Referensi tu Parpunguan Hangoluan dohot Pangkobasion Na Laho Diparsiajari
6-12 MEI
ARTA NA ARGA NA ADONG DI BIBEL 2 KORINT 4-6
“Ndang Marnaloja”
w04-IN 15/8 25 ¶16-17
Nang pe Gale, Alai Ndang Marnaloja
16 Ringkot do marale-ale tu Jahowa. Alai sipata olo do loja tahilala na mangolu on. Nang pe songon i, ndang marnaloja hita laho manomba Jahowa. Alana, rade do Jahowa “mangalehon gogo tu na loja, jala dipargogoi situtu angka na so margellok”. (Jesaya 40:28, 29) Songon i do tong didok apostel Paulus. Didok ibana, “Ndang marnaloja hami. Nang pe lam gale dagingnami, alai lam dipaimbaru do roha nang pingkirannami ganup ari.”—2 Korint 4:16.
17 Hata “ganup ari” na didok di ayat i, boi do lapatanna taringot angka na diparade Jahowa tu hita ganup ari. Adong donganta misionaris jala setia do ibana manomba Jahowa saleleng 43 taon. Sipata olo do metmet rohana ala marsahit. Alai didok ibana, “Marsitutu do ahu tibu dungo laho martangiang tu Jahowa dohot manjaha Bibel. On do na mambahen ahu tongtong setia sahat tu saonari.” Jadi, molo martangiang hita tu Jahowa “ganup ari” jala tarimangi taringot parangena dohot janjina, boi ma tadapot gogo sian Jahowa.
it-2-IN 1004-1005
Setia, Marsihohot
Ingkon sai taingot do pangkirimonta laho mangolu salelengna. Nang pe mate hita dibahen musu, alai boi do dipahehe Debata hita. (Rom 5:4, 5; 1Tes 1:3; Pgk 2:10) Molo dibandingkon tu pasu-pasu na laho dilehon tu hita di ari na naeng ro, ndang sadia dope hasusaan na tahilala saonari. (Rom 8:18-25) Jala molo dibandingkon tu hangoluan na salelengna, holan “parsatongkinan do [hasusaanta] jala ndang borat”. (2Kor 4:16-18) Sai taingot ma, satongkin do hasusaan na tahilala saonari. Molo tongtong taingot pangkirimon i, boi ma hita tongtong setia tu Jahowa jala ndang marnaloja.
Mangalului Arta na Adong di Bibel
w12-IN 1/2 28-29
“Mambahen Las Roha ni Jahowa”
Diulas donganta si David Splane do taringot on. (2 Korint 4:7) Aha do lapatan ni arta? Parbinotoan do i, manang bisuk? Didok ibana, “Ndang songon i. Arta na didok apostel Paulus, i ma ‘marhobas tu Debata’ jala ndang mangganti hata ni Debata.” (2 Korint 4:1, 2, 5) Didok donganta si Splane tu angka siswa i, tingki marsiajar nasida saleleng lima bulan i, na mangurupi nasida do sudena i asa rade mangulahon tugasna be. Jadi mansai arga do tugas i di nasida.
Didok donganta si Splane, hita do “hudon na sian tano liat” i. Dibandingkon ibana ma hudon na sian tano liat tu hudon na sian mas. Molo hudon na sian mas, ndang jotjot i dipangke. Umjotjot do dipangke hudon na sian tano liat. Jala molo tabahen arta di hudon na sian mas, tontu gabe hudonna i ma torus na taparrohahon. Didok donganta si Splane do tu angka siswa, “Hudon na sian tano liat do hamu. Unang ma holan dirimuna na dipingkiri hamu. Ala misionaris hamu saonari, tontu lomo do rohamuna mangurupi angka halak manomba Jahowa.”
w09-IN 15/11 21 ¶7
Haholongi ma Sude Dongan
7 Somalna, angka na saumur do na hatop marale-ale, manang molo sarupa sukuna. Jala molo sarupa na tahalomohon dohot na dihalomohon donganta, gabe solhot do hita tu donganta i. Alai boha do molo ndang sarupa na tahalomohon dohot na dihalomohon donganta? Disi ma porlu ‘tabungka rohanta’ tu ibana. Boha do cara mangulahon i? Tasungkun ma dirinta, ‘Olo do ahu rap marbarita jala mardongan dohot angka dongan na so pola akrab tu ahu? Tingki di Bale Harajaon, olo do ahu mardongan tu angka halak na baru dope di huria? Manang hudok do di rohangku, ingkon jolo burju do ibana tu ahu baru pe hudongani. Olo do ahu mangkatai-hatai tu angka dongan na matua dohot na poso?’
