Dijalo Saksi Jahowa do Perawatan Medis?

I do. Dijalo Saksi Jahowa do parubatan dohot perawatan medis. Tikki marubat manang manjaga kesehatan, sipata porlu do “dokter” di hami. (Lukas 5:31, Bibel siganup ari) Sasittongna, adong do Saksi Jahowa gabe dokter, songon si Lukas, sahalak Kristen di abad na parjolo.—Kolosse 4:14.

Alai, dang dijalo hami parubatan na maralo tu prinsip ni Bibel. Umpamana, dang dijalo hami mudar marhite transfusi. Alana, Bibel mangorai hita mangallang mudar dohot mamakke i tikki marubat. (Ulaon ni Apostel 15:20) Jala diorai do hita mamillit parubatan na mamakke hadatuon.—Galatia 5:19-21.

Alai, godang do perawatan medis dohot parubatan na so maralo tu Bibel. Alani i, hita sandiri do na ikkon manottuhon lao mamakke sada parubatan manang na dang. Adong do Saksi na olo manjalo sada parubatan, alai Saksi na asing dang olo manjalo i.—Galatia 6:5.