Referensi tu Parpunguan Hangoluan dohot Pangkobasion na Laho Diparsiajari
7-13 OKTOBER
ARTA NA ARGA NA ADONG DI BIBEL JAKOBUS 3-5
“Patuduhon Bisuk ni Debata”
cl-IN 221-222 ¶9-10
Dipangke Hamu do “Habisuhon na sian Ginjang i”?
9 “Marroha na ias”. Lapatan ni ias, i ma ndang kotor, sian luar songon i nang sian bagasan. Di Bibel dipaboa do adong hubungan ni habisuhon dohot roha. Alai molo adong pingkiran dohot sangkap na roa di rohanta, ndang boi masuk habisuhon na sian ginjang i. (Poda 2:10; Mateus 15:19, 20) Alai molo ias do rohanta, nang pe ndang sempurna hita, tontu ndang taulahon na jahat, alai na denggan do na taulahon. (Psalmen 37:27; Poda 3:7) Alani i, ingkon ias do roha dohot pingkiranta. Molo ndang ias roha dohot pingkiranta, ndang boi tapatudu angka parange na asing sian habisuhon i.
10 “Marroha na dame”. Molo tapangke do habisuhon na sian ginjang i, gabe lomo do rohanta mardame. Alana, i do sada sian parbue ni tondi parbadia. (Galatia 5:22) Lomo do rohanta asa boi marsada jala “mardame” dohot angka donganta. (Epesus 4:3) Molo adong parsoalanta, marsitutu do hita asa mardame muse. Boasa ringkot i? Didok Bibel, ‘Tongtong ma . . . dame parngoluonmuna. Sai anggiat ma hamu didongani Debata parholong jala na mangalehon dame i.’ (2 Korint 13:11) Jadi molo tongtong hita mardame, donganan ni Debata ma hita. Ibana do silehon dame i. Molo denggan hita maradophon angka donganta, gabe denggan ma parale-aleonta tu Jahowa. Boha do caranta patuduhon molo hita siboan dame? Parrohahon ma sada contoh.
cl-IN 223 ¶12
Dipangke Hamu do “Habisuhon na sian Ginjang i”?
12 Masuk angkal cara marpingkirna. Aha do lapatan ni masuk angkal? Molo menurut angka pakar, maol do manerjemahon hata Junani “masuk angkal” na disurat di Jakobus 3:17. Piga-piga penerjemah mamangke hata “lambok”, “burju”, jala “mardophon ni roha tu na asing”. Alai molo di catatan kaki di Bibel Terjemahan Dunia Baru, masuk angkal i lapatanna “mengalah”. Boha do caranta patuduhon parange on?
cl-IN 224-225 ¶14-15
Dipangke Hamu do “Habisuhon na sian Ginjang i”?
14 “Mangoloi”. Hata Junani “mangoloi” ndang adong tarsurat di Buku Junani Kristen. Adong sahalak pakar mandok, jotjot do hata i dipangke di bidang militer. Boi do lapatan ni hata on “mura paposhon rohana” jala “unduk”. Molo adong habisuhon na sian ginjang i di sasahalak, unduk do ibana tu na didok di Bibel. Ndang olo ibana mamaksahon pamingkirionna sandiri. Pintor olo do ibana paubahon pamingkirionna molo maralo i tu poda ni Bibel. Songon i do hamu ditanda halak?
“Gok Asi ni Roha dohot Angka Ulaon na Denggan”
15 “Gok asi ni roha dohot angka ulaon na denggan”. Ringkot situtu do marasi ni roha, alana “gok asi ni roha” do halak na mamangke habisuhon na sian banua ginjang i. Molo taparrohahon, dipadomu do hata “asi ni roha” dohot “ulaon na denggan”. Alana didok di Bibel, halak na marasi ni roha olo do mangulahon na denggan. Sada karya referensi mandok, halak na marasi ni roha i “marlungun ni roha do tingki adong halak na susa, jala olo do ibana mangurupi”. Halak na mamangke habisuhon i, burju do jala mamparrohahon pangkilalaan ni halak na asing. Jadi habisuhon na sian banua ginjang i, ingkon tarida do sian parniulaon. Songon dia hita patuduhon na gok asi ni roha do hita?
cl-IN 226-227 ¶18-19
Dipangke Hamu do “Habisuhon na sian Ginjang i”?