13-19 MEI
ARTA NA ARGA NA ADONG DI BIBEL 2 KORINT 7-10
“Mangurupi Angka Dongan”
w98-IN 1/11 25 ¶1
“Dihaholongi Debata do Halak na Mangalehon sian Las ni Roha”
Na parjolo dipaboa si Paulus ma tu halak Kristen na di Korint taringot halak Kristen di Makedonia. Didok si Paulus, “Tingki masa sitaonon na mansai borat tu nasida, tongtong do las roha ni nasida. Ai rade do nasida mangalehon sumbangan nang pe pogos nasida.” Ndang pola disuru-suru nasida laho mangulahon i. Didok si Paulus, “Marsitutu do nasida mangelek-elek hami asa boi nasida dohot mandapot hasangapon laho mangalehon sumbangan.” Jadi “nang pe pogos”, burju do angka dongan na di Makedonia jala rade mangurupi.—2 Korint 8:2-4.
Pangurupion tu na Hona Mara
TAON 46 M, masa ma haleon potir di Judea. Ndang tartuhor ni halak Kristen Jahudi na di Judea be gandum alani argana jala maol luluan. Alani i, masa ma haraparon. Ndang sadia leleng, sian na so panagaman dihilala nasida ma pangurupion ni Jahowa. Aha do na masa?
Pangurupion tu na Hona Mara
4 Surat ni si Paulus na paduahon tu halak Korint, patorangkon dua ulaon na hombar tu pangkobasionta. Nang pe surat on ditujuhon tu halak Kristen na miniahan, alai saonari hata i marlaba tu ‘birubiru ni Kristus na asing’. (Joh. 10:16) Ulaon na parjolo, i ma “tohonan [pangkobasion] pardengganan” laho marbarita dohot mangajari. (2 Kor. 5:18-20; 1 Tim. 2:3-6) Ulaon na paduahon, i ma mangurupi angka dongan sahaporseaon. Si Paulus mandok na mangulahon on “parsidohot mangurupi angka na badia”. (2 Kor. 8:4) Hata “[pangkobasion] pardengganan” dohot “mangurupi angka na badia” mamangke hata na sarupa di bagasan hata Junani, i ma di·a·ko·niʹa. Aha do lapatan ni hata on?
5 Ala dipangke do hata Junani na sarupa laho manggombarhon dua ulaon on, dipatudos si Paulus ma pangurupion tu na hona mara tu angka ulaon pangkobasion di huria. Mulana, didok ibana do, “Marasing-asing do parhobason alai sada do Tuhan sihobasan. Marragam-ragam do pambahenan halongangan, . . . Alai Tondi na sasada i do mambahen i sude.” (1 Kor. 12:4-6, 11, Bibel siganup ari) Dipatudos si Paulus do muse ragam ni ulaon di huria tu pelean tu Debata. (Rom 12:1, 6-8) Alani i, dihilala si Paulus ma ringkot ni mangalehon tingkina laho ‘manarihon angka na badia i’!—Rom 15:25, 26.
6 Diurupi si Paulus do halak Korint mangantusi molo pangurupion tu na hona mara, i ma sada ulaon pangkobasion dohot panombaon tu Debata. Taparrohahon ma tudosan on: Dilehon halak kristen do pangurupion “ala ni pangoloion ni roha [nasida], laho mangkatindangkon barita na uli na sian Kristus”. (2 Kor. 9:13) Alani i, molo diurupi halak Kristen donganna sahaporseaon, on patuduhon nasida mangulahon ajaran ni Kristus. Si Paulus mandok, on diulahon ala “marningot asi ni roha na sumurung na sian Debata”. (2 Kor. 9:14; 1 Ptr. 4:10) Taringot on, The Watchtower 1 Desember 1975 mandok, “Ingkon pos do rohanta tu Debata Jahowa dohot tu AnakNa Jesus Kristus na mangkatindangkon ringkot ni ulaon pangkobasion on.” Tangkas ma, sada pelean na arga do ulaon pangurupion tu na hona mara.—Rom 12:1, 7; 2 Kor. 8:7; Heb. 13:16.
