Terus Terang ma Hamu

Aha do na Diulahon Jesus?

VIDEO: Jesus Mamodai Sahalak Bawa na Poso jala na Mora

1. Tonton ma VIDEO, manang jaha ma Markus 10:​17-22. Dung i pikkirhon ma sukkun-sukkun on:

1. Akka sifat na denggan na dia do na mungkin diida Jesus sian bawa i?

2. Tikki mamodai bawa i, boasa Jesus ikkon terus terang jala patuduhon holong?

Aha do Parsiajaranna?

2. Porlu do tapatudu holong alai porlu do muse terus terang paboahon akka na porlu diulahon parsiajar Bibelta, asa boi ibana mambahen kemajuan jala lam jonok tu Jahowa.

Tiru ma Jesus

3. Urupi ma parsiajar Bibelmuna mambahen dohot meraih akka tujuan.

1. Pakke ma fitur “Coba ma jo on” di ganup pelajaran bukku Mangolu Saleleng ni Lelengna.

2. Urupi ma parsiajar Bibelmuna songon dia carana meraih akka tujuan jangka pendek dohot jangka panjang.

3. Sering-sering ma puji parsiajar Bibelmuna ala nungnga berupaya ibana mambahen kemajuan.

4. Porlu do diboto hamu aha do na mangabbati parsiajar Bibelmuna mambahen kemajuan, jala urupi ma ibana mangatasi akka tantangan i.

1. Pikkirhon ma:

   • ‘Molo dang boi dope parsiajar Bibelhu tardidi, aha do na mangabbati ibana?’

   • ‘Aha do na boi hubahen lao mangurupi ibana?’

2. Martangiang ma hamu asa boi patuduhon holong jala terus terang lao paboahon aha na porlu diulahon parsiajar Bibelmuna.

5. Paso ma parsiajaran Bibel molo dang adong kemajuan.

1. Lao mamboto na dibahen parsiajar Bibelmuna do kemajuan manang na daong, pikkirhon ma on:

   • ‘Olo do ibana mangulahon na diparsiajari ibana?’

   • ‘Olo do ibana ro tu parpunguan jala paboahon hasittongan tu na asing?’

   • ‘Dung leleng marsiajar Bibel, olo do ibana gabe Saksi Jahowa?’

2. Molo dang olo parsiajar Bibelmuna i mambahen kemajuan:

   • Sukkun ma aha do na mangabbati ibana mambahen kemajuan.

   • Denggan ma patorang boasa dipaso hamu marsiajar Bibel dohot ibana.

   • Molo lomo rohana marsiajar muse, paboa ma aha do na ikkon diulahon ibana sebelum dilanjutton hamu marsiajar Bibel.