MAMULAI PAKKATAION
PARSIAJARAN 1
Pikkirhon ma na Menarik di Akka Halak
Prinsipna: “Halak na marholong ni roha i . . . dang holan dirina sandiri na dipikkirhon.”—1 Kor. 13:4, 5.
Aha do na Diulahon Jesus?
1. Tonton ma VIDEO, manang jaha ma Johannes 4:6-9. Dung i pikkirhon ma sukkun-sukkun on:
Aha do na diparrohahon Jesus sian borua i sebelum mamulai pakkataion?
Didok Jesus do, “Lehon jo aek i inumokku.” Boasa denggan cara on lao mamulai pakkataion?
Aha do Parsiajaranna?
2. Gabe lomo do roha ni akka halak makkatai-hatai dohot hita molo tamulai pakkataion taringot topik na menarik di nasida.
Tiru ma Jesus
3. Lentuk ma. Bahas ma taringot na dipikkirhon halak di sadari i. Unang ma paksahon hamu mambahas topik naung diparade hamu. Pikkirhon ma:
‘Aha do na dipaboa di berita?’
‘Aha do na dihatai tetanggakku, dongan sakarejokku, manang dongan sakalashu?’
4. Manat ma parrohahon. Pikkirhon ma:
‘Aha do na diulahon ibana saonari? Aha do na mungkin dipikkirhon ibana?’
‘Aha do na boi huboto taringot haporseaon manang latar belakangna sian carana marpakkean, penampilan, manang jabuna?’
‘Cocok do tikkina au makkatai dohot ibana saonari?’
5. Denggan ma tangihon.
Unang ma pagodangku hamu makkatai.
Berupaya ma hamu mambahen ibana leluasa paboahon aha na dipikkirhon ibana dohot perasaanna. Molo cocok, bahen ma sukkun-sukkun.