Biaya na Dipangke tu Ulaon ni Organisasi
10 Na parjolo, rade do hita mangalehon sumbangan ala tahaholongi Jahowa, jala taulahon “lomo ni rohana”. (1 Joh. 3:22) Las do roha ni Jahowa tu naposoNa na mangalehon sian na nionjar ni rohana. Taparrohahon ma surat ni si Paulus taringot on. (Jaha 2 Korint 9:7.) Halak Kristen na marsihohot ndang holit, alai mangalehon sian na “nionjar ni rohana”. Lapatanna, sasahalak nunga mambahen panimbangion tu na dihaporluhon, dung i dilehon ma sumbangan. Arga do halak sisongon i di adopan ni Jahowa, ala “dihaholongi Debata do na las roha mangalehon”. Molo di terjemahan na asing didok, “Dihaholongi Debata do na mangalehon sian na nionjar ni rohana.”
Mangalului Arta na Adong di Bibel
Taronjar alani “Silehon-lehonna, na so Tarhatahon I!”
2 Diboto apostel Paulus, holan marhite tobusan ni Jesus do saut sude baga-baga ni Debata. (Jaha 2 Korint 1:20.) Silehon-lehon na so tarhatahon sian Debata, i ma tobusan ni Jesus dohot sude na denggan na dilehon Debata tu hita. Ndang tarpajojor hita sude lapatan ni silehon-lehon na arga na sian Debata. Alani i, songon dia do pangkilalaanta tu silehon-lehon na arga on? Jala, songon dia do on mangonjar rohanta asa mangarade tu ari Parningotan hamamate ni Jesus di ari Rabu 23 Maret 2016?
g99-IN 8/7 20-21
Sala do Molo Marbalga ni Roha?
Di Angka Buku Junani Kristen, kata kerja kaukhaomai na diterjemahon gabe “bangga, marlas ni roha, marbalga ni roha” boi do lapatanna negatif manang positif. Umpamana didok si Paulus, “Marlas ni roha ma hita ala marpangkirimon laho manjalo hasangapon sian Debata.” Didok ibana muse, “Manang ise na naeng marbalga ni roha, marbalga ni roha ma ibana alani Jahowa.” (Rom 5:2; 2 Korint 10:17) Lapatanna, bangga do hita ala Jahowa na gabe Debatanta. Las situtu do rohanta mamboto goarna dohot parangena.
20-26 MEI
ARTA NA ARGA NA ADONG DI BIBEL 2 KORINT 11-13
“‘Suga di Bagasan Daging’ ni si Paulus”
w08-IN 15/6 3-4
Margogo Nang pe Gale
Adong do naposo ni Jahowa na mangido asa dibuat Jahowa ‘suga di bagasan dagingna’. Lapatan ni ‘suga di bagasan daging’, i ma angka hasusaan na masa tu hita. Hea do sampe tolu hali dipangido apostel Paulus tu Debata asa dipamago hasusaanna i. Dipatudos do hasusaanna songon suga, na mambahen ibana gabe ndang marlas ni roha be manomba Jahowa. Sai hira na dipastapi ma dihilala si Paulus ganup ari. Boha do pangkilalaan ni Jahowa mangida i? Didok Jahowa, “Nunga sae be asi ni rohangku na mansai balga i di ho. Ai lam balga do huasongku alani hagaleonmi.” Ndang pintor dipamago Jahowa hasusaan ni si Paulus. Ingkon marsitutu do si Paulus mangadopi i. Jala didok ibana do, “Tingki gale ahu, gabe margogo do ahu.” (2 Kor. 12:7-10) Boasa didok ibana songon i?
w06-IN 15/12 24 ¶17-18
Dilehon Jahowa do “Tondi Parbadia tu Halak na Mangido tu Ibana”
17 Dialusi Jahowa do tangiang ni si Paulus. Didok Jahowa, “Nunga sae be asi ni rohangku na mansai balga i di ho. Ai lam balga do huasongku alani hagaleonmi.” Didok si Paulus ma, “Alani i, marbalga ni roha ma ahu alani hagaleonku. Asa huaso ni Kristus i na mangalinggomi ahu songon kemah.” (2 Korint 12:9; Psalmen 147:5) Jadi dihilala si Paulus do na dilinggomi Debata ibana marhite Jesus Kristus. Dipatudos do parlinggoman i songon kemah. Saonari pe, dialusi Jahowa do tong tangiangta. Dilehon Ibana do parlinggoman tu hita na dipatudos songon kemah.