18 “Ndang paimbar-imbarhon”. Molo tapangke habisuhon na sian ginjang i, ndang olo hita paimbar-imbarhon suku manang marga ni halak. Gabe marsitutu ma hita asa unang mardingkan maradophon angka halak. (Jakobus 2:9) Unang ma hita holan burju tu angka dongan na timbo singkolana, godang hepengna, jala adong tanggung jawabna di huria. Jala unang ma leas rohanta mangida angka dongan, nang pe halak na biasa-biasa nasida. Dihaholongi Jahowa do angka donganta i. Jadi hita pe, ingkon tahaholongi do nasida.
19 “Ndang munafik”. Hata Junani “halak na munafik” dipangke laho mandok sahalak “paropera”. Di Junani dohot di Rom najolo, somal do angka paropera mamangke topeng na balga di pentas. Alani i, hata Junani “halak na munafik” i gabe dipangke laho mandok halak na pura-pura, manang halak na asing hatana asing na di rohana. Jadi, unang ma hita gabe munafik maradophon angka dongan. Jala rohanta pe ingkon tajaga do asa unang gabe munafik.
Mangalului Arta na Adong di Bibel
w08-IN 15/11 20 ¶6
Angka na Denggan sian Surat ni si Jakobus dohot si Petrus
4:5—Ayat na dia do na dienet si Jakobus dison? Sasintongna ndang adong ayat na mandok songon na didok si Jakobus i. Alai sian Debata do hatana i. Jala hombar do i tu na tarsurat di 1 Musa 6:5; 8:21; Poda 21:10; dohot Galatia 5:17.
w97-IN 15/11 20-21 ¶8
Haporseaon Mambahen Hita Sabar jala Marsihohot
8 Mardosa do hita molo taparoa-roa angka donganta. (Jakobus 4:11, 12) Alai adong do piga-piga na lomo rohana paroa-roahon donganna. Ra ala dirimpu nasida do umtigor nasida sian na asing. Manang nasida naeng patimbohon dirina sandiri jala leas rohana mangida halak na asing. (Psalmen 50:20; Poda 3:29) Hata Junani na diterjemahon gabe “paroa-roahon”, boi do lapatanna marmusu jala mandok hata na so tutu taringot tu angka donganna, manang dipalobi-lobi hatana. Sarupa do on songon manguhumi donganta jala mambahen ibana gabe susa. Jala sarupa do on songon mangalo patik ni Debata. ‘Malo do angka siboto surat dohot halak Parise pasidingkon parenta ni Debata.’ Jala diuhumi nasida do halak hombar tu uhum na dibahen nasida sandiri. (Markus 7:1-13) Suang songon i ma, molo tadok hata na so denggan taringot tu donganta, hape ndang na diuhum Jahowa ibana, na mangalo patik ni Debata do hita disi. Hira na tadok ma ndang denggan patik ni Debata i. Jala molo taparoa-roa donganta, tapalobi-lobi hatanta taringot nasida, berarti ndang adong holong ni roha di hita.—Rom 13:8-10.
14-20 OKTOBER
ARTA NA ARGA NA ADONG DI BIBEL 1 PETRUS 1-2
“Ingkon Badia do Hamu”
Tobusan—Sada “Silehonlehon na Denggan” sian Debata
5 Songon dia do patuduhon na taparsangapi goar ni Jahowa? Marhite parniulaonta. Lomo roha ni Jahowa asa badia hita. (Jaha 1 Petrus 1: 15, 16.) Holan Ibana ma tasomba jala unduk sian nasa roha. Nang pe marsitaonon, marsitutu do hita mangolu hombar tu aturan ni Jahowa. Molo hombar do ngolunta tu aturan ni Jahowa, on parohon sangap tu Jahowa. (Mat. 5:14-16) Tapatudu ma na denggan do patik ni Jahowa jala pargabus do Sibolis. Ala ndang tipak, olo do hita mangulahon na sala. Molo taulahon na sala, marhamubaon ma hita jala marsitutu asa unang mangaleai goar ni Jahowa.—Ps. 79:9.
