Kata Pengantar tu Bagian 7

Cerita di bagian on masa saleleng 80 taon, na paboahon taringot Raja Saul dohot Raja Daud. Mulana, burju do si Saul jala mabiar tu Debata. Alai di pudian ni ari, muba do ibana. Dang ditangihon ibana be Jahowa. Gabe dang lomo be roha ni Jahowa tu ibana. Di sada tikki, disuru Jahowa ma asa dipillit si Samuel raja na baru lao manggattihon si Saul. Dipillit ma si Daud. Gabe muruk ma si Saul jala naeng dibunu ibana ma si Daud. Alai, dang olo si Daud mambalos. Diboto si Jonatan anak ni si Saul do, Jahowa do na mamillit si Daud. Alani i, torus do ibana setia tu si Daud. Hea do si Daud mangulahon dosa na balga. Alai olo do ibana dipasingot Jahowa. Hamu akka natua-tua, urupi ma gellengmuna mangattusi porlu do unduk tu Jahowa dohot tu halak na dipillit Ibana.