18 Memang kemah ndang boi mambahen gabe so udan manang alogo. Alai, kemah boi mangalinggomi hita sian sudena i. Suang songon i ma “huaso ni Kristus”. Ndang boi pintor dipamago angka hasusaan na tahilala. Alai boi do dilinggomi hita sian portibi on dohot sian ela-ela ni Sibolis. (Pangungkapon 7:9, 15, 16) Nang pe hasusaan i ndang boi pintor ‘mago’ sian hita, alai pos do rohanta na dilehon Jahowa do gogo tu hita, jala ditangihon do ‘soara ni angguhanggukta’. (Jesaya 30:19; 2 Korint 1:3, 4) Jala didok si Paulus do, “Ndang pasombuonna hamu diela-ela lobi sian na tolapmuna. Jala molo adong ela-ela, patuduonna do tu hamu dalan asa boi sabar hamu manaon i.”—1 Korint 10:13; Pilippi 4:6, 7.
“Jahowa Mangalehon Gogo tu na Loja”
8 Jaha Jesaya 40:30. Ringkot do taingot, nang pe malo hita, ndang godang na boi taulahon. Taboto, malo do apostel Paulus. Alai ndang boi ulahononna sude na dihalomohon rohana. Sada tingki martangiang ma ibana taringot pangkilalaanna. Dialusi Jahowa ma, “Ai di hagaleon do sun timbul hagogoon.” Diantusi ibana do boasa didok Jahowa songon i. Jala didok ibana ma, “Ai jumpa gale ahu, disi do ahu margogo.” (2 Kor. 12:7-10) Aha do lapatan ni i?
9 Diboto si Paulus do, ndang boi sude diulahon ibana. Dihaporluhon ibana do pangurupion na mansai balga sian na asing. Tondi parbadia ni Debata boi mangalehon gogo tingki gale ibana. Gabe boi ma ibana mangulahon angka na so tolap hian diulahon ibana. Songon i ma nang hita. Tingki dilehon Jahowa tu hita tondi parbadia, gabe togu ma hita!
Mangalului Arta na Adong di Bibel
w18.12-IN 8 ¶10-12
Sungkun-Sungkun sian na Manjaha
Ra, “surgo na patoluhon” na didok di 2 Korint 12:2, lapatanna Harajaon ni Debata. Jesus ma na mamarenta disi rap dohot 144.000 halak na miniahan. Nasida ma na didok “langit na imbaru”.—2 Ptr. 3:13.
Boasa didok “surgo na patoluhon”? Alana, pamarentaon ni Harajaon i do na dumenggan sian sasudena.
Ra, lapatan ni “paradeiso” na diida si Paulus, i ma (1) Paradeiso di tano on, (2) hadameon na laho adong di tano on haduan, jala umbalga do i sian hadameon na tahilala saonari ala marale-ale tu Jahowa, jala na sada nai (3) “paradeiso ni Debata” di surgo dung adong paradeiso di tano on.
it-1-IN 510
Umma, Mangumma
“Umma-Umma na Badia”. Di abad na parjolo, adong do “umma-umma na badia” di halak Kristen (Rom 16:16; 1Kor 16:20; 2Kor 13:12; 1Tes 5:26) manang didok do i “ummaumma holong”. (1Ptr 5:14, Bibel siganup ari) Ndang boi i diulahon baoa tu borua manang borua tu baoa. Ingkon baoa tu baoa do manang borua tu borua. Ra, na diulahon nasida tingki i sarupa do tu hasomalan ni halak Heber najolo. Somalna, tingki pajumpang nasida, ingkon jolo diumma do donganna. Jadi, nang pe ndang pola tangkas dipaboa di Bibel taringot on, alai “umma-umma na badia” i patuduhon holong na sian ias ni roha jala mambahen nasida marsada.
27 MEI–2 JUNI
ARTA NA ARGA NA ADONG DI BIBEL GALATIA 1-3
“Hupinsang ma Ibana”
Ditiru Hamu do Pangkilalaan ni Jahowa Taringot Hatigoran?