Songon dia Mamillit Hiburan na Denggan
6 Si Paulus mangalehon poda tu huria di Rom, “Unang ma dosa i mangarajai di bagasan dagingmuna.” Disuru si Paulus do asa “dipamate” parulaon ni pamatang nasida. (Rom 6:12-14; 8:13) Andorang so dipaboa on, dilehon do sada tudosan taringot “parulaon ni pamatang”. Songon on ma parulaon ni pamatang ni jolma na mardosa, “gok burabura . . . pamangannasida”. “Hirtap do patnasida mandurushon mudar”. “Ndang marhabiaran di Debata rohanasida”. (Rom 3:13-18) Sahalak Kristen mambahen pamatangna martihas molo dipangke ‘angka ruas’ ni pamatangna mangulahon dosa. Umpamana, molo jotjot sahalak Kristen mangida pornografi manang film kekerasan, dos ma on naung ‘pasahat [mata] tu dosa’. Alani i, nunga martihas be sude pamatangna. Aha pe na diulahon ibana, ndang gabe pelean na badia be i jala ndang dihalomohon Debata. (5 Musa 15:21; 1 Petrus 1:14-16; 2 Petrus 3:11) Godang do harugian molo ndang tapillit hiburan na denggan!
Mangalului Arta na Adong di Bibel
w08-IN 15/11 21 ¶10
Angka na Denggan sian Surat ni si Jakobus dohot si Petrus
1:10-12. Lomo hian do roha ni angka suru-suruan laho manulingkiti jala mangantusi hasintongan na disurat angka panurirang ni Debata taringot huria Kristen naung dimiahi. Alai dung adong pe huria Kristen i baru ma lam tangkas hasintongan i. (Eps. 3:10) Ingkon tatiru do angka suru-suruan i. Marsitutu ma hita laho manulingkiti “angka na buni di bagasan diri ni Debata”.—1 Kor. 2:10.
it-2-IN 393 ¶1
Pengawas
Pengawas na Tumimbo. Ra hata na disurat di 1 Petrus 2:25 i dienet sian Jesaya 53:6, i ma taringot angka halak na “lilu songon biru-biru”. Jala didok si Petrus do, “Alai saonari, nunga mulak hamu tu parmahan i dohot siramoti ngolumuna.” Jahowa do parmahan na didok di ayat on. Angka halak na manjalo surat ni si Petrus i, ndang na manimbil sian Jesus. Alai marhite Jesus, gabe mulak do muse nasida tu Debata Jahowa, Siparmahan Natumimbul. (Ps 23:1; 80:2; Jer 23:3; Hes 34:12) Asing ni i, gabe pengawas do Jahowa. Ibana do na mamareso angka naposona. (Ps 17:3) Mamareso (Jn., episkope) boi do dipangke laho mandok panguhuman ni Debata. Songon tingki di abad na parjolo Masehi, ndang diboto angka halak na di Jerusalem naung dipareso [Jn., episkopes] Debata nasida. (Luk 19:44, surat na di toru) Manang boi do i dipangke laho mandok angka ulaon na denggan. Misalna adong do angka halak na mamuji Debata “di ari panguhumanna i [Jn., episkopes]”.—1Ptr 2:12.
21-27 OKTOBER
ARTA NA ARGA NA ADONG DI BIBEL 1 PETRUS 3-5
“Nunga Jonok Ujung ni Saluhutna”
w13-IN 15/11 3 ¶1
“Tongtong ma Rade Hamu Martangiang”
SASAHALAK na hea karejona jaga malam mandok, “Di tingki andorang so martahuak manuk, disi ma tahilala borat hian matanta.” Pasti setuju do angka halak na hea jaga malam tu hatana i. Hira songon i ma situasi ni halak Kristen di ari parpudi on, ala Sibolis dope na mangarajai portibi on. Gabe hira na golap ma portibi on. (Rom 13:12) Alani i, bahaya do molo dao hita sian Jahowa di ujung ni ari parpudi on! Ingkon torang do pingkiranta jala taoloi ma poda ni Bibel na mandok, “tongtong ma rade hamu martangiang”.—1 Ptr. 4:7.
