Hak na Sumurung laho Pajongjongkon jala Mangaradoti Inganan Parpunguan

Dihaporluhon do godang hepeng dohot na mangurupi tingki bangso Israel pajongjongkon bagas joro. Alai, marhiras ni roha do nasida mangulahon on. (1Kron 29:2-9; 2Kron 6:7, 8) Dung sae bagas joro dipajongjong, tarida ma na togu do haporseaon ni bangso i manang na ndang molo olo nasida mangaradoti bagas joro. (2Raj 22:3-6; 2Kron 28:24; 29:3) Saonari pe, godang do tingki dohot gogo na ingkon talehon laho pajongjongkon, paiashon, jala mangaradoti Bale Harajaon dohot Inganan Parpunguan Bolon. Sada hak na sumurung do molo olo hita rap karejo dohot Jahowa, jala on bagian sian panombaonta.​—Ps 127:1; Pgk 7:15.

ISARANTA LAHO MANGURUPI . . .

• 

  Dohot ma hita paiashon dung sae marpungu. Alai, molo ndang sanga hamu, na di jonok ni kursimuna i ma paias hamu.

• 

  Ihuthon hamu ma jadwal paiashon Bale Harajaon naung dibahen. Molo lam godang na mangurupi, lam hatop ma sae karejo.​—lv-IN 92-93 ¶18.

• 

  Talehon ma sumbangan. Nang pe saotik na talehon, alai molo sian ias ni rohanta mangalehon sumbangan i, las do roha ni Jahowa.​—Mrk 12:41-44.

• 

  Molo boi, dohot ma hamu gabe relawan ni konstruksi. Ndang ingkon adong pengalamanmuna di konstruksi asa boi parsidohot.