16 Jaha Galatia 2:11-14. Gabe mabiar do si Petrus tu jolma. (Poda 29:25) Diboto si Petrus do naung dijangkon Jahowa halak na so Jahudi. Alai, mabiar do ibana ala mamingkirhon songon dia pangantusion ni halak Kristen Jahudi tu ibana molo marsaor ibana tu halak Kristen na so Jahudi. Didok si Paulus ma tu si Petrus molo ibana munafik. Boasa? Alana, dibege si Paulus do hata na nidok ni si Petrus taringot tu halak na so Jahudi, tingki marrapot nasida di Jerusalem taon 49 M. (Ul. 15:12; Gal. 2:13) Songon dia do pangkilalaan ni halak Kristen na so Jahudi mangida si Petrus? Gabe gale do partondion ni nasida? Alani hasalaanna i, adong dope hak na sumurung di si Petrus?
w13-IN 15/3 5 ¶12
“Ndang Adong Partuktuhan” di Halak na Mangkaholongi Jahowa
12 Hea do si Petrus mabiar tu jolma. Buktina, hea do sampe tolu hali si Petrus ndang mangangkui Jesus. (Luk. 22:54-62) Asing ni i, hea do dipaimbar-imbar si Petrus halak Kristen na marsunat dohot halak Kristen na so marsunat. Diboto apostel Paulus do taringot on. Sala do na diulahon si Petrus i. Boi do gabe ndang marsada be huria alani i. Jadi asa unang masa i, pintor dipinsang si Paulus do si Petrus. (Gal. 2:11-14) Gabe hansit do roha ni si Petrus? Ndang olo be ibana manomba Jahowa? Ndang songon i. Ditangihon ibana do sipasingot ni si Paulus, diulahon do i, jala tongtong setia tu Jesus dohot tu Jahowa.
Mangalului Arta na Adong di Bibel
w14-IN 15/9 16 ¶20-21
Tongtong Manomba Debata Nang pe “Godang Hasusaan”
20 Boha do molo metmet rohanta? Boha ma caranta mangadopi i? Tatiru ma si Paulus. Tarimangi ma taringot tobusan na dilehon Jesus. Sipata olo do metmet roha ni si Paulus. Alai diboto ibana, halak na mardosa do na ditobus Jesus. I do umbahen didok ibana, “Mangihuthon haporseaonku tu Anak ni Debata i nama ahu mangolu, i ma na mangkaholongi ahu jala na mangalehon ngoluna humongkop ahu.” (Gal. 2:20) Jadi porsea do si Paulus tu tobusan ni Jesus. Jala pos do rohana, tobusan ni Jesus i pe marlangku do tong tu ibana.
21 Dos songon i ma hita. Sai taingot ma, tobusan ni Jesus i pe marlangku do tu hita ganup marsada-sada. Jahowa do na mangalehon i. Memang molo taingot i, ndang na pintor mago metmet ni roha na tahilala. Ala ndang ro dope Harajaon ni Debata, ingkon marsitutu do hita mangadopi pangkilalaan sisongon i. Alai ingot ma: Angka na marsihohot do na mandapot pasu-pasu. Nunga lam jonok Harajaon ni Debata. Dung ro Harajaon i, dame ma portibi on jala sude jolma gabe sempurna. Alani i, marsitutu ma hita asa boi masuk tu Harajaon i nang pe godang hasusaan.
it-1-IN 755
Surat tu Angka Halak di Galatia
Didok si Paulus do, “Hamu halak Galatia na oto.” Hata ni si Paulus on ndang holan tu angka halak na sian Gaul di Galatia bagian utara. (Gal 3:1) Alai, didok do on tu angka huria na di Galatia. Alana, diihuthon angka dongan di Galatia do ajaran Judaisme. Tingki i, marsitutu do halak Jahudi mambahen aturan mangihuthon patik ni si Musa. Ndang olo be nasida porsea jala mangihuthon patik ni Kristus. (2:15–3:14; 4:9, 10) Taboto do surat ni si Paulus on dikirim tu “angka huria na adong di Provinsi Galatia” (1:2), di angka huria i, adong do halak Jahudi, na so Jahudi, angka halak sian bangso na asing na marsunat, angka na so marsunat, dohot angka halak Kelt. (Ul 13:14, 43; 16:1; Gal 5:2) Antong, boasa ma halak i didok halak Galatia? Alana nasida tinggal di Galatia. Jala isi ni surat on patuduhon, dikirim si Paulus do suratna on tu angka halak di provinsi Rom bagian selatan naung ditanda ibana. Ndang na tu angka halak di bagian utara na so hea dope dijumpangi ibana.