w99-IN 15/4 22 ¶3
Mamboto Hagaleonta jala Caranta Mangadopi i
Taingot ma hata ni si Paulus na mandok, “Nunga jonok ujung ni saluhutna. Alani i, marroha ma hamu jala tongtong ma rade hamu martangiang. Na rumingkot sian saluhutna, marsitutu ma hamu masihaholongan. Ai ditutupi holong i do godang dosa.” (1 Petrus 4:7, 8) Memang olo do hita gabe tartuktuk alani hagaleon ni na asing manang alani hagaleonta sandiri. Diboto Sibolis do hagaleonta i. Jadi lomo do rohana mambahen hita asa ndang marsada jala gabe lomo-lomonta tu na asing. Alani i, hatop ma tasalpuhon hasalaan ni na asing, jala “unang ma lehon tingki tu Sibolis”.—Epesus 4:25-27.
Sai Ringkot do Molo Hita Manamue!
2 Dijujui si Petrus do angka dongan asa manamue dongan na asing. (1 Ptr. 4:9) Molo tatamue sasahalak, lapatanna lomo do rohanta tu nasida jala las rohanta patuduhon haburjuon tu nasida. Alai, tingki didok si Petrus ingkon manamue tu dongan na asing, lapatanna i ndang diulahon holan tu angka halak na baru tinanda. Dohot do tu angka dongan naung leleng ditanda jala rap saulaon dohot nasida. Aha do laba na didapot ala lomo roha ni nasida manamue?
3 On mambahen nasida gabe lam solhot. Songon dia molo hamu? Hea do hamu mangkilala las ni roha ala digokhon sasahalak tu jabu ni nasida? Molo taulahon na sarupa, on mambahen hita gabe lam solhot tu nasida. Gabe lam tatanda ma angka donganta molo lomo rohanta manamue nasida. Halak Kristen di tingki ni si Petrus, ingkon solhot do nasida tu donganna be. Alana, lam susa do parngoluon ni nasida. Hita pe saonari, porlu do mangulahon i ala mangolu di “tingki parpudi”.—2 Tim. 3:1.
Mangalului Arta na Adong di Bibel
w13-IN 15/6 23
Sungkun-Sungkun sian na Manjaha
Didok di Bibel, ‘marbarita do Jesus tu angka suru-suruan na jahat na di hurungan’. (1 Ptr. 3:19) Aha do lapatan ni i?
▪ Didok si Petrus, angka suru-suruan i do “na so mangoloi tu Debata di tingki ni si Noak”. (1 Ptr. 3:20) Angka suru-suruan i do na rap mangalo dohot Sibolis. Si Judas mandok suru-suruan i ‘ndang hot di surgo, na manadingkon inganan ni nasida hian’. Jala didok do, “Dirante [Debata] do nasida di haholomon situtu salelengna paima ro ari paruhuman na balga i.”—Judas 6.
Songon dia do nasida patuduhon na so unduk nasida tu Debata? Andorang so ro aek na sumar, dipauba nasida do dirina gabe jolma. Hape ndang adong rencana ni Debata asa gabe songon i nasida. (1 Mus. 6:2, 4) Mangulahon seks do nasida dohot angka borua. Hape ndang ditompa Debata suru-suruan asa mangulahon seks dohot borua. (1 Mus. 5:2) Alani i, laho ripashonon ni Debata do nasida. I do alana didok si Judas, dos songon na dipenjarahon ma nasida di bagasan “haholomon situtu”.
Nandigan jala songon dia do Jesus marbarita tu ‘angka suru-suruan na jahat na di hurungan’ i? Didok si Petrus, masa ma on dung dipahehe Jesus “laho mangolu di banua ginjang”. (1 Ptr. 3:18, 19) Hata na dipangke si Petrus laho mandok Jesus “marbarita”, patuduhon molo i masa andorang so dibahen si Petrus suratna na parjolo. Ra, dung dipahehe Jesus, dipaboa ibana ma na laho diuhum do angka suru-suruan i. Ndang barita pangkirimon na dipaboa Jesus tu nasida. Barita panguhuman do. (Jona 1:1, 2) Tama do Jesus paboahon barita panguhuman i ala marsihohot do ibana sahat tu na mate, alai dipahehe do muse ibana. On patuduhon, ndang boi Sibolis mangarajai Jesus.—Joh. 14:30; 16:8-11.
