Na Ditoppa Debata do Sibolis?

Na didok Bibel

Dang adong dipaboa di Bibel Debata do na manoppa Sibolis. Alana songon on ma na didok Bibel taringot Debata, “Tigor do sude dalanna. Debata na boi tahaporseai, na so olo mangulahon na so tigor, na sittong jala na tigor do Ibana.” (5 Musa 32:3-5) Sian on gabe taboto ma, suru-suruan na sempurna jala na sittong do Sibolis tikki ditoppa Debata. Jala didok do tong ibana anak ni Debata. Alai ujungna, muba ma ibana gabe Sibolis dohot Setan.

Songon on ma na didok Jesus di Johannes 8:44 taringot Sibolis, “dang hot ibana di hasittongan”. Sian hatana on boi ma taboto, sebelum gabe Sibolis suru-suruan i, sai sittong do hatana jala dang hea ibana sala.

Tikki ditoppa Jahowa suru-suruan dohot jolma, diloas Ibana do nasida mamillit lao mangulahon na sittong manang na sala. Alai dipillit suru-suruan na gabe Sibolis i do mangalo tu Debata jala dipengaruhi ibana do si Adam dohot si Hawa asa mangihutton ibana. Jadi ibana sandiri do na mambahen dirina gabe Setan, na artina “Pangalo”.—1 Musa 3:1-5; Pangungkapon 12:9.