisa? Daong. Didok si Elisa, ‘Unang pamate nasida. Lehon ma nasida mangan, dung i suru ma nasida lao.’ Dibahen raja i ma pesta, dung i disuru ma nasida mulak tu hutana.