Haduan, laho sampathonon ni Jesus ma Sibolis dohot angka suru-suruan na jahat i tu lombang na mansai bagas. (Luk. 8:30, 31; Pgk. 20:1-3) Andorang so masa i, nunga songon na dipenjarahon nasida di bagasan haholomon situtu. Jala pasti do ripashononna nasida.—Pgk. 20:7-10.
w08-IN 15/11 21 ¶8
Angka na Denggan sian Surat ni si Jakobus dohot si Petrus
4:6—Ise do “halak na mate” na mandapot “barita na uli”? I ma angka halak naung mate ‘alani hasalaan dohot dosana’, manang angka halak na so hea dope mandapot hasintongan taringot tu Debata. (Eps. 2:1) Dung diboto nasida barita na uli, gabe marhaporseaon ma nasida tu Debata.
28 OKTOBER–3 NOVEMBER
ARTA NA ARGA NA ADONG DI BIBEL 2 PETRUS 1-3
“Sai Mangingot Haroro ni Ari ni Jahowa”
w06-IN 15/12 27 ¶11
‘Bahenon ni Jahowa do na Tigor’
11 Songon dia do asa porsea hita tu hata ni Jesus na mandok laho hatop do bahenon ni Jahowa hatigoran i? Nang pe didok Bibel sabar do Jahowa i, alai pintor bahenonnna do hatigoran pas di tingkina. (Lukas 18:7, 8; 2 Petrus 3:9, 10) Di tingki ni si Noak, ndang dipaleleng-leleng Jahowa mangaripashon angka parjahat marhite Aek na Sumar. Suang songon i ma di tingki ni si Lot. Diripashon Debata do angka parjahat marhite api sian langit. Didok Jesus, “Suang songon i ma di ari i, tingki dipapatar Anak ni jolma i.” (Lukas 17:27-30) Haduan, tompu ma ripashonon ni Debata angka parjahat. (1 Tessalonik 5:2, 3) Alani i, pos ma rohanta, dung dapot tingkina, pintor ripashonon ni Jahowa do pamarentaon ni Sibolis.
w06-IN 15/12 19 ¶18
‘Jonok nama Ari ni Jahowa na Bolon i’
18 Dipaingot si Paulus do hita asa tongtong “mangingot haroro ni ari ni Jahowa”! Boha carana? Sada cara na didok Bibel, i ma “Badia ma pangalahomuna jala marsitutu ma hamu manomba Debata.” (2 Petrus 3:11, 12) Molo marsitutu hita mangulahon i, gabe sabar ma hita paimahon “ari ni Jahowa”. Hata Junani “mangingot” boi do lapatanna “dipahatop”. Memang ndang boi tapahatop asa ro ari ni Jahowa i. Molo ringgas hita mangulahon tugas na dilehon Debata huhut paimahon ari i, gabe tahilala hira na hatop ma salpu tingki.—1 Korint 15:58.
Mangalului Arta na Adong di Bibel
w08-IN 15/11 22 ¶2
Angka na Denggan sian Surat ni si Jakobus dohot si Petrus
1:19—Ise do “bintang manogot-nogot” i, sadihari do i marsinondang, jala songon dia do hita boi mamboto na naung masa i? Jesus do “bintang manogot-nogot” i naung mamarenta gabe Raja. (Pgk. 22:16) Taon 1914 ma mulai ibana gabe Raja. Jadi sian on taboto, tarida do hamuliaon ni Jesus jala balga do huaso ni Harajaonna i. Jala tutu do saut surirang na didok di Bibel. Molo taparrohahon on sude, gabe taboto ma naung marsinondang Bintang Manogot-nogot i.
w08-IN 15/11 22 ¶3
Angka na Denggan sian Surat ni si Jakobus dohot si Petrus
2:4—Aha do “Tartarus” i, jala andigan do angka suru-suruan na jahat disampathon tusi? Situasi na dos songon di bagasan hurungan do Tartarus i. Alai hurungan i ndang na laho tu jolma, tu suru-suruan na jahat do. Jala ala di bagasan haholomon do nasida, gabe ndang boi be diida nasida sangkap ni Debata. Ndang adong be pangkirimon di nasida. Disampathon Debata do nasida tu Tartarus di tingki ni si Noak, jala tongtong do disi nasida sahat tu na diripashon haduan.